رفض زواج المعاقه من أهل الزوج

أسعد الله اوقاتكم بكل خير وجعلها عامرة بذكره
أود طرح موضوع في غااااية الاهميه وأريد من الكل مشاركتنا برايه
الموضوع/رفض زواج المعاقه من أهل الزوج /الزوج سليم ومقتنع بهذه الفتاه ويريدها الا ان أهله رافضوا هذه الفتاه لماااااذا لانها (معااااااقه)


حسبي الله وكفا سمع الله لمن دعا

المصدر: الشبكة السعودية لذوي الاعاقة - القسم: زواج ذوي الاعاقة

بصراحة موضوع على الجرح

لكن سؤال موجه للاهل - لو ابنكم (( المعاق )) الا قمتم با الدوران على البيوت !

من اجل تزويج ابنكم بفتاة سليمة

إذا هو مقتنع ب إعاقتها وراضي وعنده امكانيه يسكن في بيت خاص
ويقدر يحميها ليش يسمع ل اهله لانه في ذا الموضوع مو مسوي شي حرام
شي حلله الله يسوي اللي هو مرتاح له وبس ..
ويااماا من اهالي مدحو البنت ل ولدهم وبعد مده من الزواج كرهوها وكرهو تصرفاتها
ويصير بينهم مشاكل مباشره او غير مباشره بدل ماكنت البنت المحترمه واللي كل واحد يتمناها
تصير وحده لاتطاق العيشه معها وهي السليمه اللي اختاروها له ؟؟
وحنا ما عطلنا غير الأهل والمجتمع وتفكيرهم السيئ
وبخصوص المعاقه إذا هي مستعده وقادره تتحمل المسؤوليه ليش لا تتزوج لا حرام ولا عيب .
بالعكس المعاقه احسن من السليمه في اشياء واجد ..
مكافحه
طموحه
عقلانيه : مو مثل غيرها تاخذها العاطفه لطرق مسدوده لان الاعاقه علمتها الكثير وجعلتها توزن الامور بعقل
ومحبه للخير

عندي كلام واجد ودي اقوله بس كذا يكفي كثرت عليكم
وشكرا على الموضوع الجميل

يسلموا أختي بصمة تميز والصراحه كلامك جميل أشكرك علي مرورك الكريم
شكرا الي الأخ أحمد كلامك في قمة الروعه وبالعكس لوتكلمت أكثر انا ماطرحت الموضوع الا انه واقع في مجتمعنا للأسف وأتمنا انه يزول في يوم من الايام
أستغفر الله العظيم وأتوب اليه

على حسب نوع الاعاقه يعني لو يجي اخوي ويقلي ابي اتزوج من وحده معاقه بفكر باكثر من شغله
1هل هي قادره على فتح بيت وزوج
2هل قادره على الانجاب
3هل هو فعلا يريدها بعقله مو عاطفته
4هل بيتحمل نتيجه اختياره
ولو كان الرد ايجابي بقوله بتوفيق
ولو لا بكون مو موافقه اطلاقا لان بكره يبي عيال بكره بتروح السكره وبتجي الفكره وبيكون جرح بنت الناس اكبر واعمق ...هذ الكلام كلام وحده منكم وفيكم ومعاقه بس تحكم عقلها قبل عواطفها والله يوفق كل البنات برجال اللي يستحقونهم

ما اختلفنا سعودية كوول على كلامك

لكن من حقها ايضا الاختيار اذا توفرت فيها الشروط التي ذكرتي

طبعا لها الحق بالقبول او الرفض ..وحتى لو مافيها الشروط وهو قادر على احتوائها من بيت وشغاله وحياه كريمه اهلا وسهلا ومو من حق الاهل يحتجون لكن لو كان مايقدر يحتويها الله لا يهينه يخليها معززه مكرمه ببيت اهلها وهم يحتوونها لكن لا يتزوجها ثم يحس بنقصها ويقعد يحسسها بنقصها ونحنا حساسات جدا واحس اغلب رجالنا ماعندهم النضج والتضحيه هذي مااحكم على الجميع بس اغلبهم.... بالعربي من وين تضمنه هو عشان تضمن موافقة اهله .....والعلم عند الله والتوفيق والتوافق من الله محد يجزم بصحه شي ونجاحه ولا فشل شي بيد الله

اضافه بسيطه انا بروايتي الي كتبتها تطرقت لهذي المشكله لبطلة روايتي شوق وكان الي رفضها بنت عمها رفضت تزوجها اخوها لانها معاقه وعمها كمان رفض يزوج ولده ببنت اخوه المعاقه

للاسف المجتمع عمره مراح يتطور ليش ماننظر للغرب كثير من النساء المعاقات متزوجات ولديهم ابناء
ولايوجد من يتدخل في حياتهم ..
لدينا في المجتمع حساسيات الناس وش يوقولو ولدنا تزوج معاقه او لا شوفوا حرمة ولدكم ماتنفع لشيء

صحيح من حق الاهل أن يبحثوا لي أبنائهم الافضل والاكمل والكمال لله ولكن ليس من حقهم أن يرفضوا فتاه أختارها
وأقتنع فيها

في النهاية الاعاقه ليس عيبا بل فخرا .. لانه ابتلاء وقضاء وقدر
لوكن الامر بيد الانسان لما خلق نفسه معاقا

جزاك الله خير الجزاء أختي الكريمه على الطرح..
فعلا مشكلتنا بالمجتمع ونظرته الدونية لمن ابتلاه الله بالإعاقة .. الدول الغربية لا تفرق بين سليم ومعاق بل وتمنح الثقة لهذه الفئة بشتى الطرق والوسائل
للأسف ما نعيشه نحن هو الاحباط بكل قوة
الحمدلله منحني الله الكثير والكثير ونعم لا تعد ولا تحصى .. ولكن ما ينقصني هو زرع الثقة بداخلي من محيطي
ها أنا الآن حائرة في موضوع الزواج .. تقدم لي شخص سليم ومشهود له بالصلاح
ولكن أهلي لم يدعموني ابدا بل استنكرو موافقتي وقرأت في وجوههم كيف تتزوجين وتفتحين بيت وتعيشين بمفردك بعيدا عن مساعدتنا ...

رغم اني استطيع تحمل المسئولية لكن ليس لدي ثقة بنفسي والخوف من الفشل يراودني

اذا الأهل يا عزيزتي لم يتقبلو فكرة زواج ابنتهم فكيف بأهل الزوج ...

وفق الله الجميع لما يحب ويرضى