إلى متى اعانة المعاقين السعوديين 833 ريـال

[الحزينة]

رد: إلى متى اعانة المعاقين السعوديين 833 ريـال

اخوي انسان
ماعليك زود والله ونعم فيك وفي الجميع


وتـأكد والله ثم والله لو ما فيه تعصب قبلي كان
صرت ضيفة في برنامج منارات واقوول كل احتياجاتنا

وتأكد ماارح اقوول يابن اعثيمين اطالب بإسم المعاقين كذا وكذا
ابقووول وبصووت عالي من هذا المنبر اناشد ابو المعاقين ابومتعب
وابغاه يعرف ماهو مصير الفئة الغالية عليه

هل تعلم ان وزير الشؤون الاجتماعية يصرف لأبنائك المعاقين اعانة 833
هل تعلم يا ابو متعب ان الخادمة الفلبـنـيـة اكثر منا راتبها 1500
هل تعلم ان هذا الاعانة لا تكفي المعاق إلا يومين فقط
هل تعلم ان وزير الشؤون الاجتماعية يمن علينا بعد بهذه الاعانة
فلا تصرف إلا بشق الانفس لازم وجود تقرير جديد كل سنة او سنتين
طيب ليه التعب والمشوور هذا ليه

اوووكية حضور المعاق للتحديث البيانات كــااااافــي بلا تقارير وخرابيط
و و


وربي في قلبي اكثر من كذا بس من يسمعني
اتمنى يخصص لنا ابن عثيمين يقابل للمعاقين والمعاقات
مرتين بالسنة محنا طماعين ويأخذ ويعطي معنا
عن احتياجاتناااااا

بس مـــــــــــــــــا حـوووولــــــك أحـــــــــــد

 

[الحزينة]

رد: إلى متى اعانة المعاقين السعوديين 833 ريـال

اخووواني اخووواتي

ارسلت الآن الموضوع مع الرابط لبرنامج منارات
عبر إيميل البرنامج :

(تم حذف الإيميل لأن عرضه مخالف لشروط المنتدى)


وارسلته بعد للأخت
خديجة المحمودي
Kmy-111@hotmail.com


واول ما يردوون علي راح اقوولكم وش رايح يصير

خلووناااا نــتــحـــــــرررررررك

 

[حكاية جرح]

رد: إلى متى اعانة المعاقين السعوديين 833 ريـال

ياليت والله لو تصيرشهريا 3000 على الاقل وياذووب تكفي في الغلا اللي كل يوم عن يوم يزيد
واهم شي ان الاعانه ماتنقطع عن الموظفين مهما كان راتبهم بالاخير هم معاقيين ومحتاجين ومن حقهم يستلمو
اضم صوتي لكم <~ وانشالله يصير اللي نبيه ,, مع اني احس لا حياه لمن تنادي

 

[حكاية جرح]

رد: إلى متى اعانة المعاقين السعوديين 833 ريـال

ليش ماينحط الموضوع ومطالبنا بجريدة اليوم وبالخط العريض بعد
لعلى وعسى نشوف رد من المسؤؤلايين

 

[ابن السعوديه]

رد: إلى متى اعانة المعاقين السعوديين 833 ريـال

انا مع الموضوع مئه بالمئه

بصراحه راتب الوزير اكثر من 50000 الف

والمعاق 833

رواتب الشغالات في آخر اتفاقيه بين وزارة العمل وبعض الدول 1500

وبصراحه وبدون زعل برنامج منارات انا غاسل يدي منه للأبد

والله لو كان ينقل هموم المعاقين بكل شفافيه ماكان هذا وضعكم بعد ارادة الله طبعا

ولي نقد صادق فيه للمذيع

اولا يا اخي اذا جبت ضيف وسألته سؤال اعطه فرصه يجاوب لاتقاطعه

ثانيا يا اخي انت تتكلم اكثر من الضيوف في البرنامج

ثالثا طريق النجاح هو ان يكون ضيفك من اهل الحل والربط وليس بوق او مدافع لأجل المناصب فقط

رابعا لكي تنجح انقل هموم ومشاكل المعاقين الحقيقيه من اسكان لايقه ورواتب مجزيه وسيارات وخدمات بلديه وادويه وعيادات خاصه بالمستشفيات لكي لاينتظر اشهر او ساعات امام العيادات واماكن ترفيه

فهم الفئه الوحيده التي لاتسطيع ان تأخذ قرض لماذا لانوفر لهم سبل حياه كريمه لكي نخفف من معاناتهم


هذا قليل من كثير ماقلته

وسلامتكم

 

[مرح]

رد: إلى متى اعانة المعاقين السعوديين 833 ريـال

يا اختي شنهي 3آلاف بهالوقت؟
حسبي الشغاله2-السواق 3- الادويه 4-سفرات علاجيه 5-الاعاشه 6-مصاريف أخرى.
دمتي اختي وحلمنا بالف خير،وإذا تحقق شي واحد من مطالبنا رجاء حار قعدوني،لأن حلم المعاقين ماراح يتحقق.

