تعال هنا لـتكتب أجمـل بيت شـعـر مـر عـلـيـك

[بنت قحطان]

مــن مــنــا مـــا يــحــب الــشــعـــــر

ابــغــى كــل أحـــد مــنــكـــم يــدخـــل هــذي الــصــفــحـــة
أن يــكــتــب أجــمــل بــيــتــيــن قــرأهــا
أو سـمـعــهــا

أو أجــمـــل قــصــيـــدة

ســـواء بــالــفــصــحــى أو الــنــبــطـي أو الـفـكـاهــي أو الـشـعـبـي0000


واتمــــنى الكـــل يشــــــــــارررك

[بنت قحطان]

أحـب أبــدأ بـهـذا الــبــيــتــيــن
لـلـشــاعــر حــامــد زيـــد

طـبـعـاً قـصـيـدة طـويـلـة
وأجـمـلـهـا بـالـنـسـبـه لــي هــالــبــيــتــيــن

أثر المصايب ما تجيك إلا من الناس القراب
وفي هـالـزمـن حـتى الـخـوي اللي تـثـق فـيـه احـذره

لابــارك الله في رفـيـق تـزعله كلمة عـتاب
ولا جــمــع الله الــرجــــال الـلـي تـفــرقـهـم مــــره

[جبرني الوقت]

بدايه حلوه وممتازه لك اخت بنت قحطان واشكرك على الفكره الحلوه من انسانه راقيه

[جبرني الوقت]

من بد كل الخلق ودي بفرقاك وبكل عزة نفس مابيك مابيك
كان الزمن في يوم ابلشني وياك علي يحرم من خداعه اماشيك
فارقني وافهم كلمتي قلت مابغاك على دروبي شالله اليوم حاديك
فرحي احسه في حياتي بلياك بريال لو تنباع والله ماشريك

[بنت قحطان]

المشاركة الأصلية كتبت بواسطة جبرني الوقت

بدايه حلوه وممتازه لك اخت بنت قحطان واشكرك على الفكره الحلوه من انسانه راقيه

الـشـكـر لــك أخـوي جـبـرنــي الــوقــت
ولا خـلا ولا عـدم مـن قـصـائــدك

[بنت قحطان]

قـصـيـدة الــشـاعــر
خــلــف الـمـشـعــان

<<< أنـــواع الــرجـــااااال >>>

ياكثرهم .. لا قلت لك .. عرفة وجيه
وياقلهـم .. لا قلـت .. قــدر ومـعـزه

رجـلٍ .. تعـزه بعـد ماتلتقـي .. فـيـه
ورجـلٍ .. قبـل ماتلتقـي بـه .. تعـزه

ورجـلٍ .. تـرزه بالمجـالـس مبـاديـه
ورجـلٍ .. فلوسـه بالمجالـس تــرزه

ورجلٍ .. يموت ولا يجيبـون طاريـه
ورجل ٍ .. يجي طاريه في كل حزه

ورجلٍ يهزه .. بعض موقف ويشقيه
ورجلٍ .. مهوب أيّـات موقـف يهـزه

ورجلٍ .. ضعيف .. ويستفزه معاديه
ورجــلٍ .. كــلام اعــداه مايستـفـزه

ورجلٍ .. تلزه يعترف لـك .. بخافيـه
ورجلٍ .. علـى خافيـه .. محـدٍ يلـزه

ورجلٍ .. يوزونه .. ويزعل بنيخيـه
ورجلٍ .. يزعّل مـن يحـاول ، يـوزه

ورجــلٍ تـكـزه لا زم انــك تـوصـيـه
ورجـلٍ .. بليّـا مـا توصـيـه .. كــزه

مــن لا فــرش للمـرجـلـه ماتغـطـيـه
ومن لايخز .. النـاس .. محـدٍ يخـزه

ان كنت تعرفني فهي .. عرفة وجيه
مو شرط لك بالقلـب قـدر .. ومعـزه

[جبرني الوقت]

و لولا الهوى ما ذلّ في الأرض عاشـــــــــق........... ولـكـن عـزيـز الـعـاشـقـيـن ذلـيـــــــــل

[جبرني الوقت]

العشم فيكم فعز جروحي تنسوني
وربي كان انا ظني تجوني قبل اناديكم
ولاكن للاسف بانت وخابت فيكم ظنوني
وهدمتو اجمل احلامي وخيبتو الرجا فيكم
انا ماهمني جرحي ولا همتني سجوني
ولاهمتني ادموع ٍ من الضيقه تناجيكم
انا اللي همني وشلون هذولا اللي يواسوني
عواذل كنت اسميهم حبايب كنت اسميكم ... ؟!

