يكفي هذا الانجاز والخير قادم ان شاء الله

بسم الله الرحمن الرحيم

الاخوه الاخوات الكرام

اولا احب اوضح عده نقاط ويكون الكثير بالصوره .. للاسف هناك مجموعه اتضح انها تعارض توجهات المنتدى

اولا نفخر ان هذا المنتدى الشعبي الاول لذوي الاعاقه ونبض الشارع
انت تريد وانا اريد والله يفعل مايريد

البعض يريد تغيير احوال ذوي الاعاقه
معه حق بس معه حق لو كان فيه منبر نتكلم منه

ماهو اجمع صالح من جده وفالح من الدمام وسعيدان من نجران ومحمد من الخفجي
واقول تعالو تعالو صفقو معي انا اللي بحرر القدس وانا ابي احل الامور

ياخي او ياعالم الموضوع ماهو سهل تجمع المعاقين اللي مايقدر واللي طايح على سريره اضف الى ذلك امورنا الخاصه
يالنخاع الشوكي مايحتاج اطرحها هنا خلوها بينا بين


حنا ببلد تتجمع او تطول صوتك مالك شئ وسياسه الكثير من الحكومه الشيوخ ابخص يعني اعرف مايحتاج تعلمنا
اعترف بالتقصير منهم وليس منا
وصلنا الى الاعلام ومحد له عذر يغمض عيونه عن الاعلام
وصوتنا وصل ولكن لاصدى الله

مالعمل هل نضرب الارض ونخرج الماء
هل معنا عصا سحريه او قدره الاهيه

حنا بشر بشر اعرفو حدك يالادمي لاتتكبر وتتغطرس
وقت مضى قبل سنوات من عام 1421 صدر مجلس المعاقين الاعلى
وكل صحفي كلمناه وصحفيه وقناه تلفزيونيه وعملنا لقاءات مطوله بالجرايد
ولا يمنع ان نتواصل مع الاعلام لانه واجهه البلد وصوتنا الى من يهمه الامر
ممكن مع كثره التكرار يلين قلب المسئولين

اجتمعنا بمدينه الامير سلطان الانسانيه والكثير من الاخوه والاخوات حضر
وكان يوم تاريخي استبشرنا منه خير وبعدها صدرت توجيهات الامير ال29 في شهر ربيع اول عام 1429 هـ
وللاسف لم نرى شئ كلها قرارات زي ماقال زمان الوفى قرارات مؤدرجه يعني بالادراج

اهم شئ اجتماعنا على خير وبالنسبه للرسايل الخاصه بعضهم يقول انها مراقبه وليه ومالسبب
اولا انا كنت مالك الموقع ومؤسسه وكنت مقفل الخاص نهائي
وبصراحه تعبت يجوني الاعضاء يافالح نبي ايميل فلان والبنات يافالح هات ايميل فلانه
اضف الى ذلك انشغالي عن المنتدى

فقررت التنازل عنه بشرط لمعاق
جاء الاخ تميم وطور المنتدى وحنا اخوه قبل وبعد فالحمدلله بالنسبه لي ارتحت لان اداره المنتدى ماهي سهله وامانه
الاخ تميم لاازكيه على الله رجل يخاف الله
طبعا حنا نتشاور يالاداره في اكثر الامور

الخاص صار بمراقبه الاداره يعني للاشياء المهمه مثل بنات يبون عناوين بعض
او شباب يبون ارقام بعض او ايميلاتهم المهم انه للاشياء الخاصه

صدقوني الذمه مشكله لابد الانسان يبري ذمته ماهو سهل تفتح التراسل ويتم التعارف وينقلب الجد الى حركات نص كم
هنا يتحمل المالك اثم وسئيات الاعضاء والقبر مايسكنه شخصين وحنا عارفين هالشئ فيه امور لابد ان ينقي الانسان منها الانسان العاقل طبعا

الله يتوب على المسلمين والمسلمات ونحن سايرون في طريقنا وسياسه المنتدى واضحه
إيصال الانين الى المسئولين وجمهور الاتحاد يقول ياكلك حبه حبه
وحنا بناكل الحكومه حبه حبه بس اهم شئ الصبر
متى ماحصل مجال قضيتنا واضحه والمستندات موجوده محفوظه للزمن والتاريخ بالمنتدى وقوقل يشهد على كل شئ

