ابغى مشورتكم

السلام عليكم ورحمة الله وبركاته

اود ان اعرف ااالطريقة التي يتقدم بها للامارة او الصحة لاجل العلاج على حساب الصندوق الخيري لمدينة سلطان

علما ان مدينة سلطان سلطان قالت لابد من امر للعلاج عن طريق الصندوق

المصدر: الشبكة السعودية لذوي الاعاقة - القسم: أوامر العلاج

وعليكم السلام ورحمة الله وبركاتة اختنا/ بصمة تميز

(( لم اتعالج بها )) ولكن لي صديق احضر الأمر من

مقام امارة الرياض .... وبقي اسبوع حتى ظهر اسم اختة

اللي هو قدم لها ..... هذا الكلام من سنتين....

ولا اعلم هي تغير نظام القبول ام لا .....وفي ناس ترسل اوراقها

وتقاريرها بالفاكس لمدينة سلطان واذا تمت الموافقة يصبح العلاج

على الصندق الخيري داخل المدينة نفسها ..... هذا اللي عندي

والله اعلم ...... وياريت يدخل اخونا عيسى شاعر المنتدى او اخونا

محمد العمري ..لأنهم سبق العلاج لهما بمدينة سلطان وكذلك الأخ عيسى

مؤجل عملية له الى هذه الأيام ....وهم يفيدونك اكثر ....والله اعلم

وفالك التوفيق اخت / بصمة

جزيتم الجنة اتمنى احديفيدنا بهذا الخصوص لاني تايهة مو عارفين

اولاد وبنات الحلال كثيرين ... ماتغيب الشمس اليوم الا والخبر والحل

عندك بحول الله ...لكنني مركز على عيسى ومحمد لأنهم تلقوا العلاج

فيها .... ويجيكي خبر بحول الله ..... اصبري

وعليكم السلام ورحمة الله وبركاته
صباح الخير اخت بصمه

عندك طريقين للعلاج بمديمة سلطان

الاول: عن طريق وزارة الصحه
والثاني: عن طريق الصندوق الخيري لمدينة سلطان

وكلاهما لديهما مكاتب بنفس المدينة بامكانك التقديم هناك
واصطحاب نسختين من جميع التقارير الطبيه للمريض
وتقديمها والحرص على المتابعه

لان بعض الموظفين في بلدنا المصون اهتمامه غير
وما ينجز بيوم ينجزه باسبوع على الاقل

ملحوظه:

الصندوق منذ التقديم الى ان ياتيكم امر العلاج ان لم يكن هناك واسطات الله يفكنا منها
بياخذ ما لا يقل عن الستة اشهر وهذا حصل مع احدى العضوات عندما قدمت اوراقها لهم

اما وزارة الصحه فحسب متابعة صاحب الطلب
وممكن ان يحصل على الامر خلال اقل من شهر

ارجو ان اكون افدتك واي خدمه تحت امرك

المشكلة انهم وافقوا على الامر وعطونا خطاب وقالوا راجعوا نتم وروحوا للامارة او وزارة الصحة لكن مانعرف وشي الا دارة التابعة

اذا انتي خارج الرياض ترسليلهم فاكس على المدينه وهم يحددون لك موعد مقابله
رقم المدينه015620000كلميهم واستفسري منهم

انا عن نفسي اتعالجت قبل سنه فيها
ارسلت برقيه لمكتب الامير سلطان الله يرحمه وجاني موعد كشف
واخذو مبلغ على الكشف ما اذكرو بعدين يعني شهرين ثلاثه جاني موعد على التنويم


أسأل الله ان ييسر امورك ...

رحنا لهم وكشفوا وعطونا خطاب قالوا راجعوا الامارة اوالصحة

طيب ليش ما قالوا عن طريق الصندوق الخيري وبس بدال هالحوسة كلها

بس المشكلة وش الادارة وحنا مستعجلين با الموضوع لان التاخير مو من صالحنا

اختي بصمة
اللي اعرفه عن امارة الرياض
تروحين لمقر الامارة
وتسالين عن مكتب اوامر العلاج
وتسلمينهم التقرير الطبي عن الحالة
لو قديم مع معروض لطلب العلاج
يكتب الموظف خطابك بالصيغة اللي تكتب فيها
الخطابات للمستشفيات المتبعة عندهم
بعدها يرسلك ع مكتب لطباعة الخطاب
بعدما يوقع عليه الموظف الاول يقول روحي
سجلي الخطاب بالصادر
اذا سجلتيه تاخذي الخطاب معك
وتتجهي للمستشفى الموجهه اليه
كل الشغلة ساعة او اقل

الخطاب اللي قالوا لك مدينة سلطان
وش مضمونه طلب موافقة على علاج ؟
ااذا يبون موافقة انا من رايي تروحي
للامارة لان اجرائاتهم جدا سريعة
اسأل لله الشفاء لمريضكم

ال

خطاب اللي قالوا لك مدينة سلطان
وش مضمونه طلب موافقة على علاج ؟

اية طلب علاج على حساب وزارة الصحة

امين ياارب العالمين