ابي خبرتكم وأستشارتكم يا أهل الخبر ...

[أم البراء]

المشاركة الأصلية كتبت بواسطة الاثير

اختي ام البراا الله يشفيلك ابنك ويعلفيه يارب والله ماعندي خبره بس اعتقد التخصصي يمدحونه ارسلي برقيه للامير سلطان ويارب يسهل لك امورك ويشفي ابنك قلوبنا معك ودعواتنى له بالشفاء والله يعينكم ويجعل جزاكم الجنه تقبلي تحياتي

المشاركة الأصلية كتبت بواسطة ناصر

السلام عليكم ورحمة الله

اختي حاولي تأخذي تحويل من المستشفى الذي يوجد فيه ملف الوليد لمستشفى الملك فيصل التخصصي

وان شاء الله مايرى باس طهور بأذن الله

شاكره لكم حسن تعاونكم ..........حالته الحين تدهورت أكثر

شالوا الجهاز التنفس القديم يقولون ماعد ينفع له حطوا له جهاز ثاني مثل الهزاز كبير

وكل على الأجهزه والضغط عنده مدري اشياء كثيره ذكروها ...بس حالته يقوولون اخر شئ عندنا نسويه له ...

رحت شفته مرره متنفخ جسمه كله ...


هل نطلب له التحويل عادي ....مدري خايفه يضره أكثر لمى يصير له نقل وهو حالته صعبه كذا ...

[حمودي]

السلام عليكم
الله يشفي ولدك وحاولي تروحي مستشفى التخصصي او مستشفى الامير سلطان

[أم البراء]

وعليكم السلام


المشكله انا بعيده ويحتاج لخلاء طبي وشغله بتطول ...


وانا خايفه تزيد حالته ولا يصير له شئ لمى ينقلوونه من هناء على التخصصي ....

ومن الأساس من اول كلمناهم على التحويل على مستشفى ثاني لكن رفضوا قالوا وضعه مايتحمل نقل والشئ الثاني يقولون هو باقي تحت وضعنا ..

[حمودي]

طيب ايش تشخيص حالته يعني اي نوع من الاعاقات

[أم البراء]

مدري ماذكروا لنا اي شئ بس يكلمونا عن وضعه بشكل عام ..اكثر شئ زوجي هو الي يتناقش معهم

[أم البراء]

ا

أول ماولدت قالوا طفل مشوه بس الحمدالله مافيه تشوهات خارجيه ظاهره يعني ....بس عنده رجله اليسار قصيره

والباقي مثل القمر مافيه شئ والحمد الله ..

[حمودي]

الحمدلله على كل شيء

[أم البراء]

شاكره لك اهتمامك اخووي والله يكتبه لك في موازين حسناتك يارب .....

كلمت زوجي على التحويل وبيكلمهم اليوم يقول احتمال مايوافقون عشان وضعه صعب الحين كثير ...
وإذا رفضوا راح يطلب منهم يكتبون له تقرير ويرسله هو ..



والله يكتب مافيه الخير يارب ويسهل وييسر الأمر يارب

[الوحيد]

اختي ام البراء
اسال الله ان يشفي ابنك ويرزقك الذرية الصالحة

والله انا ماندي خبرة بالامور هذي


تحياتي

الوحيد
مجنون حنان

[أم البراء]

مشكور اخوي واسعدني مرورك كثيرا

الله يجزاك الجنه يارب ولا يحرمك الأجر ...

[بصمة خير]

- اسأل الله لأبنك الشفاء العاجل

[المغامر]

اختي ام البراء اسال الله العظيم ان يشفي ابنك ويجعله من الصالحين

اختي استشير عليكم طلب تقرير من المستشفى وكتابة معروض لوزير الصحه بحاله وطلب نقله لمستشفى متخصص

وخلي ابو البراء ياخذ التقاير والخطاب ويقابل الوزير فوالله انه رجل خير وشفاف وبابه مفتوح وموعد المقابلات كل يوم ثلاثاء وياليت يكون بالوزاره من بدري حول الساعه 8 صباحاً

موفقين خير ان شاء الله

[أم البراء]

السلام عليكم ورحمة الله


لا ملك

ولا أمير

ولا وزير

ولا ولا

أحد بها الدنيا يقدر يرد أرادته ربي فوق كل شئ



لقد أخذ آمانه منـــــــــــــــــا

كانت رحمة واسعه أ وسع من الدنيا ومن عليها ...

الله يصبـــــــــــــــــــــــــــــــرنــــــــــــــــــــي على فــــــــــــــــراقك يالبـــــــــــــــــــراء
وأن القلب ليحزن وأن العين لتدمع لفراقك

أن رحلت عن الدنيا فأني قلبي لن ينساك ...


وأودعكم على أمل القاء بكم في الجنة ...

اسأل الله ان يجعله شفيعا لنا
وأن يجمعني وأياه ومن أحب في الجنه يارب

[عذب الحياة]

يارب صبر اخيتي والطف بها واجعل وليدها شفيعا لها