نسبة الزواج من الاجانب الذكور

[أبوغنئ]

السلام عليكم ورحمه الله وبركاته


اخواني قبل كل شي خلونا نأكد على نقطه ان الزواج قسمه ونصيب
وهذا الشي مانختلف فيه وما ننسى ان فيه عالم ماتخاف الله
تتزوج لمصلحه في نفسه او هدف يريد تحقيقه من الزيجه هذي بغض النظر
عن النتائج الي تترتب عليها بعد الزواج

واتمنى من قلبي انك ما تضعوني في دائرة العنصريه لاني ابداً
مو كذا واني احارب العنصريه بكل اشكالها والوانها عموما ندخل في الموضوع بدون مقدمات
انا ملاحظ ان نسبه الزواج من الاجانب الذكور زادت الفترة هذي
خاصه من اصحاب ذوي الاعاقه
ملاحظ ان يجي اجنبي ويتزوج وحدة سعوديه معاقه سوا كانت اعاقه من حادث
او امراض وراثيه وانا اركز علي الامراض الوراثيه
تلقونه يتزوجها ولايفكر في عياله انه ينتقل لهم المرض
وهو سليم وياخذ واحدة مريضه بلوراثه واحتمل كبير ينتقل المرض للابنا


يشهد الله اني ماني عنصري ولا شي
بس ملاحظ الشي هذا
هل هي اهداف في نفس هذا الاجنبي ؟
مثل فتح مشاريع باسم زوجته والتجارة
او الحصول ع الجنسيه
طيب لو حقق هدفه. هل بيبقى معها ؟ ولا خلاص يرجعها لاهلها ؟


اتمنى ماتوصفوني بلعنصري لكن هذا النقطه لابد من الوقوف عليها كثير


والله يرزق كل محروم ومحرومه يارب من متعه الزواج الحياه الزوجيه والابناء

[ضوء القمر]

رد: اتمنئ انكم ماتقولو اني عنصري

حياك الله

لا من حقك تسأل عن اي شي دام انه مافي مضرة لأحد

ولا تخاف عن نفسي مااسميك عنصري أنت تخاف على بنات وطنك جزاك الله خيرا

موفق وننتظر الآراء الثانية

[الرضى]

رد: اتمنئ انكم ماتقولو اني عنصري

وعليكم السلام ورحمة الله وبركاته
بالعكس ماانت عنصري هذامن غيرتك على بنات الوطن
فالأفضل لهاان تتزوج من ابناءالوطن لانه في صالحها وصالح ابناءها حتى مايتشتتون بين بلدزوجهاوبلدهاولكن اذااغلقت السبل في وجههافحديث الرسول صلى الله عليه وسلم من اتاكم من ترضون دينه وأمانته فزوجوه
وليس كل الأجانب حتى لانعمم لم يتزوجها الالحاجة في نفس يعقوب فربماطمعابمالهااوحتى يفتح مشاريع باسمهاوماالى ذلك
فهذا الزواج فيه الصالح والطالح
اسأل الله ان يسترعلى بنات الوطن ويرزقهن من هوكفوالهن

[بنتن لهكا الشايب]

رد: اتمنئ انكم ماتقولو اني عنصري

والله لان اغلب الشباب السعودي السليم مايرضى يتزوج معاقه


Sent from my iPhone using السعودية لذوي الاعاقة

[الحلم سيتحقق]

رد: اتمنئ انكم ماتقولو اني عنصري

تفكيرك منطقي جداً ولكن اعتقد ان البعض فيه الخير وراغب بالزواج من ذوي الاعاقه لان الامر يتطلب شجاعه بنظري.

[سعوديه كوول]

