ممكن تساعدوني

السلام عليكم ورحمة الله وبركاته
ارجو من الاخوه اللذين يستطيعوا مساعدتي الا يبخلو علي
بالنسبه لي اعاقتي بسيطه امام اعاقتي ولدي فهو يعاني من تاخر في النمو الروحي والحركي وطيف توحد عمره 4 سنوات ولكن عمر نموه هو سنه ونصف وليس لدي سواه فهو ولدي الوحيد وابوه الله يهديه غير مهتم فيه لان عنده زوجات ثانيات واولاد ثانيين لدرجة انه مهمل في مواعيده واكثرها تروح عليه وانا ما باليد حيله من ثلاث شهور قدمت له في مدينة الامير سلطان للخدمات الانسانيه وجات الموافقه بالعلاج على نفقة الصندوق الخيري بس طالبين عقد ايجار وزوجي الله يهديه ويرفع عنه دفع الايجار ناقص 1000 ريال وصاحب البيت رفض يكتب عقد الايجار الا بالمبلغ كامل وزوجي ما يبي يدفع عشان ما يكتب العقد عشان صاحب البيت ما يقدم فيه شوكى للشرطه ويطلعوا ن البيت لانه دايا يتاخر في دفع الايجار انا لي ست سنوات متزوجه عمري ما استقريت في بيت زي الخلق انا الوحيده في زوجاته رغم ان الايجارت هنا في حي الفيصليه بالرياض رخيصه مو غاليه بس اش نسوي هذا نصيبي انا وولدي واللحين باقي شهر على الدفعه الثانيه من الايجار والله المستعان على الطرده المهم اللحين مشكلتي هي ولدي طبعا مركز التاهيل الشامل ماعنده علاج وقالوا لازم اوديه مركز تدخل مبكر واقرب مركز لنا واقدر على مواصلاته في حي الربوه وحطونا في قائمة الانتظار والمراكز الخاصه ما اقدر اوديه لان ضروفنا الماديه الله اعلم فيها واخصائية العلاج الطبيعي في مركز التاهيل قالت خلي ابوه يروح يقدم طلب في الوزارة عشان يصرفون له مشايه وابوه له شهر الان مو راضي يروح ولا انا عارفه اش اسوي حاسه ان ولدي بيضيع مني وانا كل مكان اروح له يقولون لازم ولي امره او يكون عندك وكاله شرعيه وانا كل اللي ابغاه اني احصل علاج لولدي ماني طالبه اكثر من كذا قلولي وين ارح الله يخليكم اللي يعرف مكان اقدر اعالج فيه ولدي يقولي او يدلني عليه وجزاكم الله كل خير

المصدر: الشبكة السعودية لذوي الاعاقة - القسم: التبرعات والخدمات المجانية

اختي الكريمه

الله يكون في عونك والله يشفي ولدك
انا ليس من سكان الرياض الا ممكن افيدك لكن الاخوان الله يطرح فيهم البركه
ان شاء الله يفيدونك الله يرضى عليك


تقديري واحترامي

اهل الرياض فيهم الخير ان شاء الله يساعدوك وأسأل الله ان يكون في عونك والله يشفي وابنك

لاحول ولا قوة الا بالله تفرج من رب العالمين اختي
المشكلة المراكز لابد من موافقة ولي الامر
مثل ماتفضلتي لكن اتصلي على جمعية الاطفال المعاقين
014543913
واطلبي فاكس وارسلي خطاب للامير سلطان بن سلمان ووضحي في الحالة والظروف ربما ييسرها ربك ان شاء الله

وأسأل الله ان يكون في عونك والله يشفي وابنك

مشكورين على الردود
الاخ عزووووز والاخ حموده ان شاءالله ان اهل الرياض ما بيقصرون معانا بنصحهم وارشادتهم
الاخ ناصر انا قبل سنه رسلت معروض للامير سلطان وحولني للامير سلمان واخذت من عندهم خطاب لمستشفى التخصصي ورحت واخذت التقرير وطلبوا مني اترجم التقرير بالانجليزي ورجعت لمستشفى قوى الامن وطلبت ترجمه للتقرير قالوا لازم يجي ولي الامر وطبعا ولي الامر مو فاضيلنا وربي رزقنا بواحد من قرايبنا شغال هناك وكتب تعهد على نفسه وما قصر طلع التقرير وجابه لحد البيت واتصلت على ابوه لان مستشفى التخصصي طلبوه وتخيل من شهر سته السنه اللي راحت الين اليوم وانا اطلب منه يروح وهو مو راضي واخذ الاوراق على اساس هو يروح وماراح طلبت منه الاوراق لان ولد عمي يشتغل هناك وممكن يساعدنا رفض وقال ولدي وانا بعالجه وما سوى شي لدرجة ان زوج اختي كلمه وقا له اذا انت مانت فاضي ياخي اعطينا الاوراق واحنا بنروح وبرضوا رفض رغم انه متقاعد لا عنده شغل ولا مشغله غير الخرابيط والسهر الله يرفع عنه ويهديه والله العظيم تعبت معاه اتعب واروح واجي رغم اني احيانا ما يكون عندي فلوس حق المشاوير اتسلف واروح وفي النهايه ولي المر ولي الامر لا حياة لمن تنادي وتخيل اذا استلم الراتب والله ما نشوف وجهه الابعد ما يخلص واذا مر علينا مرور الكرام وقلت مصاريف يرميلي 10 او عشرين ريال ويطلع وعليها الين بعد اربعه ايام او اسبوع ويجي وهو واقف يرن جواله على طول يطلع وهكذا انا اللحين حامل في الشهر السادس واحيانا يكون عندي مواعيد في نفس يوم مواعيد ولدي وفي نفس الساعه اطلب منه يجي عشان يدخل ولدي عند الدكتور وانا اروح موعدي يرفض اضطر اني ااجل موعدي واروح موعده ومثلك عارف مواعيد المستشفيات الحكوميه وخاصة قوى الامن انا اسفه اخوي طولت عليك بس والله العظيم ان هذا اللي قلته هذا جزء بسيط من اللي حاصل معي انا ولدي لكن ما اقول الا الحمدلله على كل حال

اسال الله العلي العظيم ان يشفي ابنك ويسر لكم اموركم

الله يجزاكم كل خير ممكن بس توجهوني وين اروح هذا تشخيص ولدي
التشخيص :
1- تالي التهاب السحايا
2- شلل دماغي ( تلف جزء بسيط في المخ ادى الى تاخر في النمو الروحي والحركي )
3- تاخر شديد في الكلام ( ما يتكلم حتى كلمة باب وماما ما نطقها لحد الان )
4- بعض السلوكيات التكراريه
5- طيف توحد
وهذي هي التوصيات :
1- ادخله مركز تدخل مبكر للتربيه الخاصه ( عجزت وانا ادور مركز )
2-علاج تواصل ( وين الاقيه مستشفى قوى الامن ماعندهم ومراكز خاصه ما اقدر اوديه يالله اقدر ادبره مصاريف اكل )
3- علاج طبيعي
4- علاج تعديل سلوك
ولا تقولولا وديه مراكز خاصه لان انا وهو ما عندنا الا الاعانه حقته اللي هي 1166 ريال يدوب تكفيه اكل واحتياجاته لان ابوه ما يصرف علينا ولا دارى عننا جوعانيين شبعانيين ولا كاننا امانه في رقبته ومسؤول عننا