الاحصائيات المتقدمة

تقليص

إعـــــــلان

تقليص
لا يوجد إعلان حتى الآن.

موضة الزواج من الخارج !

تقليص
موضوع مغلق
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حجم الخط
    #1

    موضة الزواج من الخارج !

    موضة الزواج من الخارج !


    السلام عليكم ورحمة الله وبركاتة


    بصراحة ما دعاني لكتابة الموضوع هو زواج شباب اناس اعرفهم من معارفنا واقاربنا من الخارج وهذا زواجهم الاول ! لا يعانون من مشاكل صحية



    او مادية ! تفاجئت بللي حصل !



    وقلت لية وش ينقص بنات بلدهم ياخذون منهم !



    حاولت القي تفسير للي صار مالقيت ! قلت يمكن يحسبون الاجنبية اقل تكلفة ووان السعودية ماتصبر ولا تتحمل وتكلف زوجها مالا يطيق !


    وانتم وش رايكم!


    اللهم ارحم والدي واغفر لة واعف عنة .. اللهم اوسع مدخلة وانس وحشتة وتقبلة واسكنة فسيح جناتة




    بصمة فتاة سابقا


  • حجم الخط
    #2
    رد: موضة الزواج من الخارج !

    وعليكم السلام ورحمة الله وبركاته

    انا بارد عليك اختي بصمة برد يمثل شخصي فقط مممكن اصيب في بعض الشي واخطي في

    البعض الاخر ،،

    ويمكن اكون منطقي في بعض النقاط وصريح وعادتي لا اجامل او اكذب في هذه الامور واعيد

    واكرر هذا الراي يمثلني فققط ،،

    النقطة الاولى / المهور خارج المملكة ارخص بكثير من بناتنا واقصد ( سوريا فلسطين لبنان المغرب تونس الجزائر مصر )

    السعودية تقولون صاحبة دين وحشمة اكيد من بنات الدول هذي من تكون صاحبة دين واخلاق .

    وفيه الغير محترمات موجودين بكل مكان .

    النقطة الثانية / الزواجات ومراسم الزواج ممكن تكون مختصرة وممكن عائلية في بعض الاحيان

    والبهرجة والفشخرة عندنا اخذنا المركز الاول فيها مع الاسف ،

    النقطة الثالثة / وهي موجودة بمجتمعنا وهي سبب في عزوف الشباب عن الزواج وهي ( انت لبنت عمك وبنت عمك لك )

    احد الاشخاص اعرفه طلق زوجته بالسبب هذا يقول كانها عمي بس بدون شنب هههههه ليش الافتراء

    هذا من الاباء واولياء الامور .

    النقطة الرابعة / اللي ماانزل الله بها من سلطان وهي موجودة عند البعض مع الاسف (( يتزوج من

    دون نظرة شرعية )) ليه طيب باخطبها من السوق يعني عشان تمنعني اشوفها من البيت الخطبة

    يعني تبيني اتزوج بنت سكر في ماء سلامات .

    النقطة الخامسة / واعذروني عليها ومتاسف اني ذكرتها ولكن والله لو ما اتزوج ما تزوجت بنت

    فيها هالصفة (( اللي تلبس برقع عن زوجها واخوانها)) واعرف صديق تزوج وطلق بالسبب هذا

    وتزوج من بنات الشام بعدها ،

    عادة فرضوها الناس وحللوا بكيفهم واعابوا بكيفهم عيب حرام مدري ايش هذي غير مقبوله بتاتا ،

    النقطة السادسة / شروط بناتنا واهلهم كثير (( الزوج يبي يتزوج يستقر ويبي يرتاح ويريح راسه

    واذا جاء يتزوج بدات ابي مهر وقدره وابي شغالة وابي بيت مستقل وابي اكمل دراستي وابي

    وابي )) يجي الواحد يحسبها في راسه يقول الاجنبية احسن ولاتكاليف ولا وجع راس وين ماروح