 

[لي أمل]

رد: إلى متى اعانة المعاقين السعوديين 833 ريـال

السلام عليكم ورحمة الله وبركاته
معكم في طلب رفع الاعانة فـــ833 ما تسوي شيء فعلا

وبإذن الله الموضوع فاتحة خير ويوصل صوتنا للمسئولين

بالتوفيق للجميع

 

[المعاقه الجميله]

رد: إلى متى اعانة المعاقين السعوديين 833 ريـال

تحيه طيبه قلبيه للاخت الحزينه عسى ما قمتي به في موازين اعمالك ولكن نحن المعاقين لا يسمع صوتنا مل القلوب حفظه الله وانا اقترح
من هذا المنبر المضيء مستبشر بالخير ان شاء الله ان نرسل برقيه فيها اكثر من الفين اسم لمعاق ومعاقه نطالب بالزياده رواتب المعاقين
الى الملك عبدالله حفظه الله لشعبه ولكن ما سبيل للوصول الى قلب ملك القلوب وماهي الطريقه لسماع صوتنا انا لا ادري
ولكن ياليت اخوي الهاجري ومغامر نتفق بالارسال برقيات الى الملك باسم كل معاق ومعاقه ونكتب فيها مطالبنا وحقوقنا
وعسى ربي يعيننا وحسبي الله مابين السماء والارض كل من يعيق حقوق المعاقين المشروعة
لكي مودتي اختي الحزينة

 

[الحزينة]

رد: إلى متى اعانة المعاقين السعوديين 833 ريـال

[align=center]
اختي حكاية جرح
انا معك بكلامك
ليش ماينحط الموضوع ومطالبنا بجريدة اليوم وبالخط العريض بعد
لعلى وعسى نشوف رد من المسؤؤلايين
بس ما اعرف انا اللي قدرت سويته اني ارسلت على برنامج منارات ان يكون عنوان موضوعي هذا احد مواضيع برنامج
منارات في الحلقات القادمة والى الان ماجاني رد
واي احد يعرف يرسل لسبق والوئام وجميع الجرايد
لا يقصر بخدمتنا
يقولون ربعاً تعاونوا ما ذلووووا



اخوي ابن السعودية
وربي صادق بكلامك الوزير رتبة فوق 50 الف
وش يهمه
يجيه راتبة وهو جالس لا تعب فيه ولا شيء حتى ماحلل راتبة ولا قام بخدمة المعاقين
وماحط في باله كيف يتعايش المعاق خلال شهر 833 ريال
وش ظروفة مع غــــــــــــلا المعيشة

وربي لو فكر بجد واخلاص لعملة وربي ان يطالب بصرف اكثر من 5 الالاف
اهو الود وده ان راتبة شهرياً مليوون يتمنى يزيد راتبة
طيب هذي الفئة الغالية تستخسر عليهااا 3 الالاف ريال شهري
والله ماراح تدفعها يابن عثيمين من راتبك
حسبي الله ونعم الوكيل عليك

اما بخصوص برنامج منارات تأكد اخوي مافية برنامج ناجح يخدم الشعب
فما بالك بالمعاقين
مثل مافية سلبيات له ايجابيات
ولا ننسى وقفت اخونا يحيى معنا بإن ناشد الملك بإن تشمل المعاقين
راتب شهرين وكلنا نعرف هالشيء

يعطيك العافية ونبغى وقفتك معنا بأرسال صوتنا للمسؤلين
عبر وسائل الاعلام



اختي مرح
يالبى قلبك وربي عاارفة ان احتياجنا اكثر من 5 الآلآف
بس خليهم يوافقون على 3الآلآف الحين
بس دام باقي ابن عثيمين اغسلي يدك من الزيادة
ربي يسهل امورنااا ويحقق لنا مطالبناااا


اختي لي امل
آمين ربي يوفقنا ويوصل صوتناااا يارب



اختي المعاقة الجميله
الله يجزاك خير
اوكية ليه مانحدد لنا يوم نرسل جميعنا يالمعاقين برقيات للملك
معاقين ومعاقات وجميع الموضوع يتكلم عن توحيد الاعانات 3 الآلآف او اكثر
ونقوول احتياجنا ويكوون معروضنا واحد وطلبنا واحد
نبغى اكثر من 100 معاق ومعااقة يرسلون في اليوم هذه البرقية والباقين بكرة وهكذا
حتى يصل صوتناااا

