مـطـلـوبـيـن هـنـا

السلام عليكم

كيف احوالكم جميعا عساكم بخير يارب ..

احتاج منكم ارقام مندوبين او ارقام محلات تفصيل كراسي بالشرقية ولو يكون كرسي (إيتاك) يكون افضل

انتظركم الله يسعدكم

المصدر: الشبكة السعودية لذوي الاعاقة - القسم: الاجهزة التعويضية

وعليكم السلام و الرحمة .. أخي مايباخ

والله مثلك ودي أشوف مندوبين و محلات هنا بالشرقية توفر لنا احتياجاتنا من الكراسي وغيره مثل محلات شارع الضباب بالرياض، بس للأسف اللي نشوفه في الخبر او المحلات القريبة من مركزي الدمام خدماتها للأسف فاشلة و بقوة. ما أحد منهم متخصص أبداً. وفوق هذا كله، الاشياء اللي يبيعونها يتضربون وبطمع بالأسعار فيها بشكل مبالغ حتى لو ما كانت تكلفهم الشئ الكثير من منتوجات صينية وخلافه، فــهَمُّهُم الأول و الأخير أكبر قدر من الربح وبأسلوب خاطئ.

عموما أخي مايباخ كنصيحة .. انت تفضل ايتاك، وفيه اللي افضل منها، طيب نعمل مقارنة بين ما توفره ايتاك هنا:
منتوجات ايتاك

وبين ما توفره الشركة الاميركية/السوسرية ، انفيكير/كوشال:
هنا منتوجاتهم
وعن تجربة شخصية كان عندي كرسي من هالشركة وعاش معي قرابة 7 سنوات، مع العلم كنت كثير التنقل و السفر. واتمنى أمتلك مرة ثانية منتج من عندهم. ولو تلاحظ يوفرون كل شئ من مواد التصنيع سواء كربون او المنيوم او تيتانيوم وهي اجود و اخف مواد تصنيع للكراسي.

عليكم السلام اخي علي محمد ..

أنـا مو قصدي افضل إيتاك على غيرها لكن انا مالي خبرة بالكراسي لانه من اول الإصابة وانا استخدم كرسي تشيكي متوسط الجودة وللأسف لي كم سنه ابحث عن كرسي مناسب لكن ماحصلت من يدلني أو بالأصح مالي خبرة بالإختيار !!

شاكرلك المشاركة الطيبة وراح اشوف الموقعين ولي عودة ..

وعليكم السلام ورحمة الله وبركاته

ياهلابك اخوي هاني اسال الله ان تجد من يفيدك

موفق ان شاء الله تجد مبتغاك

مامعكم الا شارع الضباب في الرياض فيه شركة ماذكر اسمها على نفس امتداد الشارع ويفصلون على حسب مطلوبك


تـ ح ـياتي ..