    رجلها على رجلي جمال واخلاق ويابلاش ومثل ماهو يبي يستر ويعف نفسه هي نفس الشي

    لكن فيه مقوله او عذر نسمعه دائما (( ماتزوجته الا داخله على طمع )) لا والله ماتزوجها الا ماله

    ومال وجع الراس صار تكلفة الزواج عندنا معجزة من مهر وحفله وسيارة وشقة واثاث الا طالع

    عليه الزواج بثلاث مية الف يجلس يسدد بالقروض لين يشيب راسه وما ادري هل البنات يقدرون

    ويحسون بالشي هذا او لا ؟؟

    النقطة السابعة / التربية للأبناء والبنات ونشوف مناظر مقززة في الاسواق من لباس واحتشام

    بعض البنات من التبرج والسفور ولسانها اللي اطول منها وايضا الشباب لهم وعليهم نصيب

    من كلامي (( يعني الواحد يشوف هالاشكال ويقول الله يستر لا اتزوج لي وحدة من هالعينات ))

    اما المحترمين من الشباب والبنات فهم على راسي من فوق ،،

    النقطة الثامنة / بعض البنات تتزوج ماتعرف تصلح براد شاهي ولاتعرف تطبخ حبة رز وهذي

    احمل مسؤليتها امها اللي اهملتها لين تزوجت او ممكن تعنس بالسبب هذا وكل اتكالها على

    المطاعم والاكل من برى ،

    والاجانب يصلحون سفر طول بعرض وشغل بيت فالواحد من الشباب يعمل مقارنه وتفوز الاجنبية

    في النقطة هذي ولا اعمم على الكل ومن البنات من تبيض وجهها ووجه اهلها قدام زوجها ،

    هذي النقاط تمثلني فقط لا اقصد بها احد بعينه سواء من الشباب او البنات او اولياء الامور

    ان اصبت فمن الله وان اخطأت فمن نفسي والشيطان ولكل حريته في ابداء رايه من دون خدش

    للحياء واساءت الالفاظ للغير متأسف جدا على الإطالة شكرا لكم جميعا ،،
    سبحان الله والحمد لله ولااله الا الله والله اكبر ،،

    تعليق


    • حجم الخط
      #3
      رد: موضة الزواج من الخارج !

      هذا موضوع مهم فعلا لان الشباب يتخذونه موضة دون أن يعرفوا
      آثار الزواج من أجنبية واصابع اليد مو وحدة لكن يظل نجاح الزيجات ببنات البلد أكثر نجاحا واستقرارا لأن للأجانب فكرا آخر وتقاليد أخرى ونشأة مختلفة تماما عنا كل الاختلاف

      اللهم ارحم والدي واغفر لة واعف عنة .. اللهم اوسع مدخلة وانس وحشتة وتقبلة واسكنة فسيح جناتة




      بصمة فتاة سابقا

      تعليق


      • حجم الخط
        #4
        رد: موضة الزواج من الخارج !

        الرسول صلى الله عليه وسلم قال (( من ترضون دينه وخلقه فزوجوه )) حنا مسلمين ما انطبق
        هالحديث على السعوديات او الخليجيات فقط الحديث صريح وواضح ينطبق على السعوديات وغير السعوديات الرسول صلى الله عليه وسلم قاله لأمته ككل ممكن يكونون المان فرنسيين امريكان شوام سعوديين خليجيين وتذكري ايضا قول الرسول عليه الصلاة والسلام (( لافرق بين عربي ولا اعجمي الا بالتقوى )) ولك ان تربطي بين الاحاديث السابقة وبين الزواج من الاجانب ،
        سبحان الله والحمد لله ولااله الا الله والله اكبر ،،

        تعليق


        • حجم الخط
          #5
          رد: موضة الزواج من الخارج !

