اقتباس:
المشاركة الأصلية كتبت بواسطة بصمة خير
حياك ربي أختي الكريمة مرة ثانية
سؤال - كيف أكتشفت مها الوتيد موهبة الشعر ؟
- ماهو مستواك التعليمي
- وش رأيك بطريقة المجتمع با التعامل مع ذووي الأحتياجات الخاصة
وشلون حالتك عسى مانتي تتألمين يشعرونك با لإحباط والأسى
|
مرحبا ياعسل تشرفت فيك للمره الثانيه ربي يسعدك 
موهبتي اكتشفتها باالصدفه لأني كنت لاشعوريآ امسك القلم وابى اكتب كل ماتعرضت لموقف واحيانآ لمجرد الكتابه وقتها كنت اعتبرها خربشه للفضفضه وفي يوم من الأيام جتني احدى المعلمات الله يذكرها باالخير وكانت تدرس اللغه العربيه وكنت اخذ في مادة التعبير الدرجه الكامله على الرغم من اني ماكنت من المتفوقات اللي ماكانوا ياخذون درجتي, جتني المعلمه وقالت لي بعصبيه انتي في كل حصة تعبير تسرقين من الكتب وماكنت اقولك شي لكنك تماديتي انا وقتها خنقتني العبره وصرت احلف لها اني انا اللي اكتب هاالكلام من نفسي طبعآ هي مااقتنعت وعطتني ظهرها وراحت وبعدها بكم يوم دخلت علينا وقالت هاالمره ابيكم تعبرون قدامي وباخذ دفاتركم معي قلنا طيب وبمجرد مابدينا نكتب وقفت فوق راسي لحد ماخلصت واخذت الدفاتر ثاني يوم رجعتها وبسرعه فتحت على موضوعي بقرا كلامها وانصدمت لما لقيتها كاتبه لي صفحه كامله تعتذر فيها وتنصحني انتبه لموهبتي لأنها نادره بهذاك السن لأني كنت كثير من المواضيع اتفنن فيها واكتبها شعر ههههههههههههه وبعدها انتبهت لهاالموضوع ولموهبتي 
مستواي التعليمي ثانوي وان شاء الله برجع اكمل جامعه قريب..
المجتمع ونظرته لنا تغيرت كثيررر وان كان لازال هناك بعض العقول المتحجره لكني على يقين بأنها ستتغير على ايدينا,, محال ان احبط من نظرتهم هذا الإحباط كان في السابق اما الأن فكل نره او كلمه محبطه تعطيني قوه وثقه اكبر لحد ماوصلت لقناعه بأن كل مايحدث اصغر من ان اعيره اهتمامي واصغر من ان يضعفني ويحبطني 
شكرآ لك سعدت كثيرآ بأسئلتك 