دعوة لتعارف لكل والد طفل معاق فكرياً

[نون]

رد: دعوة لتعارف لكل والد طفل معاق فكرياً

أسال الله الشفاء العاجل لك مريض

جزاك الله خير اخوي وشكرا على مرورك لكن نبي تفاعلك معنا.... ويكفى ان نساند بعضنا البعض معنويا حتى لو لم نستطع تقديم العون المطلوب.

[ام خالد]

رد: دعوة لتعارف لكل والد طفل معاق فكرياً

اخي نون جزاك الله خيرا

للاسف مااحد وجهني لاي مركز

يقولون خليه في البيت احسن ؟؟ هذا الكلام قبل 18 سنه تخيل
نفس الكلام قالوا لبنتي الصغيرة خليها في البيت احسن
العقول نفس العقول ماتغيرت
لولا ان الله انعمنا علينا بالنت وبإمهات فاضلات يدلونك على مراكز كان خليت بنتي في البيت زي اخوها

اسم مركز بنتي " مركز ايثار للرعاية النهارية " وهو مركز جيد جدا وبنتي تحسنت كثير من حيث
الادراك لما حولها.

.........

[ام خالد]

رد: دعوة لتعارف لكل والد طفل معاق فكرياً

اخت عبدالله ..الله يعينكم

ماحاولتوا تجيبون خادم ممرض ذكر افضل من الخادمة للولد

لو من غير تأشيرة من داخل البلد " ممرض اجنبي بس عربي قد ينفعكم بإذن الله"

[عبد الله محمد]

رد: دعوة لتعارف لكل والد طفل معاق فكرياً

ام خالد مشكوووره ..بس البيت صغير صعبه خادم ..

نون ...>> من جد فرحت يوم لقيت احد حاس فينا ..
بالنسبه للخطاب صعبه يبي احد يراكض فيها وحنا مو قادرين ..


هو بدايت طفولته كان عنده حركه وتشتتت بالانتباه كن نحس انه متخلف لانه مايعرف وش اللي يضره كم مره انكب عليه ماء حار راجعناه بمستشفى الحرس الوطني بالرياض كان العلاج اللي يعطونه مايناسبه اما يسوي له تشنج او يحصل عنده قيء ..ع هالحاله مالقينا العلاج المناسب لحالته ..

بعد 7 سنوات بانت عليه التخلف العقلي مايقدر ينفع نفسه مايحس بنفسه اذا احتاج لدوره المياه (الله يعزكم )
ماخلينا مستشفى خاص الا ورحنا له ..

كان عندنا امل ان نلقى من يعتني فيه (التاهيل الشامل )بس تحطمنا بعد الكلام اللي سمعناه ..

هل مستشفى (شهار )بالطائف يقبله ...وسمعت انه بواسطه صدق هالكلام ..

ســــــــاعـــــــــــدونــــــــــــــا ..

نون الله يسعدك ويسر امورك والله يشفي ابنك ...لانك فرحتنا بتجوبك معنا ...

يمكن النت ينقطع وماقدر اتفاعل معكم .. اقدر اضع رقمي اذا لقيت احد يساعدنا ..

[نون]

رد: دعوة لتعارف لكل والد طفل معاق فكرياً

ام خالد مشكوووره ..بس البيت صغير صعبه خادم ..( يمكن بساعدة اهل الخير يبنى ملحق صغير غرفة ودورة مياه خارج المنزل...وتجيبون مرافق معه يكون مسلم مصري او هندي ويكونون عارفين حالته قبل تسقدمونهم).
....طبعا هذا اخر حل.
نون ...>> من جد فرحت يوم لقيت احد حاس فينا ..
بالنسبه للخطاب صعبه يبي احد يراكض فيها وحنا مو قادرين ..
دوم الفرح ان شالله ...
الخطاب ممكن اي احد يقرب لكم بالرياض, والي بقلبهم رحمة كثيران شاء الله,,وذا مره ما فيه مجال يمكن الاستعانة بمكتب تعقيب" وحسب علمي ان بعض مكاتب التعقيب تاخذ وكالة عن الشخص وتراجع له".وتوفر الوقت واحينا مكاتب التعقيب لهم علاقات ما يقدر يوصلها الشخص العادي.

