الاحصائيات المتقدمة

تقليص

إعـــــــلان

تقليص
لا يوجد إعلان حتى الآن.

استفسار لو سمحتوا بخصوص المقطوعه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حجم الخط
    #1

    استفسار لو سمحتوا بخصوص المقطوعه

    السلام عليكم ورحمة الله وبركاتة
    كل عام والجميع بخير
    عندي استفسار بخصوص المساعدة المقطوعة. انا مطلقة. وسجل. اسمي في التامينات الاجتماعية. براتب 3000 ريال
    بس في الحقيقة انا استلم 20008يال فهل يحق لي التقديم ع الدعم التملي في المساعدة المقطوعة افيدوني ضروري جزاكم الله خيرا

  • حجم الخط
    #2
    رد: استفسار لو سمحتوا

    وعليكم السلام ورحمة الله وبركاته
    وإنتِ بصحه وخير وسلامه والله يعوضك خير
    يا حياتي الدعم التكميلي يختلف عن المقطوعه
    إنتِ حرمه والدعم التكميلي ما يصلح لك لأنه للرجال بس أما المقطوعه مافي مشكله للجنسين رجالاً ونساءاً
    انتِ مشموله بالضمان ولا لا ؟
    هالتأمينات سعوده ولا وظيفه عاديه تداومين فيها ؟
    سبحان الله وبحمده سبحان الله العظيم

    تعليق


    • حجم الخط
      #3
      رد: استفسار لو سمحتوا

      هلا وغلا نجمة. اختي
      لا سعودة بس مااداوم فيها وكنت مشمولة بس انتهت بطاقتي من شهر ومارحت لهم قلت بيعرفون ان اسمي مسجل تامينات. مع اني بعد في التاهيل الشامل.

      تعليق


      • حجم الخط
        #4
        رد: استفسار لو سمحتوا

        وش تشرين علي اخت نجمة

        تعليق


        • حجم الخط
          #5
          رد: استفسار لو سمحتوا

          اهلين
          أشور عليك شور إخت تحب إختها وتحب لها الخير إتركي السعوده لأنها إستغلال وغش وراتبها مشبوه وتأكدي إن اصحاب الشغل أسقطوك من التأمينات ولو رفضوا يسقطونك عشان يستغلون إسمك عندهم روحي للتأمينات وإسقطي نفسك وخذي منهم إثبات بالإسقاط وروحي خذي بطاقتك من الضمان بشكل عادي ولا تتأخرين حتى ما ترجع للوزاره بحجة عدم الحاجه وقدمي مره وحده على المقطوعه وانتِ مرتاحه ورزقك حلال لأنك لو ما سقط إسمك من التأمينات بيقطعون عليك الضمان وما راح تقدرين تقدمين على المقطوعه
          طلبتِ شوري وهذاهو وإذا عجبك الشور والنصيحه تحركي من بكره لا يضيع عليك الضمان
          سبحان الله وبحمده سبحان الله العظيم

          تعليق


          • حجم الخط
            #6
            رد: استفسار لو سمحتوا

            الله يسعدك ياعسل
            مااقدر اروح اسقط اسمي لظروف خاصه ونسيت اقولك اخت نجمة انا لي اسبوعين تقريبا مشوية عملية واحتمال كبير عندي عملية ثانيه في وقت قريب فهل لواخذت التقارير للضمان تنفععني بشي
            ابي اعرف لانة ماعندي خلفية وشكرا لك اخت نجمة بحجم المجرة

            تعليق


            • حجم الخط
              #7
              رد: استفسار لو سمحتوا

              الله يشفيك ويعافيك
              العفو جعلك تسلمين ......... يااااي المجره مره وحده يا حظي الله يسعدك😊
              إنتِ الحين ما تقدرين تطلعين من هالوظيفه عشان ظروف خاصه ؟ أو قصدك تقدرين تطلعين بس إذا رفضوا ما تقدرين تروحين للتأمينات تسقطين نفسك ؟
              سبحان الله وبحمده سبحان الله العظيم

              تعليق


              • حجم الخط
                #8
                رد: استفسار لو سمحتوا بخصوص المقطوعه

                امممين يارب ومرضي المسلمين. اجمعين
                تستاهلين اكثرر
                لا مو سالفة روحه ناس لهم معة عندي وطلبوني اسمي وماحبيت اخذلهم
                مجاملات. يعني. عشان كذا مااقدر سقط اسمي

                تعليق


                • حجم الخط
                  #9
                  رد: استفسار لو سمحتوا بخصوص المقطوعه

                  😳
                  أنا توقعتك ما تقدرين تروحين للتأمينات قلت لعلي أدور لك مخرج من يمين ولا يسار 😔
                  شوفي جعلك تسلمين ما ينفع مع هالنوع من الوظايف أخذ الخواطر ومافي لون رمادي فيا أبيض يا أسود
                  خلاص المقطوعه وشيليها من راسك ما دامك في التأمينات مالك نصيب فيها الله يعوض عليك بالخير
                  أما البطاقه فخليها لا تروحين تاخذينها وهذي شوره ونصيحه ثانيه لأنك الحين في حكم من عنده وظيفه فمعد صرتي في حاجة الضمان لأنه زكاة وغير كذا ممنوع الجمع بين الثنتين ( الوظيفه والضمان )
                  ترا هالنصيحتين للآخره قبل الدنيا وقولي آمين الله لا يحوجك لهالسعوده ويرزقك بالوظيفه الي تتمنينها ولا باس طهور إن شاء الله وربي يوفقك ويسعدك
                  سبحان الله وبحمده سبحان الله العظيم

                  تعليق


                  • حجم الخط
                    #10
                    رد: استفسار لو سمحتوا بخصوص المقطوعه

                    امين.
                    تسلمين ماقصرتي

                    تعليق


                    • حجم الخط
                      #11
                      رد: استفسار لو سمحتوا بخصوص المقطوعه

                      بنات انا ابي سعوده دون عمل ويكون الراتب ٢٥٠٠او٣٠٠٠
                      وابيها في الرياض
                      وربي اني في امس الحاجه لان زوجي عاطل والدخل الشهري بس الضمان ماعندي غيره


                      ---

                      تعليق

                      Loading...


                      يعمل...
                      X