أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
المقصد من التحديث ان هناك مستفيدين تعافوا من اصابتهم، ويجب ايقاف اعاناتهم، والتأهيل لا ينظر للظروف المادية للمستفيد، ينظر للإعاقة فقط، اذا لا يوجد لديك اي دخل شهري، يحق لك التقديم على الضمان الإجتماعي والإستفادة من الإعانة الشهرية.
حبيت اتلقف بالموضوع
قصد الوزاره تبي تنخل المستفيدين نخل ...طيب لو بدال هذي الحركات ومرمطت المعاقين بالمراكز والمستشفيات لو طلعو فرمان مفاده
يا أصحاب الفئه الغاليه الي فيكم موظف حكومي نعتذرله عن صرف اعانته ونتمناله كل التوفيق ...وانتو يالي بالقطاع الخاص الي يبي يستمر منكم بوظيفته على أنه معاق عن أربعه فالله لا يهينه يروح لتأهيل يأخذ منهم ورقه يوصلها لوزارة العمل ونتمناله هو كمان التوفيق علما بأنه يصير عليه مايصير على اخوه الحكومي وراتبك 4 ولا الف ولا مليووونين مالنا صلاح انت الي تختار يا تتوظف يا تاخذ اعانه ياشطور والله معاكم ....وانتو يالمعاقين يلي ماتبغون وظايف ارقدو وامنو اعانتكم تنزلكم وكل اموركم طيبه ...وانتهت السالفة كلللللل ابوها .....بلاش قطع الإعانات وتقارير وربشه وناس يجون من القرى ومن أماكن بعيده ويتعب خلق الله ويتعب الموظفين...لكن الشكوى لله
سعوديه كول
يعني الي فهمته من كلامك انك ودك تجلسي بلا وظيفه وتعيشي على 800 ريال صح ؟؟؟
لا يا اختي ولو المعاق موظف ليه يستكثرون عليه 800 ريال ؟
وليه فيه حد اعلى للمعاق ؟؟
ويسمونه من ذوي الاحتياجات الخاصه وهم مخلين راتبه ما يتعدا 4 الاف مع التاهيل
اسالكم بالله تكفيكم لنهاية الشهر 4 الاف ريال ؟؟؟ مع زواج وبيت ومهر وقصد سياره وو الخ؟؟
اقسم بالله ماتكفيك الى 10 ايام وانت عايش مع اهلك بلا اجار وبلا مهر و ديون
وجايه بكل جرئه تقول يا تاخذ اعانه يا تتوظف يا شطور
انت ليش حاط عليه الله يصلحك مايمديني اقول شي الا نطيت؟ترى كلامي محد درا عنه بس مجرد أفكار...واحس هذا الي بيصير بالاخير والله انا ماابغى إلا الخير للجميع وبالعكس انا مع كل شي للمعاق وانا وحده منهم بس كنت افكر بأمر اسهل واسرع ومايتعب ...وبنسبه للاربعه آلاف ترا مو بس ماتكفيكم انتو حتى نحنا ..انا الف اخليها على جنب تقديم شغاله والف وخمس ميه راتب شغالتي وخمس ميه أقل شي تنحسب مشاوير سواق يبقى من المليح الف صافي لو نزلت فيه السوق أو شحنت جوالي او عشوه انتهاء بيوم وليله ...عندنا وعندكم خير يعني ...مو فزقه كلامي بس هي خطه لتسهيل المهمه بدال العك هذا والتعب وبالاخير مالنا الا الكلام والي يبغونه بيصير رضينا ولا مارضينا فأقل شي نبي بأقل الخساير هذا القصد..بدال مانحدث هنا ثم نطلع بتقرير لهناك ثم نثبت أنفسنا العمل ثم نطلع مليون مره خلاص هي ورقه من التاهيل للعمل وبلاش غلب و800 الله يعوض على المسلمين
سعوديه كول
كلامك >>> وانتو يالي بالقطاع الخاص الي يبي يستمر منكم بوظيفته على أنه معاق عن أربعه فالله لا يهينه يروح لتأهيل يأخذ منهم ورقه يوصلها لوزارة العمل ونتمناله هو كمان التوفيق علما بأنه يصير عليه مايصير على اخوه الحكومي وراتبك 4 ولا الف ولا مليووونين مالنا صلاح انت الي تختار يا تتوظف يا تاخذ اعانه ياشطور والله معاكم
وش نفهم حنا من كلامك هذا اسالك بالله ؟؟؟؟؟؟
يا تتوظف يا اعانه ؟
يعني معجبك ان صاحب الاعانه يبقى طول عمره على 800 ريال وان فكر يتوظف يرفض الوظيفه لاجل ما تتوقف عليه 800 ريال ؟؟؟؟؟؟
ولو صار مجموع الراتب مع الاعانه 4 الاف ريال بذمتك 4 الاف ريال كافيه تخلي معاق يعيش برفاهيه زي ما يزعمون ان همهم ان المعاق يعيش برفاهيه معزز مكرم ؟ والله ان 4 الاف ريال ماتجي فاتورة جوال واحد فيهم
ويقولو هذولا ذوي احتياجات خاصه ياحبيبي اي احتياجات خاصه وانتم خانقينا خنق ما نقدر نتنفس نفكر ان الاعانه تتوقف من وراكم
انا معي دبلوم كهرب كليه تقنيه ماخليت قطاع عسكري ماطقيت بابه يقولو ممنوع مريض البهاق ما يدخل عسكريه
وعندنا في عرعر وظيفة حارس ويجي عليك مصري مديرك او سوري ويعطونك راتب 3 الاف ريال و دوام مدة 12 ساعه وراحة بس يوم الجمعه ؟؟
وين العدل والحق بحقي انا ك مريض احتسب عندهم من ذوي الاحتياجات الخاصه
اقسم بالله راجعت التاهيل وبلغتهم قلت ياجماعه دبروني او كلمو الامن العام اتوظف عندهم قالو حنا مالنا شغل قلت طيب انا اسمي معاق ومن ذوي الاحتياجات الخاصه بالسجلات عندكم ؟ قالو لي لك عندنا اعانه بس
ورب الكون ان الي قلته صار معي شخصيا واني مسؤول فيه عند الله يوم لا ينفع لا مال ولا بنون
واخر كلامي معك اذكرك ونفسي بتقوا الله واذكرك ان فيه معاقين يمكن يدعون عليك او يدعون عليه
لازم يراقب الشخص نفسه قبل يقول اي كلمه ويمكن يكون احد المسؤولين هنا يدخل ويتابع بصمت يشوف تعليقك انك تقولي يا موظف او اعانه بيقول هذا لقينا احد المعاقين يايد لنا و يوافق على القرارات التسفيه الي اقرينا فيها
تعليق