          لو لم يجدمن تقبل بة لكنت اقول يتوكل علي الله لكن لايوجد مانع صحي او مادي ! اذا كل شاب فكر ياخذ من برى مين يتزوج من بنت البلد !وللي يبي الستر يخرج عن اطار القبيلة

          اللهم ارحم والدي واغفر لة واعف عنة .. اللهم اوسع مدخلة وانس وحشتة وتقبلة واسكنة فسيح جناتة




          بصمة فتاة سابقا

          تعليق


          • حجم الخط
            #6
            رد: موضة الزواج من الخارج !

            انا ذكرت بعض الاسباب اللي اشوفها مانع او بالأصح حد بين الزواج من السعودية تكلمت كوني

            رجل ،

            فهل ممكن انك تذكرين اسباب عنوسة البنات وطلاقهم وعدم زواج ابن البلد منهم كونك بنت باللي

            تشوفينه ،

            كيف جت النسبة الخرافية للمطلقات والعوانس بالمملكة ؟؟ ماسألتي نفسك وحاولتي تجاوبين ،،
            سبحان الله والحمد لله ولااله الا الله والله اكبر ،،

            تعليق


            • حجم الخط
              #7
              رد: موضة الزواج من الخارج !

              [b]الا سالت نفسي وما انكر انة فية طلاق وعنوسة بس المجتمع كلة يشترك با الاسباب للي ادت للطلاق والعنوسة ويتحمل البنت والولد الاسباب وليست علي الفتاة فقط . بس مو عذر علشان يطلع برى[/b]

              اللهم ارحم والدي واغفر لة واعف عنة .. اللهم اوسع مدخلة وانس وحشتة وتقبلة واسكنة فسيح جناتة




              بصمة فتاة سابقا

              تعليق


              • حجم الخط
                #8
                رد: موضة الزواج من الخارج !

                تقولين في تعليقك السابق (( لو لم يجد من تقبل به )) لكنت قلت توكل على الله ..

                ولا يوجد به مانع صحي او مادي ،،

                كل الكلام السابق مابعد اقنعك طيب مااختلفنا ،،


                الحل عندي تبون الشباب مايتزوجون من برى الحل عندي (( ليش ماتتزوجون بدون مهور))

                يعني اي شاب يتقدم لاي بنت وصار فيه توافق تقولون الله يحييك بدون مهر وبدون شروط

                توكلنا على الله وتتزوجون من بعض وتقتلون شي اسمه عنوسه ولا يبقى في الدنيا عانس

                ماهو زوجك وابو عيالك سواء بمهر او بدون مهر ، والزوج يعيش مع زوجته احلا عيشه لا

                ديون ولا قروض ولاشي عليه هذا الحل الاول ،،


                الحل الثاني

                ' انتوا الان تستعيبون وتستنكرون على الشباب اذا تزوجوا من برى '

                لو افترضنا ان الاية انقلبت (( مثل اللي صاير بالهند )) الحرمة هي اللي تدفع المهر وتتحمل

                كامل مصاريف الزواج من الألف للياء وتتدفع دم قلبها وتطلع قرض وتقصد سيارة عشان

                تغطي تكاليف الزواج السؤااااااااااااااااااااااااال ؟؟!!

                هل بتقدرون تتزوجون وتفتحون بيوت او لا ويكون لكم فرص ببلاش للزواج من دول أخرى

                وش بتختارووووووووووووووووون ؟؟


                خلاص تبون الزواج والستر فكروا فيها من النقطتين هذي وكل بنت تحط نفسها مكان زوجا اللي

                جاء يخطبها وحن يالشباب بننتظر ردكم ؟؟
                سبحان الله والحمد لله ولااله الا الله والله اكبر ،،

                تعليق


                • حجم الخط
                  #9
                  رد: موضة الزواج من الخارج !

                  [b][size="6"][color="navy"]ما حد يتزوج بدون مهر لية وين حنا ! وانا معك بتخفيف الشروط والمهر . وانا اسال ليش تحللون لانفسكم الزواج من برى وبنت البلد لو تاخذ من برى قومتوا الدنيا وقعدتوها يعني حلال عليكم وحرام علي البنات !

