الضمان ورمضان

[أم البدر]

السلام عليكم--ياليت احد يجاوبني الله يجزاكم خير \هل راتب( الضمان الاجتماعي ) راح يكون في 1 مثل كل شهر وبيزيدون المبلغ\ياليت محد يجاوب بدون مايدري ابي خبر اكيد من اللي جربوا والعام في رمضان كيف نضامهم

[الأسيف]

رد: الضمان ورمضان

أختي الكريمة الخبر الأكيد عند رب العالمين ..

ولو أردتي إجابات من خلال المعرفة والتجربة أنا مستعد ..

وبارك الله فيك ..

[أم البدر]

رد: الضمان ورمضان

معقوله 15شخص دخل موضوعي ماسجل في الضمان-- ارفعوا الموضوع لو بدعوه حلوه

[أم البدر]

رد: الضمان ورمضان

ابن سهل شكرا على تجاوبك معي وياليت تقول اللي تعرفه لاني ابغى اعرف نظام العام كيف لان هذا اول رمضان يمر على طلاقي وتسجيلي في الضمان -والله يسعدك يارب

[الأسيف]

رد: الضمان ورمضان

الضمان بارك الله فيك كل يوم واحد من كل شهر طوال السنة ..

والعام الماضي كان فيه زيادة بمقدار 500 ريال للفرد الواحد ..

هذا اللي عندي إذا ما خانتني الذاكرة ..

بالنسبة للزيادة لا أحد يدري ، هل فيه زيادة هذي السنة وإلا مافيه ..

حتى موظفين الضمان مايدرون ..

وإن شاء الله الأخوان ما يقصرون معاك ..

كل واحد ومعرفته ..

وبارك الله فيك ..

[الأسيف]

رد: الضمان ورمضان

يا أختي الكريمة بارك الله فيك ..

حاولت أتذكر لكن ما استطعت !؟

ولا أدري ضمان شهر شوال السنة الماضية نزل يوم 25 / 9 وإلا 1/ 10

لكن إن شاء الله الأخوان والأخوات يفيدوننا جميعا ..

واعذريني على النسيان ..

[عيسى محمد]

رد: الضمان ورمضان

هلا بك ام البدر

بالنسبه للمكرمه الله اعلم مدري هل فيه مكرمه هالسنه ولا لا
بالنسبه لراتب شوال دائمآ ينزل في بداية العشر الاواخر

[راجي عفو ربه]

رد: الضمان ورمضان

اللهم يامن بيده كل شي ، يا واحد يا أحد ، ياشافي ويامعافي ، اسئلك اللهم بأسمائك الحسنى وصفاتك العلا ان تشفي مرضانا وأن تشفي ابن ام البدر ومرضى المسلمين ، اللهم اننا متوكلين عليك ومفوضين امرنا اليك فلا تكلنا الى انفسنا او الى احد من خلقك طرفة عين ، اللهم اقر عيوننا بشفاء مرضانا ، اللهم اقر عيون ام البدر بشفاء ابنها ، اللهم اقر عيون مرض المسلمين بالشفاء ، انك على ذلك قدير ، اللهم أمين
اللهم صلي وسلم على نبينا محمد وعلى اله وصحيه اجمعين ، والحمدلله رب العالمين

[أم البدر]

رد: الضمان ورمضان

ابن السهل ماقصرت والله يبيض وجهك على المعلومات ؛؛عيسى محمد هذا الجواب اللي ابغاه بارك الله فيك؛؛

[أم البدر]

رد: الضمان ورمضان

راجي عفو ربه الله يسعدك دنيا وآخره والله يسمع منك ويشفي ولدي ومرضى المسلمين انه قادر على كل شي تكفى لاتنسى تكثر هالدعوات الحلوه في رمضان لعل منكم دعوه مستجابه ويشفي حبيبي ولدي (بدر)من الصرع

[ام خالد]

رد: الضمان ورمضان

اللهم اشف مرضانا ومرضى المسلمين

.........

[بنت مكة]

رد: الضمان ورمضان

المكرمه بامر ملكي تنزل اذا جاء والعام نزلت الاعانه يوم 20 رمضان تقريبا يعني كما ذكر الاخ عيسى

[المتفائل]

رد: الضمان ورمضان

نعم اختي مثل ماقال اخوي عيسى دائماً راتب شهر 10
ينزل في بداية العشر الاوآخر من رمضان عشان العيد
اسأل الله العظيم اني يشفي ولد اختي ام بدر وتفرح بشفائه

[أم البدر]

رد: الضمان ورمضان

المتفائل الله يسمع منك وبارك الله فيك

[حزين العين]

رد: الضمان ورمضان

العام نزلت اعانه اول ايام رمضان وجت مكرمه ملكيه وهي 500 ريال لكل فرد من اسرة المستفيد

ونزل اعانه شوال في 25 رمضان ....

هذا الذي اتذكره ..

واسئل الله ان يشفينا ويشفي مرضانا ومرضى المسلمين