قصتي مع تخفيض أجور اركاب 50% وخارج المملكه

[هاويه حنانك]

أبقولكم شي في شهر 5 هجري الي راح رحت كذا مكتب للخطوط السعوديه عشان استخدم التخفيض لي ولزوجي 50% لاندنوسيا وكلهم رفضو

قال فقط داخليه

بالصدفه في مقر عمل زوجي مكتب خطوط هو في القوات الجويه المسلحة بالرياض راح للمكتب وسوا كل الاوراق سعر التذكره 5200

بعد التخفيض 2600

زوجي استغرب قال يمكن الموظف جديد ومايعرف شي وكذا ولو يدرون عنه يمكن يخصمون من راتبه
بينما ولدي تذكره 3 الاف ريال وهو عمره 4 سنين

ماعنده تخفيض
صراحه ماصدقنا ع الله سعر التذاكر كذا خاصه ع الخطوط السعوديه و الى اندنوسيا اسعار نار

طبعا الرحله كانت نهايه رمضان يعني حاجزين قبلها بكم شهر

يعني المكاتب ماينعرف لهم والحين يقلون ألغو المرافق مادري اذا صحيح ولا

[المزيوونه]

رد: قصتي مع تخفيض أجور اركاب 50% وخارج المملكه

ماعندي معلومه ان شاء الله المشرفين مايقصرون

[قاهر اليأس]

رد: قصتي مع تخفيض أجور اركاب 50% وخارج المملكه

والله حسب ماسمعنا زيك انهم الغو المرافقين

[سامي]

رد: قصتي مع تخفيض أجور اركاب 50% وخارج المملكه

يعني التخفيض ممكن مع الرحلات الخارجية ام فقط مع الرحلات الداخلية ؟؟

[محمد العمري]

رد: قصتي مع تخفيض أجور اركاب 50% وخارج المملكه

بالنسبة لي شخصيا والله ما استفدت من الخفيض ولا مرة سواء داخليا او خارجيا
ماهو بطره لا والله بالنسبة للرحلات الداخلية فأتعب من اﻷنتقال وضيق الممرات
في الطائرة دوخة راس بالفاضي ويمكن يكون مقعدك بأخر الطائرة ﻷنهم مايركبون
المعاقين على الخارج عشان المساحه الفاضية اللي قدامه والتخفيض لدرجة الضيافه فقط
فأحجز درجة رجال اعمال وافتك اطلع اﻷول وانزل اﻷخير ولا علم لي هل اذا كان فيه
تخفيض على الرحلات الدولية على متن الخطوط السعودية ﻷن جميع رحلاتي الخارجية
اما على طيران اﻹتحاد او التركي أو اﻹماراتية فخامة وراحه وسعرها مقارب للسعودية
وفلاي دبي واﻹتحاد والتركية يجي عليها تخفيض من اﻷساس للي بيحجز من بدري صار لي تقريبا
ثلاث سنوات قاص بطاقة التخفيض بالفاضي مع اﻷسف ..

[هاويه حنانك]

رد: قصتي مع تخفيض أجور اركاب 50% وخارج المملكه

بالنسبة لي شخصيا والله ما استفدت من الخفيض ولا مرة سواء داخليا او خارجيا
ماهو بطره لا والله بالنسبة للرحلات الداخلية فأتعب من اﻷنتقال وضيق الممرات
في الطائرة دوخة راس بالفاضي ويمكن يكون مقعدك بأخر الطائرة ﻷنهم مايركبون
المعاقين على الخارج عشان المساحه الفاضية اللي قدامه والتخفيض لدرجة الضيافه فقط
فأحجز درجة رجال اعمال وافتك اطلع اﻷول وانزل اﻷخير ولا علم لي هل اذا كان فيه
تخفيض على الرحلات الدولية على متن الخطوط السعودية ﻷن جميع رحلاتي الخارجية
اما على طيران اﻹتحاد او التركي أو اﻹماراتية فخامة وراحه وسعرها مقارب للسعودية
وفلاي دبي واﻹتحاد والتركية يجي عليها تخفيض من اﻷساس للي بيحجز من بدري صار لي تقريبا
ثلاث سنوات قاص بطاقة التخفيض بالفاضي مع اﻷسف ..

انا قلت من الأساس انا بحثنا في المكاتب الرئيسيه بالرياض للاستفادة من التخفيض الكل رفض الأ مقر عمل زوجي ماصدقنا ع الله ويمكن الموظف تورط بعدنا

إحنا نفضل الخطوط السعوديه لانها بدون ترانزيت


وانا جربت الاتحاد والقطرية روووعه لاكن لما رحنا مكتب خطوط قال انها بحدود 4 الاف
فاظطرينا للخطوط السعوديه ع انها ب 5200 للشخص ومع بحثنا لمكاتب السعوديه وبالصدفه حصلنا ع تخفيض 2600 لي ولزوجي صراحه روووعه

[ضوء القمر]

رد: قصتي مع تخفيض أجور اركاب 50% وخارج المملكه

شوفي أختي والله العظيم على حسب الموظف بالذات اذا نفسيته مرتاحة راح يعملك تخفيض واذا زفت الله يعينك

انا مره بروح عن طريق القطار وعطيته البطاقه وقام يدقق وقال ماتمشي قلت شالسبب قال البطاقه منتهيه حاولت فيه يمين يسار مارضى ورحت لموظف ثاني وعلى طول مشاني وهو مبتسم وحركات

ومره من المرات سألت موظف عن الرحلات الخارجيه وقال لي ماتشمل بس الداخليه فقط ورجعت يوم ثاني وشفت موظف ثاني قال يشمل قلت له أنت متأكد قال أيه ليه تسأل قلت علشان سألت واحد قبلك وقال مايشمل وقلت له تأكد واللي يرحم والديك هذي الكمبيوتر قدامك أدخل وشوف اذا يشمل أو لا

اللي أبي أقوله ان احنا أبتلشنا بموظفين مزاجيين الله يهديهم كل يوم لهم كلمة وكأنهم يشتغلون بدون راتب أو كأنك تبي فتوى منهم

مع السلامة طولت صح!!

[ابو يزيد]

رد: قصتي مع تخفيض أجور اركاب 50% وخارج المملكه

السلام عليكم

بطاقة التخفيض الخاصة بالمعاقين تشمل داخلياً وخارجياً للمعاق وللمرافق واحد انا استفدت منها داخلياً وخارجياً عدة مرات ، الموضوع مو على مزاج الموظف لأنه مو على كيفه يعطي تخفيض سواء مزاجه رايق او معكر عليه ينفذ النظام أما بخصوص ان البطاقة منتهية اعتقد الكل يرفضوا اعطاءك التخفيض وهي منتهية لأنه مطلوب من الموظف انه يصور البطاقة ويرفقها للشئون المالية وإذا انتبهوا ان البطاقة منتهية يمكن يخصموا من الموظف نفسه عشان كذا تلاقي الموظف يرفض اي بطاقة منتهية تاريخها . بس هذا اللي حبيت اضيفه .

[الجنوبي]

رد: قصتي مع تخفيض أجور اركاب 50% وخارج المملكه

خارخ المملكه مافيه تخفيض