ابيات مختاره

[جبرني الوقت]

السـلام علــيكم ورحمة الله وبركاتـة


يسعـدلــي مسائـكـمـ عــلى صباحكـمـ


مجموعة ابيات مختارة
7
7
مبطي وانا لك ياهوى البال مشتاق
شوق العمى لمعانق الشوف لحظة
*********************
الحب لامنه بغى يجرح انسان
خلاه للناس المعافين فرجه
**********************
الحظ عجة والحبايب قراطيس
من يمسك القرطاس وقت العجاجي
**********************
في غيابك كل الملا عندي اغراب
لاحد"ابي قربه ولاحد"يبيني
***********************
غرتني امثال العرب بالشواهد
يبيك قلبي واحسبنك تبيني
*********************
أبكيتني وانا احسبك تكره بكاي
واثرك تلذذ في دموعي وانا ابكي
******************
ماقلت لي تقدر تحدى المقادير
وراك بدلت التحدي بالاعذار؟؟
*******************
بكيت ولاعرفت اضحك بكت من حزني اوتاري
يقوم الحظ لي مره وهو قاعد حيلة
***************
ان حكينا ندمنا وان سكتنا قهر
بين راس"عنيد وبين قلب"عطيب
************
تقول تنساني على البعد واقول
ماهيب لي ياصافي الود عاده
**************
ماكل من يبعد به الوقت ناسيك
بعض البشر قدام عينك وينساك
**************
خلوني استانس بهالدنيا دامني حي
لامت مادري جثتي من دفنها
*************
فل الحجاج وخل عنك الهواجيس
كلن يموت وحاجته ماقضاها
**************
حالي غدى مثل المساويك مبري
ياباري"حالي ترى ابعد ظلام
***************
لاصارت الدنيا ماهي على الكيف
اصبر على ظيم الليالي وقدرها
*************
ودي اشبع منك شوف وما حصلي
كلما طالعتني ضاعت علومي
************
ماكل من يضحك من الهم خالي
ولاكل من يبكي من الحب محزون
*************
لاتعدني غالي وانا يكفي اغليك
ولوبعتني بشريك بالعمر كله
************
سؤال وش حيلتك لامن تولعت بانسان
ودك تشوفه وابعدته المقادير؟؟
**************
ياعين نامي والسهر عنك خليه
ماهوب فرضا"لاعشقتي سهرتي
****************
بكيت من القدر وش عاد اسوي
نويت الصبر وخانتني دموعي
***************
أحبك وانت تحكي عن خضوعك لي بكل غرور
مثل من بكى دموع المذله رافع"راسه
**************
أببتعد عنك قدر اليوم ماامكني
ماهوب عيب" يعاف القلب مشهاته
***************
كانك على قولك تمنالي الخير
ساعدني انسى حبك اللي خذاني
**************
بهديك قلب" صار حبك مقره
مليت توزيع المشاعر على الناس
***************
أقبلت مثل اللي يبشر بمولود
واقفيت مثل اللي يعزى بغالي
*************
خلها في القلب تحرق مابقالي
عادتي ماشكي على غيري عناي
**************
نبي نسلى من الحب ونشبنا
عذاب الحب مكتوب" علينا
**************
جرح" مع الايام يلقى علاجه
وبعض الجروح علاجها نزعة الروح
**************
أشتقتلك كثر اللي بكت عينه ليلة الزفة
شاف اللي تمناها تحل لواحد" ثاني

[بنت قحطان]

رد: ابيات مختاره

لاصارت الدنيا ماهي على الكيف
اصبر على ظيم الليالي وقدرها
*************
أشتقتلك كثر اللي بكت عينه ليلة الزفة
شاف اللي تمناها تحل لواحد" ثاني
*****
يـــســلــم ذوووووووقـــك
عـلـى الأبـيـات
الــرائــعــه مـن إنـسـان رائـع
لاعـدمـنا ابــداعـــك ..

يـاجـبـرنــي الــوقــت
اعــذب الـتـحـايــا وارقـهـا

ودمــت بـحـب وسـعـاده....,,

[جبرني الوقت]

رد: ابيات مختاره

ولك بالطبع اجمل امنيات السعاده والفرح بوقتك وللياليك