اعانة هالشهر سؤال

[قمر]

السلام عليكم ورحمة الله وبركاته
يصادف تاريخ 20يوم الجمعه تتوقعون تنزل يوم الخميس او تتأخر ليوم الاحد

يعطيكم العافيه

[قمر]

رد: اعانة هالشهر سؤال

استغفر الله الحمدلله

سبحان الله وبحمده سبحان الله العظيم

[نجمة مسافر]

رد: اعانة هالشهر سؤال

وعليكم السلام ورحمة الله وبركاته
مراحب ياالغلا 🌹
هو المفروض لما يوافق جمعه يكون في 19 ولما يوافق سبت يكون في 21
لكن الوزاره مهيب ثابته على طريقه وحده فمره تسوي هالشي ومره تغير فنصيحتي لك دايماً خليك مستعده للثنتين ولا تشغلين عمرك بوقت نزولها أهم شي إنها بتنزل
إذا مصممه مره مره وتبين تعرفين يبي لك تسجلين بطاقة صراف التأهيل على الهاتف المصرفي وهو الي بيعلمك بتنصرف الخميس ولا لا لأن الإعانه تنزل عليه قبل ما تتحدث على الموقع وقبل ما تسمح الصرافات بالسحب
طبعاً مهوب معلمك من نفسه لازم تحركين يدك وتشيكين بعد الساعه عشر في الليل يوم الأربعاء
هذا رقم الهاتف الثابت 8001240075
هذا رقم الجوال 920011130
كلهم رد آلي وإنتِ اتبعي الخطوات وستصلين لبر الأمان
البطاقه فيها رقم طويل عريض 12 رقم إذا ما حفظتيه زين خلي أحد ينقّله لك وقت التسجيل لأنه بينطلب مرتين وممكن تغلطين وإنتِ تطالعين في البطاقه وبتجيبين العيد مثلي

[قمر]

رد: اعانة هالشهر سؤال

حبيبتي منوره بكل مواضيعي عسى عيني ماتبكيك

وافيه بالغاليه بكل المواضيع لارديتي انتي غنيتيني عن كل الردود

طلتك وجودك ومرورك بهجه ربي يسعدك ي قلبي دنيا وأخره

شغله طويله وفيها تدخيل ارقام اجل خليني كذا انتظرها اهم شي تنزل

ويسلموو ع مرورك العطر حبيبتي نجمه

[نجمة مسافر]

رد: اعانة هالشهر سؤال

يال الهول أيتها الفتاة استسلمتِ من قبل التجربه 😜
سهل ما يبي له شي بس شكلي كبرت السالفه وهي ما تستاهل
يا جعلك تسلمين يارب ويسعدك ربي في الدنيا والآخره ويحفظك
النور نورك يا حياتي ترانا تقريباً في نصف الشهر 🌕
من أسعد لحظات حياتي لما نستفيد ونفيد غيرنا وربي يوفقنا وياكم 😌

[الحنان كله]

رد: اعانة هالشهر سؤال

الاكيد تنزل الخميس ان شاء الله

[فيصل عبدالله الظفيري]

رد: اعانة هالشهر سؤال

[quote=قمر;438737]استغفر الله الحمدلله

سبحان الله وبحمده سبحان الله العظيم[/quot


---

[فيصل عبدالله الظفيري]

رد: اعانة هالشهر سؤال

اكيدتنزل الخميس تاريخ ١٩


---

[قمر]

رد: اعانة هالشهر سؤال

اللهم آمين نجمة مسافر اختي الغاليه ويوفقنا ويوفق الجميع يارب

ومشكورين عالمرور جميعا يارب يسهل أموركم ويرزقكم ويحفظكم يارب

[احمد الاحمد]

رد: اعانة هالشهر سؤال

الاخت نجمه هي 19 رقم وليس 12 والله اعلم
وجزاكم الله خير

[نجمة مسافر]

رد: اعانة هالشهر سؤال

أحمد الأحمد
مشكور وجزاك الله خير على التصحيح
يلا يا قمر صاروا 19 وش رايك تجربين بصراحه فَلّه
أنا مسجله من 4 شهور بس نسيت الرقم السري

[فيصل عبدالله الظفيري]

رد: اعانة هالشهر سؤال

أوامر ملكية بإعفاء عدد من وزراء الدولة:

* إعفاء صالح آل الشيخ وتعيين د. سليمان أبا الخيل وزيرا للشؤون الإسلامية
* إعفاء فهد بالغنيم من منصبه وتعيين وليد الخريجي وزيرا للزراعة
* تعيين عبد العزيز الخضيري وزيرا للثقافة والإعلام
* إعفاء محمد ملا من منصبه وتعيين فهاد بن معتاد الحمد وزيرا للاتصالات وتقنية المعلومات
* تعيين الدكتور محمد آل هيازع وزيرا للصحة
* إعفاء الدكتور خالد العنقري وتعيين الدكتور خالد السبتي وزيرا للتعليم العالي
* تعيين سليمان الحميد وزيرا للشؤون الاجتماعية وإعفاء الدكتور يوسف العثيمين من منصب وزير الشؤون الاجتماعية
* إعفاء وزير النقل جبارة الصريصري وتعيين المهندس عبدالله المقبل
* وتعيين فهد بن شفق الحمد وزيرا للاتصالات
* تعيين عصام بن سعيد رئيس هيئة الخبراء بمجلس الوزراء وزير دولة وعضوا بمجلس الوزراء
* ترقية اللواء سليمان العمرو مدير عام الدفاع المدني إلى رتبة فريق
* وترقية اللواء عثمان المحرج مدير الأمن العام إلى رتبة فريق

نسأل الله التوفيق للجميع وأن يصلح الله حال البلاد والعباد إلى الأفضل




---

[قمر]

رد: اعانة هالشهر سؤال

ان شاء الله حبيبتي

[ام زياد الرفيعي]

رد: اعانة هالشهر سؤال

الله يجزاك خير اختي نجمة مسافر دايم ردودك تبرد القلب الله يسعدك ويوفقك.

[نجمة مسافر]

رد: اعانة هالشهر سؤال

آمين يارب وياك
مشكوره جعلك تسلمين وربي يسعدك ويخليك أخجلتم تواضعنا 🌹
أنا في خدمة الجميع وتستاهلون