لص لئيم سحب اعانتي

[سحاب]

السلام عليكم ورحمة الله وبركاته

ياخوان متسلط علي لص لئيم كل كم شهر يسرق اعانتي شهر 2 سرق 800 ريال وهذا اصلا كل المبلغ والان شهر 4 وبرضوة سرق المبلغ كله

حتى مايمدي الواحد يسحبها قبله اول ما تنزل ساعة ويسحبها

ماادري هذا غلط بالنظام ولا فعلا فيه شلة لصوص وهذه شغلتهم

الان بسال وش الخطوة الصحيحة عشان اعرف وين يروح حقي

مع العلم انه من الرعاية الاجتماعية

[الريم نجد]

رد: لص لئيم سحب اعانتي

حسبي الله ونعم الوكيل ياخوي روح وزاره شؤون الاجتماعيه

وش قعد تنتظر وربي انك غريب ليش ساكت وربي لوانا مكانك وربي لا شرشحهم

دنيا سيبه حنا في دوله الحق يمشي فيه الله ييسرامرك

[alweldi]

رد: لص لئيم سحب اعانتي

اخوي سحاب ممكن في احد يعرف الرقم حق البطاقه ويسحب منها تاكد من هذه النقطه

وممكن على قولك غلط فالنظام بس لو غلط بعد كم يوم ترجع

انا انصحك تذهب للبنك وتطلع برنت باخر السحوبات وتعرف الي لك والي عليك

الله يعينك وييسر امرك

تحياتي لك

[قاهر اليأس]

رد: لص لئيم سحب اعانتي

شف رح للبنك نفس ماقالك اخونا الوليد وتاكد من المبلغ وين يروح بحساب منو .. الغريب بالموضوع ان اعانة الضمان او التاهيل ما تنسحب الا بصرافه الخاصه ولا اتحول من حساب لحساب ولا كنيكت ولا اى شي فقط تسحبها وبس .. فا انت تاكد من المبلغ وين يروح يا عزيزي بعدها رح للوزاره لازم تروح تشوفهم بكره الصبح راجع بنك الراجحى

[سحاب]

رد: لص لئيم سحب اعانتي

يعطيكم العافية

على خير ان شاء الله الوعد بكرة باذن الله

وباخذ بنصحيت اخونا الوليد

[عذبتني عيونه]

رد: لص لئيم سحب اعانتي

اخوي الله ييسر أمورك بالنسبة للوزارة راجعهم لأنها يمكن متعلقه ومانزلت بحسابك وراح يرفعو خطاب ولازم تنتظر اسبوع الى اسبوعين وينزلوها بحسابك
اما على قولت اخونا انو احد يعرف رقمك السري فهذا الشي مقدور عليه لأنه راح تطلع صورته بكاميرا الصرافه تلقائيا وقت السحب واذا حصل ذلك فسوف يرفع البنك شكوى للمباحث الجنائية
لأتخاذ الأجراء اللازم مع الشخص
ملاحظه ( اذا كنت مسروق بالفعل من شخص فمجرد رفع شكوى للمباحث لايحق لك التنازل نهائيا حتى ولو كان السارق معروف او قريب لك لأن المهمه لم تعد بيدك بل بيد المباحث ولايحق لك التدخل فيها نهائيا )

[تيفو]

رد: لص لئيم سحب اعانتي

صرفات التاهيل مالها رقم حساب عشان كذا صعب تطلع كشف حساب من البنك حتى البنك مايقدر يخش عليها اصلن ولا يقدر يعم لك شي آبدآ
كمان ماتحول و لا تودع ولاتقدر تستفيد منها غير سحب فقط.
.
تقدر تسوي كشف حساب مختصر من الصرافه وتعرف متى نزل المبلغ في اي يوم وساعه ومتى انسحب كمان وفي اي يوم وساعه.
.
انت اعمل هذا الخطوه اولآ .
.
عشان تعرفمن وين انسحبت من المصدر اللى هي الشؤؤن الاجتماعيه وهذا صعبه جدآ جدآ او احد من طرفك. وهذا الاقرب للوآقع
.
لنه يمكن احد من طرفك عارف رقمك السري يمكن والله اعلم اخذ بطاقتك الصرافه دون علمك وراح وسحبها.
.
وانت ياغافل لك الله.
.

