ممكن تدلني مدينة الامير سلطان للخدمات الانسانية

[سنة رابعة]

السلام عليكم .. عندي موعد الاسبوع هذا في مدينة الامير سلطان بالرياض وانا من الدمام .. وما ادل في الرياض .. بس مضطره اروح بالسيارة .. اذا ممكن تعطوني وصف دقيق للموقع والشارع وايش جنبه واكون ممنونه لو تعطني احداثيات الموقع

[احمد زايد]

رد: ممكن تدلني مدينة الامير سلطان للخدمات الانسانية

هلا اخوي بالنسبه لموقع مدينة الامير سلطان الانسانيه هي على طريق القصيم

ان شاء الله يشوف المغامر الموضوع او المتفائل لان هم يعرفون موقعها اكثر مني

[المتفائل]

رد: ممكن تدلني مدينة الامير سلطان للخدمات الانسانية

ما ادري اقول اخوي او اختي
معرفك كاتب ذكر وكلامك يدل على ان المتحدث انثى
لاتدخل الى وسط الرياض بس تكون مع الدائري الشرقي
ينقلك الى الدائري الشمالي من الدائري الشمالي تطلع
مع مخرج القصيم وهو مخرج رقم 4 تكون مع طريق القصيم
يجيك مقر جريدة الرياض والجزيرة والمستشفى السعودي الالماني
ونادي الشباب كلها على يمينك
تكون مواصل على طوال تجيك كلية اليمامة على يمينك خليك ع طول
تجيك ممكن 6 محاط بنزين على يمينك اذا انتهت جميع المحاط
حتكون مدينة الامير سلطان واضحة امامك على اليسار ولو لم تكن قريبة
اول مخرج يجيك تاخذ يمين تطلع فوق الكبري تتجه يسار ثم تم على طول
تجيك اول بوابة على اليمين تدخل معها

احاول اليوم اجيبلك وصف اكثر دقه
بالذات اول ماتدخل الرياض من جهة الشرقية
او يفيدنا احد من اهل الرياض

[سنة رابعة]

رد: ممكن تدلني مدينة الامير سلطان للخدمات الانسانية

الله يعطيكم الف عافية اخواني ويفك ضيقتكم يااارب .. تسلمون وعسى الله يحرم ايديكم على النار

[المغامر]

رد: ممكن تدلني مدينة الامير سلطان للخدمات الانسانية

كفيت ووفيت ابو نواف
ماخليت لي شي
اضافه بسيطه للتوضيح

مخرج مدينة الامير سلطان نفس مخرج بنبان
خليك متابع اللوحات الارشاديه

توصل بالسلامه وطمنا عنك اخوي او اختي

[سنة رابعة]

رد: ممكن تدلني مدينة الامير سلطان للخدمات الانسانية

للمعلومية .. انا ام الطفل المريض .. يعني اقصد بذكر طفلي
ومرة وحدة حابة اسأل اذا انتو مجربين المدينة الطبية .. احنا رايحين الان تقييم للحالة .. حسب خبرتكم يتأخر موعد الدخول في العادة ..
يعني انا بقدم على الصندوق الخيري .. يحتاج انتظر شهور عشان يكتبون لنا دخول ؟؟

[غاده]

رد: ممكن تدلني مدينة الامير سلطان للخدمات الانسانية

والله يا اختي دخلتها عام 2002 ولا استفدت شي بس عالجوا جرح برجلي وناس يقولون هالحين تطورت وامكانياتهم تطورت من كادر طبي وناويه اقدم من جديد والله يكتب اللي فيه الخير وايه ياخذ وقت التقديم على الصندوق والله يقر عينك بشفاء غاليك