اسم القصيده (....)

[فهد المالكي]

فجأه وانا من جنبها مار
سلمت ردت بالتحيه
جاوبتها من غير ماحتار
مافي احد غيرك هنيه
ردت عليك السلم ياجار
واقفت وردت لي شويه
قالت علامك يابن الابرار
كنك تبي تحكي رويه
قلت الحكايه صاحبك صار
عطشان من يسقيه ميه
قالت ترا الدنيا بها اخيار
ارفق على نفسك شويه
قلت ابشري يابنت الاحرار
والروح بك حلوه وحيه
قالت وش اسمك يابن الابرار
اسمي فهد يابعد بيه
قالت فهد يازين من زار
انا (...) حياك ميه
فجأه رفعت الراس محتار
شفت القمر وسط العشيه
الغم خاتم كله اسرار
والبرق يسطع من ثنيه
والعين تسرق لب الافكار
جملك ربك يابنيه
جبينها شمس بلا نار
والخد ورد النرجسيه
والصدر يعكس نور الاقمار
كنه مرايه جوهريه
الى هنا وقفت الانظار
واعطيتها مني هديه
هديتي لك قلب صبار
يوفي معك دامك وفيه


طبعا اللي بين الاقواس اسمها واعذروني مابي اذكره
وكل عام وانتم بخير
هذي اول مشاركه لي بعد رمضان

[لعيونهاا]

رد: اسم القصيده (....)

حياك اخوي فهد
وكل سنه وانت بالف خير
وعوده حميده
ومبدع كعادتك
لكن ليش ماذكرت الاسم
تخاف نخطفها من الطائف

ههههههههههههههه
امنياتي لك بالتوفيق

[فهد المالكي]

رد: اسم القصيده (....)

الابداع ردودكم وتشجيعكم
هههههههههههه لا مو مسالة تخطفونها بس لحاجة في نفس يعقوب