هو بدايت طفولته كان عنده حركه وتشتتت بالانتباه كن نحس انه متخلف لانه مايعرف وش اللي يضره كم مره انكب عليه ماء حار راجعناه بمستشفى الحرس الوطني بالرياض كان العلاج اللي يعطونه مايناسبه اما يسوي له تشنج او يحصل عنده قيء ..ع هالحاله مالقينا العلاج المناسب لحالته ..
حسبي الله ونعم الوكيل...انا ولدي كانوا يعطونه علاج صرع وعطل كل حواسه...ولو ما قلت لدكتور وقفة كان وضعه الحين صعب. لان بعض الادوية توقف حواس الطفل وتفصله عن العالم الخارجي.. والسنوات الاولى من العمر "السنوا ت الحرجة" اذا الانسان ما تعلم الامهارات الاساسية مثل النطق والكلام صعب بل مستحيل يتعلمها وهو كبير.
ايضا انا اعرف شخص حكى لي معناة اخوة مع مستشفى الحرس انه كان عنده اضطراب بسيط ومع علاجهم اصبح وضعه صعب....لكن ما نقول الا حسبي الله ونعم الوكيل

بعد 7 سنوات بانت عليه التخلف العقلي مايقدر ينفع نفسه مايحس بنفسه اذا احتاج لدوره المياه (الله يعزكم ).
ايه بالفترة هذي يكون لازم يدرب على العناية بالذات " يعني تدريب على الحمام على تغير الملابس الاكل بدون مساعده.....
طيب الحين هو يقدر يعتمد على نفسه بقضاءء الحاجة؟
لانه للاسف الشديد اغلب المراكز تشترط هذا الشرط ان الشخص يكون معتمد على نفسه في الاشيا البسيطه...لكن قد يكون الوضع تغير الان" يعني كلامي قد يكون غير دقيق في هذة النقطة"
ماخلينا مستشفى خاص الا ورحنا له ..
ايه عاد المستشفيات الخاصة ما يقولون لا ما نعرف الا بعد ما يلهفون مبلغ وقدرة...وبعدين يقولن ما نقدر.
كان عندنا امل ان نلقى من يعتني فيه (التاهيل الشامل )بس تحطمنا بعد الكلام اللي سمعناه ..
ان شاء الله الامل بالله موجود.....ونا متاكد لو وصل صوله لاحد المسؤلين من ثاني يوم بيقبلونه.
هل مستشفى (شهار )بالطائف يقبله ...وسمعت انه بواسطه صدق هالكلام ..
اكيد الواسطه عندنا بكل مكان.....لكن هناك فرق بين المرض العقلي والمرض النفسي و الاعاقة العقلية...ليس هنا مجال لطرح الفرق بينها..لكن اتوقع ان كل جهه تقبل حسب اختصاصاها اولا وبعدين يجي دور الواسطه.

ســــــــاعـــــــــــدونــــــــــــــا ..

نون الله يسعدك ويسر امورك والله يشفي ابنك ...لانك فرحتنا بتجوبك معنا ...
الله يجزاك خير

يمكن النت ينقطع وماقدر اتفاعل معكم .. اقدر اضع رقمي اذا لقيت احد يساعدنا ..

ما توقع سياسة المنتدى تقبل وضع رقم هواتف بالمشاركات لكن ممكن تتواصلين مع ادارة المنتدى.

[نون]

رد: دعوة لتعارف لكل والد طفل معاق فكرياً

اخي نون جزاك الله خيرا

للاسف مااحد وجهني لاي مركز

يقولون خليه في البيت احسن ؟؟ هذا الكلام قبل 18 سنه تخيل
نفس الكلام قالوا لبنتي الصغيرة خليها في البيت احسن
العقول نفس العقول ماتغيرت
لولا ان الله انعمنا علينا بالنت وبإمهات فاضلات يدلونك على مراكز كان خليت بنتي في البيت زي اخوها

اسم مركز بنتي " مركز ايثار للرعاية النهارية " وهو مركز جيد جدا وبنتي تحسنت كثير من حيث
الادراك لما حولها.

.........

حتى قبل 20 سنه على حد علمي ان مراكز التاهيل الشامل تقبلهم اقامة دائمة عندهم...وفيه معاهد التربية الفكرية الحكوميه ايضا لكن يمكن يكون خيرة انك ما حطيته عندهم لاني و مع الاسف الشديد اقرأ احيانا عن سوء معلمتهم واخر حدث شاهدته باليوتيوب عن تعذيب احد ذوي الاحتياجات الخاصة وما خفي كان اعضم....لكن من عمم على جميع المراكز ان شالله يكون فيهم خير وخوف من رب العالمين.
وصدقيني في بعض الحالات يكون الطفل مع امه ويحس بحنانها وهي تشبع غريزة الامومة وتكسب الاجر والثواب من رب العالمين. افضل من تركة في مركز على يد ناس بعيده كل البعد عن الانسانية.
لكن طبعا تحديد الحالة والمكان الصحيح لها ياتي بعد عدة اختبارات ومقاييس يشترك فيها الاخصائي النفسي والطبيب و الاخصائي الاجتماعي والاهل ايضا لتحديد المكان المناسب له,....

