التخصصات الجامعيه

[احتضار]

السلام عليكم ورحمة الله وبركاته

مسائكم/صباحكم سعاده

بحكم ان النتدى اغلبه من ذوي الاحتياجات الخاصه

او له صله بهم حابه خبراتكم وتجاربكم

عن التخصصات اللي ينقبل فيها المعاق حركيا

وهل كلية العلوم الطبيه تقبل المعاقين ؟؟؟


ياريت ما تبخلون علينا

[احتضار]

رد: التخصصات الجامعيه

اووووف

ولا رد من اربعه ايام

[المتفائل]

رد: التخصصات الجامعيه

وعليكم السلام ورحمة الله وبركاته

اختي اذا الجامعات ماعندها اي مشكلة
تقبل الطلاب في تخصصات
ان لم ينعدم التوظف فيها فهو قليل جدا

لاتبالي بتنقبلي في اي تخصص
لكن ابعدي عن التخصصات اللي مجال التوظيف فيها يحتاج نزول للميدان
وحطي في بالك ان فيه نسبة محددة للقبول في بعض التخصصات
وممكن بسبب عدم تاهيئة المباتي تنرفضي

[احتضار]

رد: التخصصات الجامعيه

اذا ع النسبة نسبتي فوق التسعين
وجامعة سعود ونوره مهيئه اعرف كثير يدرسون فيها


لكن ابعدي عن التخصصات اللي مجال التوظيف فيها يحتاج نزول للميدان
اشلون تخصصات ما تحتاج نزول للميدان اتوقع كلها
بس انا مابي تخصص في النهايه ما استفيد منه يعني ما الاقي وظيفه
وما عندي اي خلفيه ولا التقيت باي احد عنده خلفيه اساله واستفيد من تجربته

[صديقة ذوي الإعاقة]

رد: التخصصات الجامعيه

اختي اميرة اقتراحي ان تدخلي تخصص تميلي له وتبدعين مثل الحاسباو ادارة اعمال ولا تتطلب جهد لحالتك اسال الله ان يوفقك لما فية الخير انت من المبدعين ماشاء الله

[المتفائل]

رد: التخصصات الجامعيه

اذا ع النسبة نسبتي فوق التسعين

ماشاء الله تبارك الله

التخصصات اللي فيها نزول للميدان وجهد
يعني بعض تخصصات الهندسة
وبعض المجالات الطيبة دكتور جراح يعمل عمليات يحتاج للوقوف ساعات
ممرضة ايضا تحتاج للوقوف

انا برأيي مجال الحاسب الالي جدا مناسب اذا لك فيه رغبة
ومجالات التوظيف فيه افضل من غيرة
لان الحاسب مطلوب في اي قطاع واي جهة

[احتضار]

رد: التخصصات الجامعيه

حاسب مالي رغبه فيه كثير

طموحي تثقيف صحي ما يحتاج وقوف ولا شغل

واخاف ما انقبل

[المتفائل]

رد: التخصصات الجامعيه

تخصصات علم اجتماع علم نفس يوظفوا بالمستشفيات
وش تخصصه التثقيف الصحي ؟

[احتضار]

رد: التخصصات الجامعيه

علم النفس للشغل في المستشفى يحتاج انعاش قلب رئوي والمعاق مو بقادر عليه

والتثقيف الصحي هو احد تخصصات علوم صحة المجتمع لا زال مطلوب

ولا يحتاج للشغل في المستشفى اذا ما ودك

يعني من مجالات التوظيف فيه المدارس والجامعات

[المتفائل]

رد: التخصصات الجامعيه

لا ياميرة موظف علم النفس بالمستشفيات
او اخصائي علم النفس
ماله دخل بالانعاش
شغله يناقش المريض بطرح الاسئلة عليه
ومن خلال الاجابات اللي يحصلها عليها من المريض
يعطيه النصائح والتوجيهات وقد يصرف له ادوية
كلها جلسة على كرسي

طيب دامك راغبة التثقيف الصحي
وفرصة التوظيف موجودة بعد توفيق الله توكلي على الله

[احتضار]

رد: التخصصات الجامعيه

لا ياميرة موظف علم النفس بالمستشفيات
او اخصائي علم النفس
ماله دخل بالانعاش


كل ماسالت احد قالي انعاش رئوي ومدري ايش

ولا هذا كان احد طموحاتي وصرفت النظر عنه

الله يكتب اللي فيه الخير

[بنت الشيخ]

رد: التخصصات الجامعيه

السلام عليكم

اذا كنتِ تقصدين العلوم الطبيه بالرياض جامعه الملك سعود

لااريد ان اغلق الباب في وجهك
لكن لااعتقد
لانني طيلة سنوات دراستي لم ارى فيها من ذوي الاحتياجات الخاصه

ونصيحه اخوية ترا الدراسه فيها جداً متعبه ومرهقه
ست سنوات ومن 8 الي 5 العصر وغير كذا قسم التثقيف الصحي تنزلين ميداني للاسواق والمجمعات والمدارس مو مثل قسم بصريات او سمع ونطق او علاج طييعي غيران الدراسه ثلاث السنوات الاولي الكليه ثم ينقبونك كل يوم بالباصات الي مستشفي عبدالعزيز الجامعي فيحتاج م واصلات خصوصا اذا كانت اعاقتك حركيه

بس رزقك علي الله قدمي وشوفي واستخيري


واذا كتب لك ربي تدخلينهاا انصحك بقسم صحه فم واسنان

[احتضار]

رد: التخصصات الجامعيه

والله وانا اختك هو انغلق من زمان

المشكله مو بالدوام انا متعوده على كذا

بس عقول مجتمعنا يبيلها اعادة تهيئه

ما نقول الا حسبنا الله ونعم الوكيل

[بنت الشيخ]

رد: التخصصات الجامعيه

صغيرتي ..
بشري انقبلتي بالجامعه ..!

[احتضار]

رد: التخصصات الجامعيه

الله يسعدك يا قلبي من شهر 8

والحمدلله انقبلت بس الصحيه انطردت منها وبجداره

اول ما شافوني قالو براااا

يحسبون عقلي برجليني حسبي الله ونعم الوكيل

مافي عدل بدولتنا اللي نسبهم اقل مني ادخلوها

وانا انطردت عشاني على كرسي بس ربك اقوى منهم واعدل منهم