هل استطيع ان احجز من المطار

[مسلم]

مرحبا
بسألكم بالنسبة للمطار هل يوجد فية كونتر لعمل حجز سفر او لازم من الخطوط الجوية
وللعلم ان الخطوط الجوية السعودية ربما تكون في عطلة من اليوم صح او انا غطان
ياريت احد يجاوبني

[فالح عبدالله الهاجري]

رد: هل استطيع ان احجز من المطار

نعم تستطيع الحجز من المطار ولازم بطاقه التخفيض

[فورد]

رد: هل استطيع ان احجز من المطار

اذا كنت تسأل عن كاونتر خاص بالمعاقين فأنه يوجد في المطارات الدوليه يعني في الرياض وجده والدمام بس وكلها مثل قلتها يعني خدمه (اي كلام يا عبد السلام).........
واذا كنت تبي تشتري تذاكر لازم تكون بطاقه تخفيض الاركاب معاك ويكون معاك صوره لها لانهم دايما يقولون ما عندنا مكينه تصوير وهذا الموقف صار علي في مطار الرياض لدرجه اني اخذت اكثر من اربعين دقيقه ادور لأي احد يصور لي البطاقه في وسط المطار ولا لقيت الا بعد ما تعبت وتعنيت عنا ما يدري به الا الله في محل تأجير سيارات في مواقف السيارات في الدور الارضي ( قالوا كلنا في خدمه هذه الفئه من المجتمع ) شعارات واهيه لكن خلها على الله....
افضل شي اذا بغيت تحجز فقط اتصل على (920022222) وقل لهم انك معاق يمكن يحنون عليك ويعطونك الاولويه.ولك خالص مودتي

[مسلم]

رد: هل استطيع ان احجز من المطار

السلام عليكم ورحمة الله وبركاته
ياجماعة الخير
اليوم طلعت الساعه6 صباحاً لمطار الدمام
وتكلمت مع الي جالسين عند الكاوانتر
وقلت ابي احجز قالوا مافي حجز هنا
لازم تتصل وقلت ليهم انا عندي بطاقة معاقة وهذه هي البطاقة لكن لم تشفع لي البطاقة ولم يدخل في قلبهم اي رحمه ابداً
قالوا مافي
بعدها رحت كونتر ثاني ونفس الشي قال مافي لازم تتصل او تروح مكتب
قلت ليهم مليت وانا اتصل قالوا ماندري روح مكتب بس عندنا ماكوا حجز
هل يعقل ماكوا حجز بالمطار