[بنت قحطان]

لبيه ياللي وحدك إن قلت لبيه
يذبحني لبيهك ويذبحني الصوت

وان طاح قلبي ميتـ(ن) فيك خليه
ياحي قلبـ(ن) طاح وياحيه الموت

ما قلت احبك لجل وقتي أسليه
لا والذي نجا نبيه من الحوت

والحب لو هو سر واقدر اخبيه
ماقلت احبك حتى وشفاهي سكوت

لي ناظرٍ ما غير شخصك يمليه
كنك دواي و شوفتك طب منعوت

وان ضاق بالي اذكر اسمك و أغنيه
وأتخيلك علّ وعسى طيفك يفوت

أهواك وهمي كيف قلبك أهنيه
من كثر ما اسمك في هالقلب منحوت

حتى الخطا لو جاني منك أمشيه
وان ما مشى اخلق لك أعذار وثبوت

ويش الذي يخطر في بالك؟؟ و أسويه
لو حتى في وسط البحر ابني بيوت

ياللي البحر لو جا في بالك تحليه
مريت صوبه و امتلى سكر وتوت

لبيه ياللي لو طلبني .. ألبيه
للعاصمة حافي ولو دربه خبوت

لين أندهك ( يا فلان) وتقول: لبيه
وأطيح من طولي ويذبحني الصوت

[mooom2004]

صح لسانك

قالوا أمل قلت الأمل مات بدري اسمي هو الجاني على موت الآمال

[بنت قحطان]

المشاركة الأصلية كتبت بواسطة mooom2004

صح لسانك

قالوا أمل قلت الأمل مات بدري اسمي هو الجاني على موت الآمال

صــــح ابـــدنـــك
mooom
و هـــلا وغـــلا فـــيــــك مــعــنـــا

[بنت قحطان]

قـصـيـدة حــزيــنــة تــعــجــبــنــي كــثــيــراً
لــلــشــاعـــر / سعد بن جزا الميموني

كلن تمنى في حياته أماني
وأنا أتمنى أمنيه إني أموت

مظلوم في دنيا بها الله بلاني
عايش ولكن عايش إنسان مكبوت

عايش يتيم ما عرفت الأماني
غصب علي أنا أقبل الظلم بسكوت

الحظ ضدي والبشر والزماني
بسبابهم همي بدأ يلوتـي لوت

حسره طوت قلبي وحزن طواني
إلين الحزن صار بالصدر منحوت

حتى حبيبي خان حبي وحناني
وحط في فمي علقم وأنا مذوقه توت

خان المحبه وصار شخص أناني
وحرم علي حتى اتصل اسمع الصوت

ما دام صرحي انهدم مع كياني
وش تنفع الصرخه إذا فايت الفوت

الموت ارحم من حياتي أعاني
ولا ظن فيه أرحم علي من الموت

يا سعد قلبي كان موتي لفاني
يا زينها لا صار جسمي بتابوت

يارب حققلي أنا هالأماني
أرجيك يامنجي نبيك من الحوت

ما دام مسموحه علينا الأماني
عندي أمنيه وحده إني أموت




.

[جبرني الوقت]

بصراحه انا مااحب القصايد الحزينه لاكن أبسوي مثلكم في هالرد فقط
يـمــه انـا صـــدري مـن الـهـم ضـايــــــق
ضـلـوع صـدري مـايـشـيـلـن هـمــــــــــــه

يـمـه اريـد ابـكـي واهـد الـخـلايــــــــــــــق
ازريـت حـتـى الـجـو مـااقـدر اشـمــــــــــه

تـكـفـيـن ضـمـيـنـي تـرى الـمـوت سـايـق
يـسـوق روحـي بـيـن لـمـه ولـمــــــــــــــه

يـمـه ابـي فـرقـا عـيـون الـخـلايــــــــــــق
الـلـي تـبـاريـنـي عـلـى كـل يـمـــــــــــــــه

