انا رحت للتاهيل اليوم

[فاطمه]

السلام عليكم اخواني واخواتي انا رحت للتاهيل الاناث اليوم وقلت لهم انا جايه عشان الكشف قالت موب في المرحله هذي فالمرحله القادمه..هم يدقون عليكم قلت طيب عندي تقرير طبي قديم وحالتي ثابته لاشفاء منها الابامر الله لازم اجيب تقرير جديد قالت اي ضروري لابد يكون معكم تقرير جديد وترا موب كل الحالات بيطلبون منها تقرير...قلت وشهي الحالات طيب قالت لي ياالمرحله القادمه يقولون لكم اهم شي حدثو بيانتكم قلت حدثتها
وفعلا رحت اخذ لي موعد في قوى الامن وقالو الشهر االجاي.....لاحول ولاقوه الابالله...شهر عشان موعد..اجل متى بيطلع التقرير...بتنتهي فتره التحديث ماجا تقرير

[سعوديه كوول]

رد: انا رحت للتاهيل اليوم

على ايش العجله الله يصلحك
كل الامور طيبه
قدامك سته أشهر
اصبري الآن تشوفين ايش بيصير

[فاطمه]

رد: انا رحت للتاهيل اليوم

عجله ايش الله يصلحك...وش بيصير يعني مصيرنا نجيب لهم تقارير ونحدث وبعدين وشوله التاخير دام بيقدر الانسان ينجز شي...ولاتؤجل عمل اليوم الى الغد....بعدين انتضر واشوف وش بيصير مثل ايش بتتغير القرارات يعني....كلنا عارفين ان اي قرار يصدر لايمكن التراجع فيه

[فاطمه]

رد: انا رحت للتاهيل اليوم

وبعدين ماعاد بقي على المرحله القادمه الا اربع عشر يوم.......

[أمل ال حرب]

رد: انا رحت للتاهيل اليوم

الافضل تاخذي التقرير الطبي بعد التحديت اللي يبدا ظ¢ظ،//ظ¢ يمكن الحين تطلعي تقرير وتعبين نفسك وماياخذونه منك ويقولون نبي تقرير على بداية التاريخ المعلن للتحديث التقرير الطبية

[أمل ال حرب]

رد: انا رحت للتاهيل اليوم

التقرير القديم هذا ترفعينه للضمان اذا طلبوا اما التاهيل طالبين تقرير طبي جديد على الله يعينا على طلباتهم

[فاطمه]

رد: انا رحت للتاهيل اليوم

الحين موعدي بعد شهر..وتحديث التاهيل بعد اسبوعين...يعني ماراح اخذ التقرير الابعد تاريخ التحديث بفتره....وبياخذونه ليش بيرفضونه هذا كلام الموضفه لي قالت روحي الحين طلعيه يعني ماجبت شي من كيفي ودامني اقدر اطلعه والامور سهالات عندي وشوله انتضر لوقت الزحمه...

[فاطمه]

رد: انا رحت للتاهيل اليوم

والضمان انا يعطوني ياه لاني يتيمه. موب لاني معاقه

[معاند الضيم]

رد: انا رحت للتاهيل اليوم

الله ييسر لك
بس تطمني امورك طيبة


والتحديث هم مركزين اكثر على الحالات البسيطة
اما الحالات الشديدة الاعاقة ما راح يدققون عليهم

التدقيق على الاعاقات البسيطة يبون يتخلصون منهم

[محتاجتكم]

رد: انا رحت للتاهيل اليوم

اتوقع التقارير ماتاخذينهم من العياده لا روحي اللجنه الطبيه ويطلعون لك تقرير جديد
ولايطول

[فاطمه]

رد: انا رحت للتاهيل اليوم

اللجنه الطبيه ذي موب اللي قريب من الشميسي اللي يروحون لها اذا الشخص بغا تحويل لاي مستشفى...من سنتين جيتهم ابغا تقرير قالو روحي للشميسي وطلعي تقرير وجيبيه لنا عشاني كنت ابغا ارجع افتح ملفي اللي بالتخصصي سكروه بدون وجه حق وجراحتهتم لي فاشله ومع كذا جبت امر ورفضوه الله ينتقم لي من اللي كان السبب...خلوني حايسه بحالتي للحين

[ويبقى الامل]

رد: انا رحت للتاهيل اليوم

اللجنة الطبية هي في الغالب التي يقوم الضمان والتأهيل بتحويل الشخص لها لأصدار تقرير عن حالته وعلى ضوء ذالك التقرير يتحدد استحقاقة للاعانة من عدمة

[نورة شراحيلي]

رد: انا رحت للتاهيل اليوم

طيب انا عندي تقرير بتاريخ قريب بس اخر مراجعه مكتوب فيه ١٤٣١ ينفع والا لازم اراجع مره ثانيه علما ان التقرير تاريخه استخراجه من اسبوع فقط


iPhone السعودية لذوي الاعاقة

[نورة شراحيلي]

رد: انا رحت للتاهيل اليوم

طيب انا عندي تقرير تاريخه اسبوع مطلعته بس مكتوب فيه اخر مراجعه لي كانت ١٤٣١ ينفع والا لا


iPhone السعودية لذوي الاعاقة

[ويبقى الامل]

رد: انا رحت للتاهيل اليوم

عليك الانتظار حتى اخر الشهر الحالي حتى تتضح الصورة فيما يخص شروط التقارير الطبية