                  اللهم ارحم والدي واغفر لة واعف عنة .. اللهم اوسع مدخلة وانس وحشتة وتقبلة واسكنة فسيح جناتة




                  بصمة فتاة سابقا

                  تعليق


                  • حجم الخط
                    #10
                    رد: موضة الزواج من الخارج !

                    شوفي اختي بصمه انا برد عليك برأيي ورأيي يحتمل الخطأ والصواب

                    انا اقول والله اعلم

                    ( وانا اتكلم عن البعض )

                    انه ممكن يكون السبب كثر الكلام اللي يسمعه علي بنت بلده انو مهرها كثير ويبون زواج كبير ووو .. فشخره زايده علي قولتهم
                    فحب يختصر علي نفسه ويتزوج من برا ( برضو من اللي يسمع انو مهرها قليل وترضي بالقليل )

                    لكن لو سالتيه دورت ؟؟!

                    بيقولك لا وليش ادور بنت بلدي ماتبي الا كذا وكذا ....الخ
                    طبعا يسرد عليك الفكرة المتأصله بعقله ..

                    لو فرضا سألتيه دورت .. ؟؟ وقالك ايه
                    وبدأ بعد يسرد عليك نفس الكلام وانو بيروح برا ارخص وازين ..
                    طبعا تكتشفين انو ماطق الا باب والا بابين وراح يحكم علي مجتمع كاااامل انهم كذا وكذا ..!!

                    طبعا بقولك اول شي انو مستحيل مجتمع كامل يكون بنفس الفكره اللي حاطينها في بالهم
                    ولنكون واقعيين
                    اكثر الناس يتزوجون من نفس القبيله ( بالمقابل فيه اللي يزوجون من قبائل ثانيه )

                    واذا ماحصل نصيب راح يقول باخذ من برا

                    طيب وبنت بلدك ..!!
                    بيقول بنت بلدي مارضت فيني

                    طيب والقبائل الثانيه ..؟!

                    يجي يشرحلك وجهة نظره وانه ماياخذ الا من القبيله نفسها او .. او

                    طيب والاجنبيه او العربيه من جنسيه ثانية عادي ؟؟!

                    بيقولك ما اخذ اي احد اكيد بعرف اصلها وفصلها ..

                    طيب فيه حلول اذا كنت فعلا جاد وتبي من بنت بلدك ..

                    لنفرض انك من الغربيه ..

                    وش المانع انك تدور من قبائل اهل نجد ..؟ .. او الجنوب مثلا ..؟

                    او لو كنت من الشمال ..

                    وش المانع انك تدور من الشرقيه او الغربيه .. ؟؟

                    وبأمكانك تتخير بنت الحلال وبنفس شروطك

                    ولا تقول ماراح القي لانو مستحيل مجتمع كامل يكون نفس النظرة والفكرة

                    فيه عوائل محترمين وطيبين ويخافون الله ويبون الستر لبناتهم والمهور قليله والزواجات تكون عائلية وبسيطه ..

                    وبالنسبه للزين والشين لاتجلس تقارن بين بنت بلدك وبنت من جنسيه ثانيه
                    علي اي اساس اصلا حكمت ..؟!

                    سواء بالجمال او السناعه او الاحتشام او الرضي والصبر



                    هذي اشياء موجودة بكل بلد والزين والشين موجود بكل بلد

                    سواء عندنا او عندهم

                    لازم نغير الفكرة هذي والمقارنات مامنها فايدة


                    الا اذا كنت تبي من الخارج فهذي رغبتك انت ..

                    بس لاتحط اللوم علي بنت بلدك ..


                    وبس هذا كل اللي اقدر اقوله ..

                    ان اصبت فمن الله وان اخطأت فمن نفسي والشيطان

                    اشكرك اختي بصمة علي موضوعك واعذريني عالإطاله

                    تعليق


                    • حجم الخط
                      #11
                      رد: موضة الزواج من الخارج !