رد: اتمنئ انكم ماتقولو اني عنصري

هذا زواج فيه موده ورحمه وتبادل مصالح مشتركه وين الخلل؟ايه ايه مصالح ...عادي يجي بكل وضوح ومن الباب ويتزوجها ويعيشها عيشه هنيه طيبه وتستمتع بشبابه وماله حتى لو مو سعودي وعادي جدا مقابل هشي تساعده يفتح مشاريع ويسترزق ويعيش وتعيش افضل بكثير من سيناريوهات كثير تتزوج هي الثانيه او الثالثه وخذلك مشاكل وكلام وهبد ورزع كل يوم وعيشه تجيب الهم ,,,,يا اخي مايصح إلا الصحيح والنصيب انت الي تفصله بمزاجك محد يغصبك انت شوف ايش المواصفات بالاخر تخليك تطور وتتجدد وتكون انسان افضل معاه وتتبادلون المنافع والمصالح بشكل مريح بنسبه ماتقل عن ثمانين بالميه ,,,,كذا الناس يفكرون مو بس عرق واجنبي او لا هذا ماله دخل لان ترى فيه عرب ينتسبون لقبايل اعرق بكثير من قبايلنا وفيه اجانب يلعب بالملايين لعب مو منتظر انه يعمل بزنز أصلا مع معاقه عشان سعوديه لا هو اصلا شركاته بكل مكان ,,,حسين فهمي تزوج كفيفه سعوديه ورفضت فيما يبدو فكرة تبادل المصالح فطلقها ,,,القصد انه بزواج فكر بشريك المرن المناسب الواضح الي تتطور معاه مو بس اكل وشرب وخلفه وحياه روتينيه هذي تزوج لو من شرق آسيا عادي بس اتكلم عن انت او انتي بتتزوجين مو شرط الجنسيه اذا توفرت في الشريك اغلب الامور ومن ضمنها تبادل المصالح هي تصير زوجه وام وحياتها سعيده ورايقه وهو زوج واب وحياه مقتنع فيها ومتفقين على أساسياتها مثلا ممكن تطلع سجل تجاري أو تساعده بالعمل بدون حساسيه,,,وعني انا شخصيا مااقبل اتزوج من برا بس يضل نوع زواج ممكن يكون اكثر من موفق لو بداصح وبوضوح تام,,,والكلام هذا لذكور والاناث,,كذا الناس العاقلين يتزوجون لكن تبغى زوجه برتبة شغاله عشانك معاق وانتي تبين زوج برتبة خادم هذي زواجات فاشله وتعيسه واذا الانسان السليم يفكر الف مره قبل الارتباط فالمعاق يفكر مليون مره عشان يتزوج بالاخير بطريقه تريحه نفسيا,,,,يتزوجها خادمه وهي تزوجه خادم بعدين يقولون يبغون منا فلوس ويبيعون يستغلونا هههه اجل هو راضي عشان ايش ؟وتبدا موالات لاتستغلك لايستغلك طيب من الاساس الاختيار على اساسات خدمه مقابل فلوس او شي ,,,معليش هذي الحقيقه

[سعوديه كوول]

رد: اتمنئ انكم ماتقولو اني عنصري

وكمان لاتنسى نص السعوديين مو سعوديين بالأصل مجنسين يعني مافيه اي مشاكل ممكن تتزوج ولد خالها او ولد عمها مو سعودي وهذي اغلب الزواجات من غير السعوديين تكون لسعودي المجنس الاغلب يعني,,,,وبعدين انت مو بس عنصري لا وكمان مفرق بين الذكر والانثى بحق الارتباط مع ان الذكر أشد بكثيييير من الأنثى,,,, انت لما تتزوج اسيويه وتجيب منها عيال بملامح امهم واسمك واسم قبيلتك هذول ياخذون تربية امهم وهذا الي جالسين نشوفه تلاقي بنت تستهبل واسمها قبيلي بس شكلها واضح مو سعودي هذا الانتاج المضروب,,,,بس البنت لما تتزوج من غير سعودي عيالها باسم زوجها معروف اصلهم حتى لو تجنسو بمليون وثيقه اصلهم معروف,,,وفي الكل الخير بحول الله بس اذا بتتكلم بالانساب فرجل اشد تأثير المراه تروح مع زوجها تجنس ولاماتجنس هي معاه بس انت عيالك موثقين بالاجنسيه حتى لو مااحترموها فموضوعك عنصري وذكوري

[معاند الضيم]

رد: اتمنئ انكم ماتقولو اني عنصري

وكمان لاتنسى نص السعوديين مو سعوديين بالأصل مجنسين يعني مافيه اي مشاكل ممكن تتزوج ولد خالها او ولد عمها مو سعودي وهذي اغلب الزواجات من غير السعوديين تكون لسعودي المجنس الاغلب يعني,,,,وبعدين انت مو بس عنصري لا وكمان مفرق بين الذكر والانثى بحق الارتباط مع ان الذكر أشد بكثيييير من الأنثى,,,, انت لما تتزوج اسيويه وتجيب منها عيال بملامح امهم واسمك واسم قبيلتك هذول ياخذون تربية امهم وهذا الي جالسين نشوفه تلاقي بنت تستهبل واسمها قبيلي بس شكلها واضح مو سعودي هذا الانتاج المضروب,,,,بس البنت لما تتزوج من غير سعودي عيالها باسم زوجها معروف اصلهم حتى لو تجنسو بمليون وثيقه اصلهم معروف,,,وفي الكل الخير بحول الله بس اذا بتتكلم بالانساب فرجل اشد تأثير المراه تروح مع زوجها تجنس ولاماتجنس هي معاه بس انت عيالك موثقين بالاجنسيه حتى لو مااحترموها فموضوعك عنصري وذكوري

ردك الاول تمام
لكن ردك هذا !!