[ام خالد]

رد: دعوة لتعارف لكل والد طفل معاق فكرياً

ماهي هاذي

كلهم قالوا خلوه في البيت احسن ؟؟

ماينفع معاه شي

"خيرة من رب العالمين"

[نون]

رد: دعوة لتعارف لكل والد طفل معاق فكرياً

الي يشوف مصيبة غيرة تهون عليه مصيبته, وكلنا نقول عندنا مصيبه ويصيبنا احباط وعجز وحالة ضعف لكن لما نشوف ناس مصيبتهم اكبر منا وصابرين ومحتسبين الاجر عند رب العالمين تهون علينا مصيبتنا,والحالات الي مرت علينا وقراءنا عنها كثيرة.

[نون]

رد: دعوة لتعارف لكل والد طفل معاق فكرياً

ماهي هاذي

كلهم قالوا خلوه في البيت احسن ؟؟

ماينفع معاه شي

"خيرة من رب العالمين"

اختي ام خالد يا ليت تقولين تجربتك والخبرات الي تقدرين تفيدينا فيها هنا من ناحية التواصل مع ابنك وبنتك وهل فيه اي مهارة معينه قدرتي تعليمنها لهم.

[عزوووووز]

رد: دعوة لتعارف لكل والد طفل معاق فكرياً

كان الله في عونكم
وشفى مرضاكم يارب العالمين

كل شي بيد الله سبحانه وتعالى
والله قادر على كل شي

لولا الله سبحانه وتعالى ثم والدتك لما استطاعت ان تصبر وتتحمل
ولكن تحتسب عن الله سبحانه وتعالى

والله سبحانه وتعالى له حكمه في كل شي


الله يشفي مرضانا ومرضاكم عاجلا غير اجل


تقديري واحترامي لكم

[نون]

رد: دعوة لتعارف لكل والد طفل معاق فكرياً

انا هنا بقولكم كيف بداية تدخلي مع ابني عشان انمي مهاراته الفكرية وقتها كان عمرة سنتين:
اعلمه مفاهيم عامه مثل: بارد حار مفتوح مسكر"مغلق" طاح" وقع"....طبعا اعلمة بالعامية
اجيب مويا بارده وحط يده فيها وشيلها بسرعه وقول وردد" بارد بارد" .وكرر المحاولة مع نفسي قدامه.
وطيح ايشي قدامه وقول : طاح او طاح طاح . وكون احيانا بعيد عليه وطيح شي بالمطبخ "كوب مثلا" وقول طاح
وجيب علبة نيدو:) " مو لازم علبة نيدو اي علبه...وحط فوقها اكواب بلاستيك ومسك يده وخليه يطيحهم بيده" طبعا امسك يده وسحب يده الى الاكواب وقول طيحها طيحها وبعد ما طيح اقول طاح.....
سبحان الله" بعد سنه يحول ينزل من الكنب ويوقل اطيح اطيح" طبعا مو واضع انطق لكن انا فهمتها لانه يقرب من طرف الكنب.
طبعا انا احاول لما اعلمة مفهوم معين اغير بالاسلوب و الادوات والمكان بعد عشان يعمم المفهوم الي تعلمة على جميع المواقف.

وطق الباب ووقل: مين ؟
مين وكرر المحوالة؟ وفتح الباب ....وقوله افتح الباب افتح الباب.
وصار بعد فترة يمكن 5 شهور يطق هو الاب وقول لنفسه مين مين :)
لكن حسيت اني ما قدرت اوصله المفهوم" ان اذا احد طق الباب يقول مين".

لانه بعد فترة يمكن سنه....اذا دق الباب يقول: بقالة بقالة
بعدين لقيت ان الي بالبيت فهموه احسن مني من غير لا يدرون...لانه اذا طق الباب قالو بقالة: لان نطلب من البقالة بتليفون وبعد شوي يجي ويطق الباب والعيال يقولن البقالة البقالة .. وهو فهم ان ما يطق الباب الا البقالة...ولا اتوقع انه فاهم معنى او مفهوم البقالة...لكن حفظ او ربط مفهوم طرق الباب مع كلمة البقالة...." علميا يسمونه اسلوب النمذجه" ان اطفل يقلد اي موقف قدامه ويقلد حسب قدرااته.

