كثر الحسد واهل النمايم والانجاس ..

السلام عليكم ورحمة الله وبركاتة


قصيدة كثر الحسد واهل النمايم والانجاس للشاعر سـلـيـمـان بـــــن شــريـــم رحمه الله

البارحـه مـا ذاقـت النـوم عيـنـى
هـم ٍ بتنجيـم ٍ وفـكـر ٍ بهـوجـاس
واصبحت من عقب السهـر والونينـى
جسـم ٍ برمـة مجـرم ٍ بيـد حبـاس
وصبـرت ليـن الصبـر بيـح كنينـى
ولا شفت لى من جملة الصبر نومـاس
شابت عـوارض لحيتـى قبـل حينـى
وقنعت من عقـب الفوايـد بالافـلاس
مـن شـوف دنيـا تجهـر الغافلينـى
ترفع ذنـب وتطمـن المتـن والـراس
تبدلـت هـرج الـعـرب بالرطيـنـى
وقامت تبدل لى علـى سبعـة اجنـاس
رخص الحصـان ورخصـوا الطيبينـى
وغلى الحمار وما اشتبه به من النـاس
قـام الـردى يدحـم بجنـب ٍ متينـى
ولد الحموله قام يمشـى مـع السـاس
وقـل الرفيـق وقـلـوا الغانميـنـى
وكثر الحسد واهل النمايـم والانجـاس
وشان الزمان وشان وجـه الضمينـى
وتغيـرت كـل الطبايـع والاجـنـاس
وصار الحـلال مـع المـره والدوينـى
وكثـرة تجايـره بقصديـر ونـحـاس
المرجلـه نسخـت مــع المارتـنـى
وتعوضوا عنهـا بخوصـه ومكنـاس
الذيـب جـاع وكـل ثـور ٍ بديـنـى
والحر برقـع وابـرق الريـش فـراس
صار الصديـق هـو العـدو البطينـى
يشرف عليك ويصبـح الصبـح بـلاس
ذل الجسـور وكـل حــد ٍ سنيـنـى
وتكشيف عرض الناس هو سهمة الناس
خليـت كفـوف مدلهيـن الحزيـنـى
اللى تورثهـم شعـر سـاق حسـاس
راحــت ادروب الــود للمفلسيـنـى
شرابـة المصفـاة طباخـت الـفـاس
والختـم صلـوا ايـهـا السامعيـنـى
صلوا على المختار مـا هـل رجـاس


مما راق لي

المصدر: الشبكة السعودية لذوي الاعاقة - القسم: شعر وخواطر

الله يعطيك العافيه يااخوي ررررررروعه
الله يرحم شاعرها ويعلى شان ناقله

وشان الزمان وشان وجـه الضمينـى
وتغيـرت كـل الطبايـع والاجـنـاس


قصيده رائعه ومعبره
يعطيك العافيه
لك كل التقدير

صح لسان شاعرها

وعلا شان ناقلها

مرحبا ومسهلا بكم نورتم

بارك الله فيك..

آخي المحترم ؛سفير قحطان؛
قصيده وآبيات رائعه ومعبره للآسف
عن واقع الحياه
نسأل الله اللطف والهدايه لنا آجمعين
تقبل مني
إحترامي وتقديري؛

وعليكم السلام ورحمة الله وبركاته

اللهم صلى وسلم على سيدنا محمداً

الله يرحم الشاعر وموتى المسلمين
ويعطيك العافية اخي سفير على حسن الأختيار

هلا فيكم جميعا اسعدني مروركم