وش وضع الي امه اجنبية ويقرأ كلامك انه مضروب ؟

ياخوان هاذي ارزاق
والسعودي ماهو ملاك فيه شره وفيه خيره

والكلام نفسه ينطبق على السعودية

في ناس انصب عليهم من اخوه و صديقه هالحين جالسين على الاجنبي لا ينصب ولا يسوي ولا يفعل !!
ربي يحاسب الجميع واتركوا النوايا لاصحابها ولا تدخلون في الذمم ولحد جابر حد على حد

وصلى الله وبارك على محمد

[سعوديه كوول]

رد: اتمنئ انكم ماتقولو اني عنصري

ردك الاول تمام
لكن ردك هذا !!

وش وضع الي امه اجنبية ويقرأ كلامك انه مضروب ؟

ياخوان هاذي ارزاق
والسعودي ماهو ملاك فيه شره وفيه خيره

والكلام نفسه ينطبق على السعودية

في ناس انصب عليهم من اخوه و صديقه هالحين جالسين على الاجنبي لا ينصب ولا يسوي ولا يفعل !!
ربي يحاسب الجميع واتركوا النوايا لاصحابها ولا تدخلون في الذمم ولحد جابر حد على حد

وصلى الله وبارك على محمد

لاتفهمني خطأ هو تكلم عن العروق وعن الاصول وكلمه مضروب يعني مو اصلي وهذي الحقيقيه لان امهم مو من نفس الاصول وهوه مهتم بالاصول, فمن الاولى هو يختار اصيله مافيها شي يزعل أصلا اغلب الناس الحين يفتخرون بعرقهم الاجنبي وبامهاتهم لانهم ناس محترمين مايجي يستعر من امه ولا من نسبها بالعكس تماما ,,,,بس اتكلم عن العقول الغريبه الأطوار الي تتعنصر وتعطي نفسها الحق في كل شي حتى انه ميز انه اختلاط الأنساب ياثر على الإناث ونسلهم وهذي من خرافات مجتمعنا الذكوري بامتياز,,,,الاصل في كل البشر الخير بس انت لما تبي تحافظ على عرق قبيلتكم من الاولى انه هو الي مايخرج عنها لان عياله بيتشكل نسبهم اذا الموضوع يعني يهمه وفي نفس الوقت لو اخته تزوجت أجنبي ماياثر لان هيه وعيالها مع زوجها خلاص راحت لكن هو الي يخلط والي مباح له كل شي وهو الحر وهو الي يختار ومحد يعيب عليه ,بس خل البنت تتزوج أجنبي وشوف كيف يقومون الدنيا ولايقعدونها مع ان الاولى يمنعون الولد مو البنت لو فيه عداله بالمجتمع لو لو يهمه الاصول والاعراق من جد ,,,بس يجي يتكلم عن الانثى وتوقف العقول ويصير فيها اختلاط أنساب ونصب واستغلال وعلى الرجال لا حلال رجال ,,,,نحنا مو افضل ناس ولا افضل طباع الدنيا اوسع بكثييير وفيه ناس خيرين وشبعانين وعيال ناس ودينين اكيد بس مين تفهم بعض العقول معطله,,,واكرر عن نفسي مستحيل اقبل بس يضل فرصه لاباس فيها للمعاقه القادره على الزواج افضل من تتزوج متزوج ويبهذلها ,,,وترى هذا واقع مو نوايا وذمم وخيال لا هذا واقع لان زمن العبيد والجواري انتهى الآن ياتتزوج وتحترم الاخر وتكفيه ماديا يا خلها بديرتها مو ذنبها تجيبها كشغاله وتحاسبها على كل شي ذولا كمان اوادم اغلب المعاقين إلا من رحم الله هذي زواجاتهم والمصيبه الي ابوه او امه الي معاها المصروف,,حياه ولا مع الصهاينه للاسف ويبغون يرتاحون ويتوفقون والله يبارك بذريتهم ماتضبط ولا بالهماجه ماتضبط

[أواب]

رد: اتمنئ انكم ماتقولو اني عنصري

لا أقول إلا الله يوفق من تتزوج من أخواتنا ذوات الإحتياجات الخاصة
ويسلم أمرهن لما فيه الخير والصلاح
كل واحدة لا تأخذ إلا ماهو مكتوب لها
أوصي بالإستخارة سواء كان الزوج سعودي أو أجنبي
التوفيق من الله

.

[ابوطييف]

رد: نسبة الزواج من الاجانب الذكور

كلامك وجيه والله
اغلب الاجانب يكرهون هذا الوطن ويحس دونه وبطبيعة الحال يكرهون بناته وأتزوج منهم لمصلحة مؤقته
وبكل سهولة يمشي على البنات علشان يجدد الإقامة مجانا


أرسلت بواسطة iPhone بإستخدام السعودية لذوي الاعاقة