[احمد زايد]

رد: لص لئيم سحب اعانتي

اطلب كشف حساب مختصر وشف اذا نزلت الاعانه وشف متة سحبت وخذ الايصال وتوجه للبنك وافهم القصه منهم

[فارس بلاجواد]

رد: لص لئيم سحب اعانتي

نصيحه غير الرقم السري عن طريق الصراف ومثل ماقالو لك الاخوان راجع البنك ون شاءلله يرجع حقك

[سحاب]

رد: لص لئيم سحب اعانتي

رحت وتعبت الي معي على الفاضي

الرعاية الاجتماعية قالو مالنا شغل وهذه البطاقة ما تصرف الا برقمها السري ولا قدر نسوي لك شي

حتى انهم استغربو ولا تصير هذه البطاقة مسحوبة بالرقم السري

يعني سبحان الله كاني ساحب الفلوس وجاي اطالب بها

تركتهم ورحت الشرطة بقدم شكوى قالوا لا جب لنا اول كشف حساب من البنك

بعد التعب البنك ماعنده سنع وعلى كلامه هالبطاقة مالها كشف حساب ولا اي خدمة ولا لهم بها شغل اصلا الا انها تسحب من مكائنهم

كل هالكلام اعرفه من اول ان ما بها خدمات

بس الغريب كيف يختفي المبلغ والبطاقة معي ومحد يسحب بها

حسبنا الله ونعم الوكيل

بغيت ارمي بطاقتهم بوجيههم وش هالنظام حقهم

[مُعان]

رد: لص لئيم سحب اعانتي

صحيح مالك الا البنك

[سحاب]

رد: لص لئيم سحب اعانتي

طيب البنك يقول مالنا شغل وش السواه

[ام خالد]

رد: لص لئيم سحب اعانتي

يالطيف الله ييسر امورك

............

[ابو نورة]

رد: لص لئيم سحب اعانتي

اخوي غير الرقم السري
وابشر بالعوض راسلني على الخاص

[راجي عفو ربه]

رد: لص لئيم سحب اعانتي

اخوي سحاااب : انا صاار لي نفس موضوعك تقريباً ، الشهر الماضي شيكت على الصراف ولقيت فيه اعانة شهر واحد فقط ، وأنا متأكد ان اعااانة الشهر الماضي حقت ولدي ماسحبتها ، يعني المفروض يكون في الصراااف اعانة شهرين ، اخوك نقز على طوووول لوزارة الشؤون الاجتماعية اللي بالرياض(ادارة الاعاناااات) ، وقابلت الموظف وقلت له عن السالفة , قال لي انتظر شوي باتصل على البنك واخليه يرسل فاكس بكشف حساب ، وبعد مااتصل على البنك(اعتقد ان في البنك ادارة أو موظفين مخصصين لوزارة الشؤون الاجتماعية ، والدليل ان الموظف اللي في البنك رد بسرعة على الاتصال ، حتىموظف الشؤون الاجتماعية قال لي: ان موظف البنك كان عندنا قبل شوي هنا ) ادري شطحت عن الموضوع ،، المهم : بعد حوالي نص ساااعة وصل الفاكس ، ووراني الموظف كشف الحساب واتضح اني انا سحبت الاعانة حقت الشهر المااااضي ، ولكن ... الكبــر شين ،، طلعت انا ساحبها لكن نااااااسي اني سحبتهـــا.
وانت يااخوي سحااب اتجه لفرع وزارة الشؤون او مكتب التأهيــــل عشان يتأكدون لك من البنك . وفقك البـــــــاري