[/align]

 

[الساجده لله]

رد: إلى متى اعانة المعاقين السعوديين 833 ريـال

بكل صدق المعاق لا يعامل بطريقه جيده وخاصه انه شخص يعاني ويحتاج اجهزه تعويضه ويحتاج ادويه بالله وش تسوي ألفين كل 6شهور لضعاف السمع هذا غير البطاريه اللي تحتاج تغيير كل يومين والعلبه ب20 ريال هذا شي فوق طاقة انسان من الطبقه الوسطى فكيف بالطبقه الفقيره الله المستعان

 

[قلب عصفوره]

رد: إلى متى اعانة المعاقين السعوديين 833 ريـال

[align=center]
البرقيات انسوا الموضوع ماتنفع راح يكون مصيرها مصير غيرها من البرقيات

الحل هو واحد من اثنين الاول الضقط على الاعلام والجرايد

او نطلع مظاهره :w00t: هي الحل الوحيد اللي بيخلي الملك الله يطول بعمره يعرف ويسمع بمعانتنا لان الدواوين مايوصلون معاناتنا له ويخشون برقياتنا :icon_eh2:

تخيلوا شكلنا وحنا طالعين مظاهره اللي على الكرسي واللي يدينه خربانه واللي مايشوف والاصمخ واللي شكله غلط شحلاتنا نجنن :lol:
لاتزعلون من كلامي ترى انا منكم بس ماخذه اعاقتي وشكلي بروح رياضيه :icon_mrgreen:
الحمدلله اللي فضلنا على غيرنا وبتلانا الحمد لله رب العالمين
نبقى واحد يصيغ لنا الخبر علشان ننشره قدر الامكان على الجرايد والمواقع <<< اهم شيء الاملاء حقه تمام مو مثلي :shiny01:
[/align]

 

[عاشق الزعيم]

رد: إلى متى اعانة المعاقين السعوديين 833 ريـال

[align=center]
كلنا مع زيادة اعانة المعاقين والتي لاتكفي لابسط ضروريات الحياه
ونرفع ايدينا في هذا الشهر الكريم بالدعاء لله سبحانه وتعالى ان يهيء
لنا من يهتم بأوضاعنا ويخدم قضايانا
ونقول حسبنا الله على من ظلمنا وعلى من اكل حقوقنا بغير وجه جق
وحسبنا الله على من تولى منصبا يهتم بذوي الاحتياجات الخاصه ولم
يقم بالواجب الذي يلزمه القيام به
وحسبنا الله على من يعطل معاملات المساكين الذين ليس لهم ذنب
الا انهم معاقون ويقوم بتأخيرها وعدم البت فيها
ولجميع الذين تواجدوا بهذا المتصفح ودي واحترامي
[/align]

 

[ابو اروى]

رد: إلى متى اعانة المعاقين السعوديين 833 ريـال

الله يعطكي العافي اختي الحزينة على هالموضوع والله يبعد عنك الحزن قولي امين
اما بنسبه موضوع اعانه المعوقين نعم وثم نعم وثم نعم 800 ريال ماتكفي ابداً
انا معاق شريت عكزات 750 ريال كم باقي 83 ريال بالله الباقي تسوي شي ابي اشتري حجاة مابق من اعانه شي
اقل شي يرفعونها الا 300 ريال
طيب لو واحد معاق مايقدر يمشي الا بعربيه والعربيه قيمتها اقل شي 1600 ريال
واعانه من الاعاقه 833 ريال بالله كيف يابي ياكمل الباقي
يابن عثيمين خاف من ربك اتق الله ابو متعب حطك هنا تنفذ طلبات المعاقين
ماحطك تاكل تراك محسوب يوم القيامه بس زين نيتك قبل موتك خل كل معاق يدعيلك
ماهو كل معاقه يعدي عليك خاف خاف خاف من ربك انا عارف بتقول ابو متعب ماهو داري عن شي
بس ابو متعب حط كل شي بذمتك يعني طلعها من ذمته
ـــــــــــــــــــــــــــــــــــــــــــــــــــــــــــــــــــــــــــــــــــــــ
خلونا صوتنا واحد لبو متعب
ونكتب بالجريد وبانت ووبكل المواقع علشان تصل الملك
واحنا معاكي ياختي الجزينه بي شي

 

[امل الغد]

