وين اللي بيعطي موضوع اهميه !

[أماني القرني]

السلام عليكم ورحمة الله وبركاته

ياجماعة انا متضايقة كثير ولا أدري وين اراجع ووين أروح

مستشفياتنا لو ماطالبنا بحقنا ماعالجونا وخلونا على مصيبتنا وبلانا

الحين انا مولوده بتشوه بالقدمين ومن ضمن هذا التشوه القدم عندي مسطحه واتعب منها كثير

سواء بالمقاس او بطريقة الجزم اكرمكم الله يعني حتى الجزم ماتمسك لازم مواصفات خاصة

وابغى اروح لدكتور معين يشوف وضعي

وشفت برنامج دكتر اوز يتكلم عن خطورة القدم المسطحه على الشخص مع تقدم العمر _حسبي الله على مستشفياتنا الحكومية -

الحين ممكن اعرف كيف اخذ تحويل او شي زي كذا لمستشفى ممكن يساعدني

هل تعرفون دكتور معين بالأمن العام او الجامعي _بالرياض طبعا_ ممكن يساعدني !

وشكرا جزيلا لكم : (

[أماني القرني]

رد: وين اللي بيعطي موضوع اهميه !


وهل لو رحت مستشفى خاص وكبير ممكن يشوف ويعطيني انطباع ثم يحولني والا مايقدر !
ووش مفروض يكون اختصاصه عظام والا تجميل والا ايش بالضبط

لأن اهلي طلبو دكتور مصري بمستشفى خاص ومتواضع تقرير عشان عملية للآذن في مستشفى عبدالعزيز الجامعي ومارفض

هل لو رحت دكتور معين ممكن يحولني ساااااااااااااااااااااااااااااعدوني : (

[المغامر]

رد: وين اللي بيعطي موضوع اهميه !


هلا بك اختنا الفاضله

اشور عليك تختصري الطريق وتتقدمي بخطاب لوزير الصحه وارفقي معه تقارير حتى لو من مستشفى خاص

بالتوفيق ان شاء الله

[أماني القرني]

رد: وين اللي بيعطي موضوع اهميه !

هلا بك اختنا الفاضله

اشور عليك تختصري الطريق وتتقدمي بخطاب لوزير الصحه وارفقي معه تقارير حتى لو من مستشفى خاص

بالتوفيق ان شاء الله

الله يجزاك خير اجل خطوتي الجايه اروح لمستشفى خاص الين احصل على تقرير ثم ارفقه بخطاب زي ماذكرت وامري لله

[إحسـاسي]

رد: وين اللي بيعطي موضوع اهميه !

اختي همي كبير
ربي يبعد عنك الهم يارب
دوبي قرات موضوعك واتذكرت كلام صديقتي
قبل فترة اقل من سنة تقريبآ زارتني صديقتي من الرياض؛ وبالصدفه قابلت عندنا وحده من الجيران ومعاها بنتها شابه فيها عرج ومشكلة المهم بالعظام؛ فسألتها اش فيها وليه ومو عارفه ايه اسئله
كثيره وقالت انه لهم كم سنه يراجعوا بمستشفى اظن الحرس او غيرها بجده
قالت لها سيبي كل المستشفيات وجيبيها الرياض لمستشفى " الشميسي " إذا صح كدا إسمه إنتِ من الرياض واكيد عارفه الإسم صح؛ قالت ان هذا المستشفى افضل مستشفى بالرياض لمشاكل العظام ويستقبل الحالات وبدون تعقيد لانها تعرف ناس كثير قبلتهم المستشفى واجرت لهم عمليات وماشاء الله نجحت واتشافوا وعقبالك يارب
وشارت عليها تجي وتروح اي مستوصف حكومي بالرياض وهو يحولها للمستشفى
" الشميسي"وبصراحه ما اعرف اش سار معاهم
لكن هدا الشئ الي حصل قدامي وذكرته لكِ؛
ربي يشافيكِ ويشافي كل مريض؛؛