استفسار بخصوص الضمان

[العهد]

السلام عليكم ورحمة الله وبركاته
بودي ان اعرف الطريقه او الاوراق المطلوبه لكي اقدم لامي على الضمان الاجتماعي حيث توفي والدي رحمه الله واسكنه الفردوس الاعلى
اللهم امين
الله يجزاكم خير الجزاء وبارك فيكم

[نجمة مسافر]

رد: استفسار

وعليكم السلام ورحمة الله وبركاته
اللهم آمين عظم الله أجركم في الوالد الله يرحمه ويسكنه الجنه
قبل ما أعطيك الطريقه أبعرف هل ترك راتب تقاعد وكم مقداره ؟
هل الوالده الله يحفظها لوحدها ولا معها أحد ؟
عشان أعلمك ممكن تقدم ولا لا

[العهد]

رد: استفسار

السلام عليكم ورحمة الله وبركاته
الله يجزاك الجنه
نعم له راتب تقاعد بس الان عقب الوفاة مادري كم يصير
لا لوحدها موب مسؤله عن احد
الله يوفقك لمايحبه ويرضاه

[نجمة مسافر]

رد: استفسار

وعليكم السلام ورحمة الله وبركاته
جعلك تسلمين أحلى دعوه آمين وياك
الله يكون في عون الوالده ويجبر مصابها ومصابكم
بما إنك ما تعرفين كم الراتب فبعطيك الإجابه بشكل عام
أبحط لك الجدول وشوفي الحد المانع للصرف في المعاش الشهري والمقطوعه

لو زاد الراتب عن المبلغ الي محدد في الجدول بيرفضون الطلب سواء في المعاش الشهري أو المقطوعه

المستندات المطلوبه
في البدايه تروح للأحوال ومعها شهادة الوفاة وتعدل حالتها لأرمله وتروح للضمان ومعها شهادة الوفاة وبطاقة الأحوال وصك حصر الإرث وتعريف براتب التقاعد سواء من مؤسسة التقاعد أو مؤسسة التأمينات
العماله المهنيه أو العماله غير المهنيه متجاوزه 3 أفراد أو تصاريح و رخص تجاريه أو وظيفه
هذي الأربعه بالإضافه لتجاوز الحد المانع للصرف تمنع من القبول في الضمان
أنا عطيتك الآن بشكل عام ولو إنك علمتيني كم الراتب كان ريحتك هل يقبلونها أو لا

راتب التقاعد لها لوحدها ولا مشتركه مع أحد ؟

[العهد]

رد: استفسار

السلام عليكم ورحمة الله وبركاته
راتب التقاعد لها وحده ...بس والله مادري كم الى الان ... ان شاء الله اقولك قريب واعرف كم بيكون
الله يجزاك الفردوس الاعلى يارب

[اسير القرني]

رد: استفسار

للهم آمين عظم الله أجركم في الوالد الله يرحمه ويسكنه الجنه

[ابو فواز]

رد: استفسار بخصوص الضمان

وعليكم السلام ورحمة الله وبركاته
عظم الله أجركم اختنا العهد في الوالد
والله يرحمه ويغفر له ويسكنه فسيح جناته

[العهد]

رد: استفسار بخصوص الضمان

وعليكم السلام ورحمة الله وبركاته
اجرنا واجركم الله يقبل دعاكم
الله يجزاكم الجنه ويوفقنا واياكم لمايحبه ويرضاه