                      المشاركة الأصلية بواسطة جذور الأمل مشاهدة المشاركة
                      شوفي اختي بصمه انا برد عليك برأيي ورأيي يحتمل الخطأ والصواب

                      انا اقول والله اعلم

                      ( وانا اتكلم عن البعض )

                      انه ممكن يكون السبب كثر الكلام اللي يسمعه علي بنت بلده انو مهرها كثير ويبون زواج كبير ووو .. فشخره زايده علي قولتهم
                      فحب يختصر علي نفسه ويتزوج من برا ( برضو من اللي يسمع انو مهرها قليل وترضي بالقليل )

                      لكن لو سالتيه دورت ؟؟!

                      بيقولك لا وليش ادور بنت بلدي ماتبي الا كذا وكذا ....الخ
                      طبعا يسرد عليك الفكرة المتأصله بعقله ..

                      لو فرضا سألتيه دورت .. ؟؟ وقالك ايه
                      وبدأ بعد يسرد عليك نفس الكلام وانو بيروح برا ارخص وازين ..
                      طبعا تكتشفين انو ماطق الا باب والا بابين وراح يحكم علي مجتمع كاااامل انهم كذا وكذا ..!!

                      طبعا بقولك اول شي انو مستحيل مجتمع كامل يكون بنفس الفكره اللي حاطينها في بالهم
                      ولنكون واقعيين
                      اكثر الناس يتزوجون من نفس القبيله ( بالمقابل فيه اللي يزوجون من قبائل ثانيه )

                      واذا ماحصل نصيب راح يقول باخذ من برا

                      طيب وبنت بلدك ..!!
                      بيقول بنت بلدي مارضت فيني

                      طيب والقبائل الثانيه ..؟!

                      يجي يشرحلك وجهة نظره وانه ماياخذ الا من القبيله نفسها او .. او

                      طيب والاجنبيه او العربيه من جنسيه ثانية عادي ؟؟!

                      بيقولك ما اخذ اي احد اكيد بعرف اصلها وفصلها ..

                      طيب فيه حلول اذا كنت فعلا جاد وتبي من بنت بلدك ..

                      لنفرض انك من الغربيه ..

                      وش المانع انك تدور من قبائل اهل نجد ..؟ .. او الجنوب مثلا ..؟

                      او لو كنت من الشمال ..

                      وش المانع انك تدور من الشرقيه او الغربيه .. ؟؟

                      وبأمكانك تتخير بنت الحلال وبنفس شروطك

                      ولا تقول ماراح القي لانو مستحيل مجتمع كامل يكون نفس النظرة والفكرة

                      فيه عوائل محترمين وطيبين ويخافون الله ويبون الستر لبناتهم والمهور قليله والزواجات تكون عائلية وبسيطه ..

                      وبالنسبه للزين والشين لاتجلس تقارن بين بنت بلدك وبنت من جنسيه ثانيه
                      علي اي اساس اصلا حكمت ..؟!

                      سواء بالجمال او السناعه او الاحتشام او الرضي والصبر



                      هذي اشياء موجودة بكل بلد والزين والشين موجود بكل بلد

                      سواء عندنا او عندهم

                      لازم نغير الفكرة هذي والمقارنات مامنها فايدة


                      الا اذا كنت تبي من الخارج فهذي رغبتك انت ..

                      بس لاتحط اللوم علي بنت بلدك ..


                      وبس هذا كل اللي اقدر اقوله ..

                      ان اصبت فمن الله وان اخطأت فمن نفسي والشيطان

                      اشكرك اختي بصمة علي موضوعك واعذريني عالإطاله

                      مشاء الله كفيتي ووفيتي وتكلمتي بللي ما قدرت اقولةفي بعض الجزئيات و فعلا قاعدين يحطون الاعذار علشان يطلعون بري اذا ما اخذوا بنت البلد من بياخذها كل واحد منهم لة بنت او اخت يعني قطعة منة تجلس وتعنس ! ولا تسوي شي ما يرضي ربنا وخصوصا انهم ما يرضون بناتهم يتزوجون من برى وحلال علي عيالهم !

