عرش الغلا .. قدره على قدر راعيٌه

[ابو فواز]

عرش الغلا .. قدره على قدر راعيٌه
والا العروش الخاويات .. أمخلوفه!!


شيءٍ يجي منّه و بأحسان .. ما أبيٌه
و الله لو نفسي لملكه .. شغوفه


الله يصد العبد عنٌه .. و يعطيٌه
عقلٍ يشوف .. و نفس بيضاء .. عطوفه


أنشد وأنا اجاوبك .. يا ( لا ) يا ( أيٌه )
يا زينها بين الثنين .. أمحفوفه


مافيٌه داعي تكشف العلم .. و أخفيٌه
مثلي .. يطابق هرج قلبه حروفه


وش حيلتك لا صار لك شخص تغليٌه
تطيح طيحاته .. و تاقف وقوفه


تشتاق لعلومه .. و تضما حكاويٌه
و أن مر طيفه .. رحت تذبح خروفه


وش حيلتك ؟ لا صار بايعك شاريٌه
قلبك .. و شاري منزله مع ضيوفه


شفني ماغير أجيب ذكره و أوديٌه
و لرضاه أسوي كل ليله .. ( بروفه )


لين أنتهى .. و القوس في كف باريٌه
راحت طيوفه .. تشتبك مع طيوفه


و انا الين اموت .. باقي مواليٌه
لو تكثر أحزابه .. و تكثر أحلوفه


خله يروح .. و ينجرح صدر مغليٌه
مسموح .. و لحون الوداع أمعزوفه


مانيب قايل في غيابه ترى فيٌه
بأقول حكمه .. من زماااان معروفه


(أحدٍ كفيف .. و عين قلبه تقديٌه
و أحدٍ يشوف .. و لا يقديٌه شوفه)



من ما راق لاخوكم

[الحنان كله]

رد: عرش الغلا .. قدره على قدر راعيٌه

صح لسان شاعرها وعلا شأن ناقلها

[أقدار]

رد: عرش الغلا .. قدره على قدر راعيٌه

صح لسانك

[ابو فواز]

رد: عرش الغلا .. قدره على قدر راعيٌه

مشكورة اختنا صديقة ذوي الاعاقة
على المرور والتقييم
احترامي لك

[ابو فواز]

رد: عرش الغلا .. قدره على قدر راعيٌه

حياك الله اختنا الحنان كله
شرفني مرورك بارك الله فيك
تقديري لك

[ابو فواز]

رد: عرش الغلا .. قدره على قدر راعيٌه

صح بدانك اخي اقدار
شرفني مرورك الله يعطيك العافية
احترامي لك

[ابحث عن عمل]

رد: عرش الغلا .. قدره على قدر راعيٌه

صح لسانك

[سليمان السعد]

رد: عرش الغلا .. قدره على قدر راعيٌه

وش حيلتك لا صار لك شخص تغليٌه
تطيح طيحاته .. و تاقف وقوفه

ابدعت ابو فواز