وصرت بعدها استخدم معه اسلوب النمذجة...وحيانا اجلسه قدام التلفزيون.

[ام خالد]

رد: دعوة لتعارف لكل والد طفل معاق فكرياً

طيب ممتاز

........

هل علمته دخول الحمام والاغتسال ؟؟

ممكن اعرف كم عمر ابنك الان ؟؟

......

[نون]

رد: دعوة لتعارف لكل والد طفل معاق فكرياً

طيب ممتاز

........

هل علمته دخول الحمام والاغتسال ؟؟

ممكن اعرف كم عمر ابنك الان ؟؟

......

ولدي عمرة الان 3 سنوات و 7 شهور
انا قريت كثير عن مهارة العناية بذات الي من ضمنها استخدام الحمام.
لكن الحمد لله الله رزقنا بخادمة مره متعاونه ومتفهمة لحالة ولدي وهي تدربه حاليا ,
يعني حنا حاطين " بوتي" الي هو التوليت الصغير البلاستيك. يعني اذا احتاج الحمام يقول " حمام" لكن مو بكل الحلات يعني ممكن احيانا ميكون صح. محتاج الحمام ...للانه هو يستخدم كلمة حمام حتى على الماء" لان مره رحنا الملاهي وشاف قوارب العاب بالماء ...اول ما شاف الماء قال حمام حمام :)

طبعا انا اواجه 3 مشاكل مع ابني ( الحركي - النطق-الفكري). وموزع اهتمامي بينهم.
وقريب ان شاْء الله بدخله مدرسه او مركز خاص يدرس فيه, لكن للاسف الشديد اخاف يضرونه اكثر ما ينفعونه...

[ام ميهاف]

رد: دعوة لتعارف لكل والد طفل معاق فكرياً

السلام عليكم ورحمة الله وبركاته يعطيكم العافية ويشفي أبنائنا وسائر مرضى المسلمين اولا بقول شئ للي يحبطونا ويقولوا مافي امل أنا اعرف وحدة بنتهاكانت ما تتحرك ولا كلام ولا اي استجابة وراحت عند المركز اللي كنت أودي بنتي عندهم وقال لها الدكتور انسي بنتك مارح تقف ولا تجلس ومارح تقوم من رقدتهالكن والله قالت لي قريبتها انهم مايئسوا وأنها الحين ماشاء الله قامت تجلس ووقفت وصارت تمشي على ركبها ربكم كريم مافي اكرم منه والدكاترة ما بيدهم شي الااللي ربنا يقدرهم عليه ومايعلموا الغيب. ثانيا بنتي ماتتكلم كلام عادي بس تقول كلمات تسمعها منا اكثر من مرة وكلام ثاني مش مفهوم وتقول اماو أبا هل هي معاقة فكريا كيف اعرف وانا حابة اكون معاكم في المجموعة علشان نتعلم ونستفيد وعذرا على الإطالة
*

[روابي نجد]

رد: دعوة لتعارف لكل والد طفل معاق فكرياً

انا طفلي في 10 رمضان يكمل 10 سنوات
عنده مرض بالدم وراثي (حموضه)
وضيق بالصمام الرئيسي للقلب وتضخم بسيط
بالقلب وربو شديد وتشوهات بالاسنان وبعظام القفص الصدري
وعنده تكلسم بالعظام
وعنده تاخر عقلي
يعني متاخر 4 سنوات عن عمره الفعلي
طبعا تشخيص دكتوره نفسيه متخصصه بالتقييم
درسته بمراكز تدخل مبكر وعودته ولله الحمد والمنه على الحمام
بس لو مرض واكرمكم الله يعني جاه اسهال او تبول على حاله مايعرف يتصرف يعني المشكله هذي مضيقه صدري جدا
المفروض انه يدرس اولى دمج
قالوا لنا لازم يروح للوزاره وهي تقابله وتقيمه وتحوله على اي مدرسه
بس والله خايفه عليه يدخل دمج حكومي والله بيضحكون عليه الطلاب لأنه مختلف عنهم طبعا اكيد بيلاحظون
دائما يضحكون على اسنانه واسلوب كلامه
مافيه مدارس دمج خاصه او مدارس مايكون فيها مع شديدين اعاقه لأن ولدي صايربالوسط مع ميل للتخلف الشديد اكثر
وهذا رأي دكتور نفسي