جمعية عناية لرعاية المرضى

·هي جمعية خيرية يقع مقرها الرئيس في مدينة الرياض، ويتبع لها فروع بمناطق المملكة يتم افتتاحها مستقبلاً حسب خطة زمنية محددة.
·تم تأسيس الجمعية طبقاً لأحكام لائحة الجمعيات والمؤسسات الخيرية الصادرة بقرار مجلس الوزراء رقم ( 107 ) وتاريخ 25/06/1410هـ وقواعدها
التنفيذية الصادرة بقرار معالي وزير العمل والشؤون الاجتماعية رقم ( 460 )وتاريخ 30/01/1412هـ والتعليمات الصادرة بمقتضاها.
·تم تسجيل الجمعية بالسجل الخاص بالجمعيات والمؤسسات الخيرية برقم 364 بموجب قرار معالي وزير الشؤون الاجتماعية رقم ( 6/54231 / ش) وتاريخ 5/6/1428هـ.العنوان: الرياض – حي المحمدية – تقاطع طريق الملك فهد مع طريق الإمام سعود بن عبدالعزيز
مجمع السلام الدور الثاني مكتب 204 و 205
هاتف: 00966114706364
فاكس: 00966114707337
ص.ب: 75895 الرياض: 11588
البريد الإلكتروني: (تم حذف الإيميل لأن عرضه مخالف لقوانين المنتدى)
(تم حذف الإيميل لأن عرضه مخالف لقوانين المنتدى)

المصدر: الشبكة السعودية لذوي الاعاقة - القسم: الجمعيات الخيرية

شكرا ع المعلومة

مشكوره و جزاك الله خير على الإشاره لهالجمعيه
هذي الجمعيه تعاملت معها بشكل شخصي لما كنت أراجع في مستشفى التخصصي وصار عندي فايض من الأدويه الجديده وخفت تنتهي مدتها وسألت في منتدى ( التطوع ) ودلوني على هذي الجمعيه وتواصلت مع المشرف في فرع ( معكال < هذا اسم الحي الي موجود فيه ) ورحت مع أخوي وسلم الأدويه للمشرف وأنا في السياره عشان أشوف الاستلام والتسليم بعيني وأخذوها ومن بكره اتصلت أستفسر وش صار عليها قال عرضناها على طبيب من مستشفى حكومي وقال مافيها شي وصالحه وذكر لي إنه كان فيه مريض محتاج لهالدواء ضروري والحمد لله صرفناه له وما تتخيلون ذيك الساع وش كثر سعادتي لما سمعت بهالشي لأن الي يذوق ألم المرض والعلاج متوفر عنده بيحس بمعاناة غيره لما يتألمون و يعجزون عن تحصيل العلاج بسبب العجز عن دفع قيمته
الجمعيه تستقبل الأدويه والأجهزه الطبيه والدعم المادي الله يجزاهم خير ويفرج لهم مثل ما فرجوا للمرضى المحتاجين وأعانوا الناس على الخير

حبيت انبه على شي لفت انتباهي اليوم وانا أدور على الجمعيه في النت
لقيت ارقام تواصل جديده والظاهر غيروا أرقامهم وانتقلوا مكان جديد او انه مكان ثاني لهم بس الارقام الموجوده مهيب صحيحه وجربوا
وانا تعاملت مع فرع معكال فقط عشان كذا ما عندي خلفيه عن اي مقرات ثانيه
هذي الارقام الي لقيتها والموقع الجديد :
هاتف 0114969060
0114915030
فاكس 0114968338
الرقم الموحد 920021228
واتصلت على الارقام وتأكدت إنها لهم
وصندوق والرمز البريدي هو نفسه
الموقع
حي الربوه طريق عمر بن عبدالعزيز مخرج 14 مقابل أسواق السدحان وموجوده الخريطه في موقعهم على النت
وهذا موقعهم على النت
http://enayah.org.sa/#
لهم صفحه على تويتر وصفحة على اليوتيوب فيها كل مشاريعهم وكلها بتلقونها في اسفل الصفحه الرئيسية للموقع
وبصراحه جهد جبار يشكرون عليه وبارك الله في القايمين عليه والمحسنين وجزاهم الله خير

الله يعين