طـفـلـه واخـاف الـيـوم ظـلـم الـحـقـايـــق
اخـاف يـسـقـيـنـي الـزمـن مـر سـمــــــــه

يـمـه بـمـوت مـن الـهـجـر والـشـفـايــــق
دام الـهـوى الـمـطـعـون فـالـعـيـن زمــــه

يـمـه انـا مـابـحـت لادنـى الـرفـايــــــــــق
والـلـه مـاقـهـويـت عـرقـي بـدمـــــــــــــه

يـمـه انـطـعـنـت وجـرحـي الـيـوم فـايـــق
فـي ذمـتـي لااشـق ثـوبـي وكـمــــــــــــــه

يـمـه ابـي اعـرف اذا الـمـوت بـايـــــــــق
هـو بـاق خـلـي مـن عـيـون(ن) تـهـمــــه؟

عـلـمـه لـفـانـي مـن دروب وطـرايــــــــق
قـولـي تـرى حـيـلـي فـقـد كـل عـزمــــــه

يـالـيـتـنـي مـااقـفـيـت بـالـود رايــــــــــق
يـوم ان عـيـنـه تـبـتـسـم لـي بـبـسـمـــــه

يـقـول مـاغـيـرك لـنـا الـعـمـر لايـــــــــق
الـعـمـر راح الـيـوم دونـه مـذمــــــــــــــه

راح وتـركـنـي مـاتـحـرى الـوثـايــــــــق
الـمـوت ضـمـه قـبـل صـدري يـضـمــــــه

[بنت قحطان]

للشاعر محمد الشهري

&&& (( ولو على رقبتي )) &&&

أبد .. ما جيت ابارك لك ولكن جيت باوصّيك=
على اللي ناوي ٍ تدخل بها الليلـه .. مُعذّبْتـي

ترى لولا الظروف اللي عطتْك وحدّت محاكيك=
قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك=
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك=
كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك=
تدللهـا .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك=
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـايرضيك=
لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك=
وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك=
وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك=
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك=
ما يحتاج اورّي لك بفـن الضـرب موهبْتـي

صحيح انك بتملكهـا ومعـك العقـد بالتمليـك=
وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك=
يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك=
تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك=
ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك=
دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك=
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك=
ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك=
أخاف انّـي إذا قلتـه تقـوم وتقطـع رْقبْتـي

[جبرني الوقت]

نفس الغرض
إنّ الهموم اكبر من اللي مفترض ..

وانك وحيد بـْ صحتك أو في المرض ..

وانّ الزمن مدري على إيش طاير ..

وانّ اليقين احيان يخليك حاير ..

وانّ احتياجاتك تلف ابْك وتدور ..

ومهما العمر عدّى ولا هدّى .. و راح

ومهما تجرّعت بزمانك من جراح ..

يبقى الغرض في داخلك .. نفس الغرض !!



إنسان ..!! قلّلي وشهو الإنسان ؟

أدَاة ؟؟ .. آلَة ؟؟ .. تراب .. ؟؟

أو كلمة تعني عذاب .. ؟

أو حلم (مخلوق) انقرض ؟؟



يا إنت .. يا (مثلك) ..
ياكثر حلمك على حملك على مْـتونك ..!

و يا كثر ما غرّت وعرّت بك عيونك ..

متى تحس انّـك :
(تحس انـّك .. خلاص) ..؟؟

ماعاد باقي لك من الواقع خلاص .. !

حتى ولو مليون وياّك اعترض !!


بعض الحزن يا سيّدي يحميك من سذجك

بعض الطهر يا سيّدي أنجس من الغربة

وبعض العذاب افراج .. لو كانه يحَرْجك !!

طوّلت تبحث عن مسا / ما مات في دربه !!


وكل المسامات تمنعك في الآخر :


ومهما العمر عدّى ولا هدّى .. و راح

ومهما تجرّعت بزمانك من جراح ..

يبقى الغرض في داخلك .. نفس الغرض !!

