يالله ياعـالـم خفـايـا عبـيـده

[الصبر]

يالله ياعـالـم خفـايـا عبـيـده

يا موجهن عبـده بكـل المهمـات

يارازقـن خلقـه علـى مايريـده

ياميسر الصعبات حل الصعيبـات

انته رصيدي يوم كـل ورصيـده

تفرج لمن هو شاف باالوقت ميلات

وين الصداقـه والفعـول المجيـده

وين الفعـول الطيبـه والجمـالات

وين الوفا ويـن الفعـول الفريـده

وين المصافيط السمينات بسكـات

ياللاسف وشلون صـارت بعيـده

صارات نفاق وكذب وبزود حيلات

وين الرجال اهـل المزاياالعديـده

اهل الصخى والجود واهل المروات

الصدق فيهم مـع مزايـا حميـده

واليا نخيته شفت معنى البطـولات

اهل السلوم اهـل العلـوم العتيـده

منهـم تعلمنـا معانـي ونخـوات

يشهـد علـي الله شهـاده وكيـده

احب فعل الطيب في كل الاوقـات

واحب راع الطيب وايدي على ايده

محبتن ماطلب وراهـا مجـازات

وانا حصلي من صديقـي فريـده

وكنت احسبة ليه بوقت العسيـرات

وانا اعتبر نفسي بحسبة عضيـده

امشي على سلوم الرجال القديمات

واخذ كلام اهل العقـول الرشيـده

اللي لهم با الطيب صوله وجولات

وحب من ينصح بالاريا السديـده

الي يشيلـون الحمـول الثقيـلات

ويالله ويالله كـل شهمـن تزيـده

وتسهل اصعاب الامور الجسيمـات

اللي صدا قتهـم معانـى وطيـده

واليا فعل لك طيب ماقال لك هات

يالله تمتعهـم حيـاتـن مـديـده

وتجعل حيات اهل المراجل مسرات

يالله عسى الطيـب بدنيـا سعيـده

عسى حيات اهل الجمايل سعادات

وصلاة ربـي عـد كـل البديـده

على النبي ازكى سلام وصـلاوات


مما راق لي

[ابو فواز]

رد: يالله ياعـالـم خفـايـا عبـيـده

ابيات جزله تحمل الكثير من المعاني الطيبه
تسلم يمينك اخي الصبر على هذا المنقول الرائع
تقييمي وتقديري لك