حكايتنا والصلب المشقوق

[قلب انسان]

بسم الله الرحمن الرحيم

انا ما احب ادخل منتديات كثير لكن بسبب حالت بنتي ( صلب مشقوق البسيط) صرت ادخل واسجل في اي مكان ممكن يفيدني
وكنتم من ضمن محطاتي الي مريت فيها
الحكايه اللي بقولها لكم
انه من سبع اشهر توقفت عمليه التبرز عند بنتي (3سنوات) وما كانت تتبرز اعزكم الله الا باستخدام الحقن الشرجيه وما كنت اعرف شنو السبب
وتميت اراجع في المستشفى الين فهمت انه مرض الصلب المشقوق البسيط لكن الحبل الشوكي مشدود مع عضمه العصعص علشان كذا ما تقدر تتحكم وتالمها عمليه التبرز
و كانت تمشي على رؤوس اصابعها
و حددو لها موعد اشاعه رنين مغناطيسي وماكان قريب بعد6 اشهر
خلالها ما كنت اقدر اناام ما خليت شيء ما عملته
اول شي توجهت لربي وشكيت له همي في كل سجده وهي دايم بجنبي علشان ارقيها
ثانيا دائما اسمع عن الملفوف ومفعوله فاصرت الف كل جسمها بالملفوف من الصباح الى المغرب
ثالثا دورت عن طبيبه شعبيه واخذت منها زيوت خلطتهم لبنتي وبصراحه ما كنت ادهن بنتي فيه الا وتتبرز الحمد لله
رابعا منعتها من الحليب و كثفت عليها الزبادي بالثوم
و الحمد لله الحين صارت تتبرز يوميا من غير حقن بالملينات بس
و الحمد لله الاشعه طلعت الحبل الشوكي في مكانه
ربي يشفيكم ويشفي اطفالكم
حبيت اني اشاركم فرحتي يارب انك تصلحها وتخليها لي
*

[شمس الضحى]

رد: حكايتنا والصلب المشقوق

ياهلا وغلا فيج أختي بين خواتج

والحمدلله وماشاء الله تبارك الرحمن

عسى ربي يفرح قلبج أكثر وأكثر:)

وأتمنى لبنيتج الصحة والعافية والشفاء العاجل باذن الله.

[ام جنى]

رد: حكايتنا والصلب المشقوق

الحمد لله شي كويس
فعلاً هالشي من اصعب الأشياء