هل احد تابع توجيهات الامير سلطان

[فالح عبدالله الهاجري]

بسم الله الرحمن الرحيم
اسئله كثيره تجيني هل احد تابع توجيهات الامير سلطان
ياليت احد يجرب يستخرج فيزة عامل او غيره
او احد تقدم لصندوق التنميه العقاريه

ياليت يااهل الرياض تتابعون الاوامر مع الاستاذ ناصر الموسى
وشكرا والموضوع لمتابعه الامر والتوجيهات
شكرا للجميع

[مبدع]

رد: هل احد تابع توجيهات الامير سلطان

بسم الله الرحمن الرحيم
اسئله كثيره تجيني هل احد تابع توجيهات الامير سلطان
ياليت احد يجرب يستخرج فيزة عامل او غيره
او احد تقدم لصندوق التنميه العقاريه

ياليت يااهل الرياض تتابعون الاوامر مع الاستاذ ناصر الموسى
وشكرا والموضوع لمتابعه الامر والتوجيهات
شكرا للجميع

الله يجزاك خير ياخوي فالح ماقصرت معنا

بس ممكن سوال منه الاستاذ\ ناصر الموسى وين يشتغل فيه ارجوا الافادة

[فالح عبدالله الهاجري]

رد: هل احد تابع توجيهات الامير سلطان

راح نبحث عنه وليت الاعضاء يخبروننا عن تلفونه او وين يعمل

[مُعان]

رد: هل احد تابع توجيهات الامير سلطان

السلام عليكم ورحمة الله وبركاتة
الغالي فالح
اسال الله ان يثلج صدورنا ويفرج همومنا برؤية قرارات سلطان الخير محل التنفيذ
والحمد لله على كل حال
الخير قدامنا ان شاء الله
اعتقد انة من الصعوبة بمكان ان تتحقق بصورة عاجله لان تطبيق قرار خفض قيمة رسوم الاقامات للعمالة المنزلية وجواز السفر ورخص السير آخذ وقت لحين تهيئة البرامج الحاسوبية وبرمجة انظمة الصرف لتتلأم مع التغييرات المستحدثة
لك عاطر تحاياي
استودعك الله الذي لا تضيع ودائعه
دمت بخير

[فالح عبدالله الهاجري]

رد: هل احد تابع توجيهات الامير سلطان

ارجو من الله ثم الاخوه بعدم الخوض مع الصحافه والاعلام بشكل عام الا بتنفيذ توجيهات سمو الامير سلطان حفظه الله

ترى كثر الكلام والاختلافات بينا ماهي من صالحنا والله لايجيب الاختلافات
نبي نمشي قدام مانريد نمشي وراء
والتوجيهات موجودة وهذا الموضوع للتوجيهات وترى الحوار مفتوح
احد منكم تأكد من الخارجية او صندوق التنميه العقاريه او احد الجهات

بالنسبة لي قبل اسبوع كلمت صندوق التنميه العقاريه وقالو الى الان
والتوجيهات اخبرني شخص صديق بالتلفون وقال وصلت اليهم بوزارة الشئون الاجتماعيه
وهلا بالجميع

[المتميز]

رد: هل احد تابع توجيهات الامير سلطان

السلام عليكم
انا رحت اليوم للبنك العقاري وقالو ما جاء اي شي بهذا الخصوص
وانا عندي طلب سابق من سنه واتمنى انه يتفعل القرار

[فالح عبدالله الهاجري]

رد: هل احد تابع توجيهات الامير سلطان

انتظرو قريبا ان شاء الله حمله اعلاميه وشعارها
الى متى ننتظر
وابشرو بالخير

[الحياة]

رد: هل احد تابع توجيهات الامير سلطان

الاستاذ /ناصر الموسى يعمل في الامانه العامه للتربيه الخاصه في حي السفارات واذا داومت لاننا في اجازه الان راح اجيب لكم رقمه المباشر إن شاالله.

[فالح عبدالله الهاجري]

رد: هل احد تابع توجيهات الامير سلطان

شكرا شكرا الحياه
نعم رقمه ولا يكفي
لابد من اختيار ثلاثه او اربعه والالتقاء معه بشكل ودي
اشوف انها افضل والمشوار خطوة خطوة

[الحياة]

رد: هل احد تابع توجيهات الامير سلطان

رقم الامانه العامه للتربيه الخاصه4882200

مكتب الدكتور / ناصر الموسى 4882917_ ف/4880308

وتقبلوا تحياتي

[فالح عبدالله الهاجري]

رد: هل احد تابع توجيهات الامير سلطان

شكرا الحياه
اليوم راح علينا لكن ان شاء الله من بكره اتصل فيه
وشكرا

[الحياة]

رد: هل احد تابع توجيهات الامير سلطان

العفو اخوي فالح ماسوينا الا الواجب..

[فالح عبدالله الهاجري]

رد: هل احد تابع توجيهات الامير سلطان

كلمت الدكتور ناصر ويبشر بخير يقول طلبنا من الجهات الحكوميه منسقين منهم
لمتابعه التوجيهات وقال برسل فاكس لي عن التوجيهات قلت موجوده بالموقع يادكتور لكن الاهم هو تفعيل القرارات ويقول ان مدير ديوان ولي العهد علي الحديثي هو المسئول عن التوجيهات
وسلام سلام ونحن وراء التوجيهات بمشئيه الله

[الحياة]

رد: هل احد تابع توجيهات الامير سلطان

مشكور اخوي فالح

كويس دقيت الحديد وهو حامي وان شالله يلين لنا .

[فالح عبدالله الهاجري]

رد: هل احد تابع توجيهات الامير سلطان

اي حديد واي خشب
شايفتنا بورشه :)

صح حنا بورشه عمل لمعالجه اوأمر المعاقين
الله يقدم اللي فيه الخير وهلا بك اخيتنا