رد: إلى متى اعانة المعاقين السعوديين 833 ريـال

والله انكم صادقين والله ماتكفي شي

والله وحده قريبه قالت لي أن هندي طردها من المحل يوم فاصلته بالسعر أخرزمن العامله

تسخر منا في بلدنا

أنا عندي أقتراح أرجوا أن تاخذوه بالاعتبار ليش مانقدم عريضه لمفتي المملكه

نشرح له أحتياجتنا لانه له كلمه مسموعه عند ابومتعب وياصله بدون واسطه

 

[خديجة]

رد: إلى متى اعانة المعاقين السعوديين 833 ريـال

السلام عليكم
كيفكم
المعاق في الدول الأخرى له اهتمام أكثر من عندنا أما احنا لنا الله
وأنا ارفع صوتي معكم

 

[حكاية جرح]

رد: إلى متى اعانة المعاقين السعوديين 833 ريـال

طيب الحين يـ اعضاء ماتعرفون احد يشتغل بالجرايد او من معارفكم
من شان يساعدنا ويكتب معاناتنا ؟!!
اذا ظلينا نكتب بس في المنتدى بدون ولا خطوه فعليه ماراح ينسمع صوتنا

 

[قلب عصفوره]

رد: إلى متى اعانة المعاقين السعوديين 833 ريـال

انا واعوذ بالله من كلمه انا ارسلت للوطن ولرياض وعكاظ واليوم ومادري والله اذا بيعطونا وجه لكن ومن يقنط من رحمة الله إلا ضالون

وابقى منكم تزودوني باشهر الجرايد عندنا بالمملكه ماعليكم امر

 

[أم البدر]

رد: إلى متى اعانة المعاقين السعوديين 833 ريـال

انا عندي فكره راح نكتب في جريده الرياض وش رايكم لان برنامج منارات انسوا موضوعه مافادنا بأي شي بس ابغى شخص يساعدني ويسال عن سعر الكتابه في الجريده يعني الكتابه بالخط العريض للموضوع بكم سعره وراح ارسلكم رقم حسابي او رقم حساب الحزينه او تختارون شخص واثقين فيه من الاعضاء كالمغامر او قاهر الياس او اي عضو ترشحونه ويرسل لنا رقم حسابه بعد مايسال عن سعر الكتابه وكل شخص يبغى ينظم لنا لازم يدفع وصدقوني جريده الرياض الكل يقراها اما باقي الجرايد قله اللي يقرونها والبرنامج انسوا يوصل صوتنا-يللا ابغى رايكم موافقيييين

 

[قلب عصفوره]

رد: إلى متى اعانة المعاقين السعوديين 833 ريـال

انا عندي فكره راح نكتب في جريده الرياض وش رايكم لان برنامج منارات انسوا موضوعه مافادنا بأي شي بس ابغى شخص يساعدني ويسال عن سعر الكتابه في الجريده يعني الكتابه بالخط العريض للموضوع بكم سعره وراح ارسلكم رقم حسابي او رقم حساب الحزينه او تختارون شخص واثقين فيه من الاعضاء كالمغامر او قاهر الياس او اي عضو ترشحونه ويرسل لنا رقم حسابه بعد مايسال عن سعر الكتابه وكل شخص يبغى ينظم لنا لازم يدفع وصدقوني جريده الرياض الكل يقراها اما باقي الجرايد قله اللي يقرونها والبرنامج انسوا يوصل صوتنا-يللا ابغى رايكم موافقيييين

تفضلي اختي هنا الاسعار بس الصراحه الاسعار اللي شفتها مريعه لوحده مثل حالتي الماديه :scared:

http://sites.google.com/site/myadvertising1/valuadv

اتمنى اكون غلطانه

 

[الجوهرة جوجو]

رد: إلى متى اعانة المعاقين السعوديين 833 ريـال

السلام عليكم
انا اضم صوتي لكم والله ال833ريال ماتكفي والله حتى زوجي ما رضو انهم يدخلونه الضمان علمان انه معاق اعاقه دائمه وفي يده اليمين وحجتهم انه صغير ويقدر يشتغل بس قولولي وين ممكن يشتغل بيده المعاقه اكيد شركة لاوراتبها2200 وش ممكن تسوي وانا عندي طفله عمرهاسنتين ونص وحامل....
قولولي وش بيكون مصيرناانا وزوجي وعيالي الله يستر من الايام الجايه والله اني فكرة ارسل برقيه ولكن مثل ما تفضلو الاخوان ان البرقيات ماتوصل ابي اعرف من ممكن يوصل اصواتنا لابو متعب الله يطول في عمره؟؟؟؟؟؟؟؟ويرفع مخصصاتناالى3000ريال شهريا.
قولو آآآآآآمين يارب بحق ذا اليوم ان اصواتنا توصل لملكنا الغالي وينظر في امرنا اللهم آآآآآآآآمين.