                      اللهم ارحم والدي واغفر لة واعف عنة .. اللهم اوسع مدخلة وانس وحشتة وتقبلة واسكنة فسيح جناتة




                      بصمة فتاة سابقا

                      تعليق


                      • حجم الخط
                        #12
                        رد: موضة الزواج من الخارج !

                        نعم دورت وحصلت كل شي مكلف ولاهي وحدة اوثنتين كثيييييير والفكر هذا معشش براس الكثير

                        من الاسر مع الاسف ،،
                        سبحان الله والحمد لله ولااله الا الله والله اكبر ،،

                        تعليق


                        • حجم الخط
                          #13
                          رد: موضة الزواج من الخارج !

                          المشاركة الأصلية بواسطة بصمة فتاة مشاهدة المشاركة


                          مشاء الله كفيتي ووفيتي وتكلمتي بللي ما قدرت اقولةفي بعض الجزئيات و فعلا قاعدين يحطون الاعذار علشان يطلعون بري اذا ما اخذوا بنت البلد من بياخذها كل واحد منهم لة بنت او اخت يعني قطعة منة تجلس وتعنس ! ولا تسوي شي ما يرضي ربنا وخصوصا انهم ما يرضون بناتهم يتزوجون من برى وحلال علي عيالهم !
                          اختي بصمة البشر مخلوقين من الاف السنين ويبقون بشر ماتغيروا فكرهم هو اللي تغير هل حن افضل من الرسول في شي او بنجي مشابهين له في شي اكيد لا وتعقيبا على كلامك (( قاعدين يحطون الاعذار)) طيب وش المنطق ووش الصح اذا كان كلامنا هذا اعذار وخالي من الصحة ،

                          بعدين سامحيني على الكلمة (( الان مصطلح بنت يقصد به السعوديات بس او الخليجيات او يطلق على الحريم بشكل عام يعني السعوديات ترى ماهم حوريات او ملائكة عشان اما سعودية او لا ))

                          الاولى بنت ديرتك لكن لو دقيت اكثر من باب وحصلتها مقفله ومليانه بالأشواك من اسر ديرتك واقاربك وانا مجررررب ولا زلت ابحث ماجبت شي من راسي ،،
                          سبحان الله والحمد لله ولااله الا الله والله اكبر ،،

                          تعليق


                          • حجم الخط
                            #14
                            رد: موضة الزواج من الخارج !

                            ارجعي على زمن اباءنا وامهاتنا واساليهم بكم تزوجت ووش اللي اشترطوا عليك ؟؟

                            وشوفي الاجابات همم بشر وحن بشر والفارق سنوات قليلة يمكن من ثلاثين سنة وجااي

                            ويمكن زواج مختصر بالبيت وفتحوا بيوت وعايشين احلا عيشة هل لو على زمن اباءنا واجدادنا

                            نطبقه الان على انفسنا بالزواجات هل تتوقعين بيبقى في الارض شاب او بنت ماتزوجوا ،،
                            سبحان الله والحمد لله ولااله الا الله والله اكبر ،،

                            تعليق


                            • حجم الخط
                              #15
                              رد: موضة الزواج من الخارج !

                              الاستاذة بصمة فتاة

                              السلام عليكم ورحمة الله وبركاته .,

                              برأيي ان البعض يرى ان هذا الجيل من البنات غير كفو للمسؤلية وتحمل الزواج والصبر عليه ومنهم من يفكر كما قلتي بمسألة المهور ..

                              والاخر اما به اعاقة او شيء يسوئه عند الناس وهو يعرف ذلك ويختصر الموضوع من أوله ويطرق باب الزواج من الخارج ..! وانا ضد هذا وكلُ حر بمايراه

                              لكن يوجد من بنات هذا البلد من هم كفو وبهم خير إن شاء الله ومن يريد الستر كُثر

                              عليه البحث وإن لم يجد وقتها فليبحث عن عربية مسلمة محافظه ف كل دولة بهآ خيارها وأطيبها

                              طآبت اوقاتكم ..

                              تعليق

                              Loading...


                              يعمل...
                              X