[بنت قحطان]

قالــت ترى مــنت بـحلو قلت رجـال
والـزين ماهـو مـن شـروط الرجـوله

الـزيـن يلـقى عنـد لبــاسـة الشـال
والـرجل زيـن ان كـان زانـت فـعولـه

قـالت عـلامك تـلبس شماغ وعقال
انت بدوي؟ قلت بدوي ومن حموله

ما ألبـس بناطيل لها الوان واشكال
وامـتر الـشـارع بـعــرضـه وطــولـه

قالـت اجـل راعــي معاميـل ودلال
شـرب الـقهاوي تـحسبونه بطولـه

كيفي انا يا بــنــت دلـه وفـنــجـــال
وحلـيـب خـلفـه بالـمـراح معقولــه

وحب الكرم والجود وعلوم الابطال
مغـروس فينـا من زمـان الـطفولـه

قالت تـرى بـنت الـبدو حظهـا مـال
قلت احـذري حـذرا تكوني جهولـه

بنـت الـبدو يابـنت مـضرب للامثـال
فوق الجمال وطاعـة الله خجولـه

هـي مـهرة تصعب على كل خيـال
وانتي ومثلك عـسفهن بالسـهولـه

قالـت تـغزل بي وشف حبة الخـال
ناظر عيــوني والرمـوش الكسولـه

قلت العفو مايـجـتـمع حـب وهبـال
ولـكـل ذوق فـالـمـزايـيــن جـــولـه

قلتـي وقلت وكلمة الصدق تنقـال
الزين ماهـو مـن شـروط الرجولــه

[فالح عبدالله الهاجري]

والكاسب اللي كاسب طاعه الله
ونفسه على مايرضي الله هداها

[بنت قحطان]

المشاركة الأصلية كتبت بواسطة فالح عبدالله الهاجري

والكاسب اللي كاسب طاعه الله
ونفسه على مايرضي الله هداها

صــح الــســانــك
وعـــلا شـــأنـــك

أخــوي فـــالـــح

[بنت قحطان]

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك)


قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك


لا تنصدم من عزلتي حالي مثل : كل الولأ
عندي سبب : ما تستحق إنِّي أجيك و أوصلك؟


لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !


هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك !


ناديت لك ياما .. ولا لبِّيت لي , وضاع النداء !
مبحوح صوتي والصدى من كثر ما ناديت لك !


أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..


ما كنت لي الداء وأنا ما كنت لـ جروحك " دواء " ..
ما عشت في دنياي لي !! عايش ولكن عشت " لك " !


علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!


علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !


علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !


ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !


ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!


ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !


لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !


إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !


قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركز على مستقبلك....

[بنت قحطان]

يابنت في قلبي كلام مخفيه
عيبي صريح وكل شخص وعيبه

أنتي سألتي بس ماقلت لك ليه
عندي إجابه والإجابه صعيبه

يعني ماعرف أكذب على شأن اسليه
قلبك واقول أنك لجرحي طبيبه

ما اقدر امثل دور عاشق وامشيه
حب مزيف ماقبله ويش لي به

أنتي فيه مير قلبي ومافيه
أنه يحب وواقفن له نصيبه

يابنت أنا حبيت والحب تاليه
خل ذبح قلبي وقفى غصيبه

خيم بوسط القلب من نظرتي فيه
ومن بعدها نوم العرب مااهتنى به

أفز وادمع لالفى البال طاريه
والشوق في قلبي تزايد لهيبه

من كثر ماحبه جروحي تناديه
تشهد على حبه دموع سكيبه

لاتزعلين أن قلت أنا ميت فيه
وكل المشاعر بالغلا تعتبيه

لو هو بكيفي كان قلبي لك أهديه
واقول أحــبــك وانتي اوفى حبيبه

أبا أسألك لو كنت كاذب واجاريه
حب بدى بالكذب وش ينتهي به

يابنت أنا قلبي كذا وين اداويه
يرفض غلا بالكذب مايلتهي به

روحــي عـسـى ربـي فؤادي يهنيه
وتلقين حب صادقن تـهـتـنـي به

دمع الحزن عن محجر العين كفيه
يمكن مع الأيام ربي يجيبه

عندي مثل في بيت دايم أغنيه
(مـصـيـبـتـن ياكبرها من مصيبه)

>>اللي يبينا عيت النفس تبغيه
واللي نبي عجز البخت لا يجيبه<<