بالنسبه لمن اراد التقدم لااحد المسئولين ماعليه الا يطبع الاوراق ويقدمها من المنتدى ويقول هؤلاء الاعضاء من ذوي الاعاقه انظرو الى معاناتهم مايحتاج
تعب للاعضاء لاننا معاقين واذا استدعى الامر للحضور نختار من المنتدى الاقربون الى الوزاره الملمين بمعاناه المعاقين ويقابلون المسئول

واهم شئ اننا بمنتدى الاسره الواحده والبيت الواحد
والاتفاق والاتحاد والتعاون والوحده تجيب النصر ان شاء الله

المصدر: الشبكة السعودية لذوي الاعاقة - القسم: الملتقى العام

اخوي فالح
انشهد انك رجل من صلب رجال

افعلوا ما تقدرون عليه.. والنتيجة عند الله. لكن أملنا كبير في الله.. وعشمنا كبير فيكم.. وسيروا علي بركة الله

كتب الله سعيكم

ماعليك زود ياعبدالرحمن
الحمدلله الامور طيبه وليكن شعارنا اننا متجهين الى الافضل ونبعد عنا النظره السوداء

اقول هالكلام لي وللغير
مافي داعي نحمل بعضنا التقصير والتقصير واضح من الجهات العليا والله كريم
حنا معهم بالاعلام والشئ ذمه اذا طلعنا اللي بذمتنا الى ذمتهم هذا الانجاز
لاننا بشر والمتصرف هو الله سبحانه وتعالى
شكرا لك

يافالح ياولد ابوي المؤمن القوي خير من المؤمن الضعيف

وانتم ماقصرتوا في سبيل ايصال مطالب هالفئة الغالية علينا كلنا وانا واحدن منكم

وانا مالي غير يومين مسجل شفت ماشاء الله جهد جبار في المنتدي وناس يحبون الخير لبعضهم البعض

يعطيكم العافية

لاننسى مقابله الاخ يحيى الزهراني بمهرجان الجنادريه للملك عبدالله
بعدها بمده قليله تمت زياده الاعانات الى الضعف

والحمدلله كلنا اخوه وطريقنا واحد

الله يصلح الامه ويزيل الغمه اللهم آمين

ندعو الله عزوجل بأن تتحقق الاماني لكل متمني الخير
والصبر جميل
لكل مطلب فرح ولكل ضيقا فرج

اخوي فالح اسال الله ان يجعل كل ماتقوم به في ميزان حسناتك
ومثل ماتفضلت كثره التكرار لابد بحول الله انها تلين القلوب وتحقق المطلوب
وانت ماقصرت ولا راح تقصر , لكن ونا اخوك الغيب مايعلمه الا الله سبحانه
الاهم ان الانسان يسعى ويجتهد ويتوكل علي الله ولا يدخل اليأس قلبه
وإن شاءالله انها غير تجي الفرصه وعلى اهون سبب وتقابلون اعلى سلطه
وتتفعل كل القرارات التي صدرت ويمكن تصدر قرارات جديدة لصالح الجميع
مافيه شي بعيد علي رب العالمين ..
لكن الصبر ثم الصبر ولا تلتفت لبعض الكلام
ولا ترد عليه .. انت منت مسؤل وعندك سلطه يوم يعاتبونك فديتك..
اعذرني علي الاطاله ...
لكن اقل مايقال بحق انسان مثلك ومن حموله طيبه
ونعم .. وبيض الله وجهك

رشه شكرا لحضورك
الاخ معاند
ووجهك ابيض ياخوي وماعليك زود
اليأس ماهو في قاموس حياتنا يالمنتدى الاعضاء الحمدلله
ولكن هناك الصبر الصبر
والامر قضاء وقدر يالله لك الحمد والشكر
شكرا جزيلا لك يامعاند الزمن

استمر في عطائك ياأخ فالح
وصدقني مايضيع حق ووراه مطالب بس يبي الصبر والاصرار
الله معاك ومع الاخوان وربك راح يفرجها

الاخت نوال الله يوفق الجميع
شاكر لك ردك