أحـــــــتـــــــرت في وضــــــــعــــــــــي

بسم الله الرحمن الرحيم
السلام عليكم ورحمة الله وبركاته
انا من ذوي الاحتياجات الخاصة واعاقتي عدم توازن حركه
معي بكاريوس شريعه وثلاث دورات
1: تربية شاملة خاصه
2:اضطرابات نطق وكلام
3:التطبيقات المكتبيه ع الحاسب والسكرتيريه
قدمت على جدارة والله ماكتب لي شي
وقدمت ع القطاع الخاص وجتني وضيفة عن بعد ب3000
بس للاسف شهور ينزل الراتب منتظم وشهور لاوالله
وفية بنات بلغوني ان المفروض ان راتبي يكون اعلى من3000
المهم
توجهت لطاقات الاسبوع الماضي ودخلت على الموظفه فقالت الوظائف المتاحة لدي مستشفيات
وبالنسبة للوظائف عن بعد مااقدر ابحثلك فالنظام وانتي اسمك مدرج فالتامينات
وبعدها توجهت لضمان وقدمت اوراقي فقالت الموظفة النظام يتطلب ان تكوني مستفيده من الضمان بس برسل اسمك ويمكن يقبلك النظام ويمكن لا
الان احترت
اخاف افصل من الشركه ومااحصل شركه اخرى
لان فية كذا شركه فصلت موضفاتها بسبب الوضع الاقتصادي للشركه
وجــــــهــــونــــــي

المصدر: الشبكة السعودية لذوي الاعاقة - القسم: توظيف ذوي الاعاقة

وعليكم السلام ورحمة الله وبركاته
لا تفكرين تفصلين وانا اخوك لحد ما تلاقين وظيفة ثانية افضل منها.

يوجد عمل عن بعد براتب شهري 3 الاف

المشاركة الأصلية كتبت بواسطة ابو ناادر

يوجد عمل عن بعد براتب شهري 3 الاف

الله يسعدك انا ابي عند بعد اذا تقدر ساعدني


SM-N9005 السعودية لذوي الاعاقة

الله يرزقك ابحثي ولا تيأسي

في مثل يقول خلك على مجنونك لا يجي أجن منه

ع العموم هالأيام الوضع مايطمن والشركات تبي تقلص عدد موظفيها بسبب الأزمة المالية

ان شاء الله اذا حصلتي وظيفة سنعة ومضمونه توكلي على الله

بالتوفيق