التقرير غير واضح..والتاخير بالرد

السلام عليكم
يااخوان انا ارسلت تقرير لحالتي الصحية من تاريخ شهر 2
تم رفض الاول بسبب التقرير غير واضح رغم اني رفعته بتطبيق كام سكان
ورفعته بتصوير الجوال وللان ماوجدت تجاوب حتى هذا اليوم


والسبب غير واضح هل التقرير ماكان واضح بسبب التصوير والا ان التقرير غير واضح من تقرير الدكتور
رغم ان التقرير مكتوب بكتابه كمبيوتر و فيها اختام الدكاتره وختم مدير المستشفى
وفوق هذا التاخر من الرد وعدم وجود وسيله اتصال مع الوزارة نفسها الكسولة
وانقطع الدعم المالي بسبب التاخير من عندهم بالرد بالقبول او الرفض

المصدر: الشبكة السعودية لذوي الاعاقة - القسم: التاهيل الشامل

عليكم السلام

غالبا في شي ناقص توقيع او ختم او تاريخ

لكن اتصل عليهم وشف وش يبون 19911

المشاركة الأصلية كتبت بواسطة متأهل

عليكم السلام

غالبا في شي ناقص توقيع او ختم او تاريخ

لكن اتصل عليهم وشف وش يبون 19911

التاريخ مكتوب
والختم موجود من اثنين دكاتره ومدير المستشفى
ماادري ليه التعقيد في هالموضوع
والمشكلة انهم اكثر من اربع شهور مايردون على التقرير
يعني لو اقدر اغير المستشفى مااقدر لازم هم يردون على تقريري
تاركيني لا مقيد ولا مفكوك

عتدك تصلب لويحي وايش مكتوب في التقرير

المشاركة الأصلية كتبت بواسطة سبيس واحد

عتدك تصلب لويحي وايش مكتوب في التقرير

مكتوب


المريض لدية قصة تصلب متعدد عام 2008 نموذج نكس جموع قيد العلاج المرضي لايمترادا
المريض لدية ضعف رباعي معتمد على العكازه في مشيه يراجع عيادة الاعصاب دورياً
بالرنين المغناطيسي للدماغ يوجد لويحات زوال نخاعين مع اصابة عمود رقبي أيضاً

هل تقريرك مستوفي الشروط للحصول على الإعانة

أتصل عليهم وأعرف السبب لاتسكت ابد

المشاركة الأصلية كتبت بواسطة ضوء القمر

هل تقريرك مستوفي الشروط للحصول على الإعانة

أتصل عليهم وأعرف السبب لاتسكت ابد

اتصلت على 1991 ماخذت منهم الا رقم المستفيد
وقالو علمها عند الوزارة

اتصلت على التاهيل قالو نفس الشي علمها عند الوزاره
ماخليت وسيله بتويتر ماستخدمتها حتى سويت شكوى بموقعهم ابيهم يردون علي وللان ماوجدت منهم تجاوب

ابي رقم الوزاره استفسر منهم ولي مده طويلة من شهر اربعه بهذا السنة وانا انتظر يعطوني جواب مالقيت منهم تجاوب

ترا الموضوع بسيط يايقبلونك او يرفضونك واذا رفضوك يكتبون أيش سبب الرفض
بس حسبي الله عليهم يحبون يمشورون ويتعبون المرضى والله ينتقم من كل موظف مايؤدي شغله على أكمل وجهه

يا قبول او رفض وانتهت السالفة ليش التعقيد

حنا الان بتاريخ 19/7/1442

وتاريخ اعادة رفع تقريري الطبي بتاريخ 11/4/1442
ولا حس ولا خبر وياخوفي ينسون رقم الطلب ولا اقدر اعيد تقريري الطبي واراجع المستشفى

انا ابي بس واحد يشوف رقم الطلب لا يخليني لا مقيد ولا مفكوك

المشاركة الأصلية كتبت بواسطة السلوان

مكتوب


المريض لدية قصة تصلب متعدد عام 2008 نموذج نكس جموع قيد العلاج المرضي لايمترادا
المريض لدية ضعف رباعي معتمد على العكازه في مشيه يراجع عيادة الاعصاب دورياً
بالرنين المغناطيسي للدماغ يوجد لويحات زوال نخاعين مع اصابة عمود رقبي أيضاً

الافضل يكتب لك بالتقرير ضعف شديد بالاطراف الاربعة
كمان ضيف اسماء الادوية اللي تاخذها
والدكتور كاتب ضعف رباعي مو محدد قوة المرض هو شديد او لا اتوقع كذا رفضوا تقريرك