الاحصائيات المتقدمة

تقليص

إعـــــــلان

تقليص
لا يوجد إعلان حتى الآن.

قصتي بين يدينكم ..لاتبخلون علي برايكم

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حجم الخط
    #1

    قصتي بين يدينكم ..لاتبخلون علي برايكم

    مساكم الله بالخير

    كيف حالكم جميعا ؟ اشتقت للمنتدى والله
    ان شاء الله ماتطول غيبتي ..:(

    بغيت استشيركم بامر مهم لان والله مالقيت يفهمني احد كثركم :(
    امي اذا بكلمها بهالموضوع تجلس تقول وانتي وشفيك مافيك الا العافية ومن هالحكي
    ادري انها تطبطب علي ماتبي تحسسني ان هالشي قوي وخواتي نفس الشي:(
    انا مثل مايعرف البعض فيني شحنات كهربائية جتني قبل يمكن ثمان سنوات تقريبا
    يمكن اكثر او اقل ناسية والله .. ماتعالجت من اول مره لا يمكن سنتين وبعدها بدت رحلت العلاج
    فرحت لمستشفى الحبيب عند الدكتور عادل عبد الجباريمكن تعرفونه
    هذا صديق اخوي مادحه له وان اخته نفس الحالة وحمدلله تشافت
    المهم بعد ماوصفت الحالة بالظبط لدكتور قالي باأن هذي شحنات كهربائية
    ثمن عطاني علاج لمدة سنتين ونصف اسمة (تجريتول ) حبة صباحا والثانية مساء
    استمريت سنة ماكنت معطية العلاج ذا اهمية ابد متى ماذكرته رحت اكلته
    مره اكل العصر ومره المغرب ومره الصبح وهكذا:(
    واحيان ما اكله ابد :( فجتني حالة تشنج ولاحظو اهلي انها كانت اخف من اول مره جتني فيه
    يقولون انه قبل تشدين نفسك مره الحين مرتخية شوي قلت زين فيه تطور
    المهم رحت لدكتور مره ثانية على اساس نعيد العلاج من جديد لانه قال متى ماصارت حالة تشنج
    نرجع نعيد العلاج من جديد فقلتله اني بداوم عليه وماراح اتركه وكنت عازمة والله اني مااتركة
    واواظب علية مرت السنة والله ان كنت حريصة من البداية لكن مع طول الوقت لابد من فتور
    خصوصا للي ماهم نظاميين ابد :( المهم يجي اهمال وتجي حالة تشنج اخف من الحالات اللي قبلها بكثيير مارحت للمستشفى كملت على العلاج
    تخيلو كل ماجيت بكمل سنة لازم يجي اهمال وتصير الحالة ماكنت منتبهه لهشي ابد انه في شهر 12 لازم تصير حالة
    المهم مو بالسنة اللي راحت لا اللي قبلها قلت بروح لدكتور اشوف حالتي احس فيه عشوائية اكل حبوب مدري عن وضعي
    كيف !! المهم رحت وكان الدكتور مسافر ورحت لدكتورة امريكية اعتقد في نفس المستشفى وقلتلها يادكتورة العلاج معي اوك متى مانتظمت
    لكن لمن يجي اهمال مني وكذا تجي الحالة قالت بنسوي اشاعة وتخطيط وتحليل وسوت كل شي
    ثمن قالت خلاص استمري على العلاج ( تجريتول ) على مدى الحياة متى مابغيتي تحملين تعالي عندنا
    استغربت من كلامها وطلعت من عندها
    المهم هي جيتها بشهر ثمانية ماجاء شهر 12 الا تجيني حالة تشنج وهنا نتبهت الوالدة الله يطول بعمرها
    انه كل ماجاء شهر 12 تجي الحالة وش معنى ماكمل السنة على العلاج ؟ فقالت انه يمكن عين ومن هالكلام
    رحت لشيخ ماقال شي بس عطاني مويه مقري عليها وزيت وعسل استخدمتها اسبوع ونص ثمن تركتها
    فااخر حالة مثل ماقلت شهر 12 السنة اللي راحت بعدها واضبت على العلاج وفي وقته صارلي سنة الحين
    والحين حنا بشهر 12 ماجتني الحالة حمدلله لكن دوخة على طول وعدم تركيز << لاتقولون صرتي تتوهمين لا لاجد
    هذي الكلام كله شرح للحالة عشان تكونون فالصورة وتفهمون وضعي والخطوة اللي انا بستشيركم فيها
    فالحين انا حمدلله انخطبت وملكت وزواجي ان شاء الله في بداية شهر خمسة
    فاانا ماودي اكون على العلاج على طول لانه صعب علي اول شي لاني انسانه مهملة ونساية
    غير كذا اني بكون بمدينة بعيدة عن اهلي فاتخيل انه لو يصير لي شي وزوجي موب عندي او اكون بوضع خطر مثل اكون اقلي زيت والاشي
    وتجيني الحالة فصعب صعب يعني عند اهلي يمكن زي حالتي تهون لكن بعيد عنهم صعبة مره
    المهم انا اقراء بالنت عن العمليات استئصال البؤرة اوشي زي كذا فدخلت الفكرة براسي
    مع اني ماادري هاالعملية لكل شخص مصاب بالصرع او نوع من الصرع
    فاانا مارحت للمستشفى قلت استشيركم يمكن تعرفون مستشفى لمثل هالامور

    بتقولون خلك في مستشفاك هم ادرى بحالاتك انا هالمستشفى نفسيتي ماعاد تقبله ماهو من تقصير فيهم لاوالله بس كذا نفسية
    غير كذا والله تعبنا من المستشفيات الخاصة وحنا ناس على قدنا :(

    فاانتم وش رايكم بفكرة العملية ..تحسون انها خطرة ؟ وهل تعرفون احد سواها وحمدلله عايش طبيعي ؟
    غير كذا بسال الحين المستشفى الحكومي شلون بدخله
    انا والله ماعرف الا الخاص الا مرة رحت للمستوصف اللي يصير بالحي وعطوني تحويل لليمامة غيره ماعمري
    زرت حكومي ابي تعلموني طريقة اقدر اراجع فيها المستشفى الحكومي
    والتاهيل الشامل يقدرون يسوون لي شي بهالخصوص مع العلم اني ماسجلت عندهم

    فتكفون قصتي بينكم وانا اختكم اللي يعرف اوسمع ياليت مايبخل علي

    اكتب القصة وانا ميتة جوع فاعذروني :(

  • حجم الخط
    #2
    رد: قصتي بين يدينكم ..لاتبخلون علي برايكم

    انا اشوف انك تعرضين حالتك على اكثر من دكتور لان كل دكتور له وجهة نظر تختلف فاشوف انك تشوفين آرائهم وتبحثين بالنت وتستخيرين ربي
    والمستشفيات الحكوميه صارت كلها فيها اقسام تعالج اللي ماهم تابعين لها بفلوس واذا كنت ماتقدرين راجعيهم اول مره على حسابك وبعدين قدمي طلب لوزارة الصحه وان شاء الله تصيرين على حسابهم
    واتمنى لك الشفاء
    تحياتي
    [glint]
    تـــــــــــأبى الرماح اذا اجتمعن تكسرا
    وإذا افترقن تكســــرت احـــــــــــــــادا
    [/glint]

    تعليق


    • حجم الخط
      #3
      رد: قصتي بين يدينكم ..لاتبخلون علي برايكم

      أخت جوانا شافاك الله وعافاك من كل سوء وجعل ماأصابك كفاره

      ماأعرف شئ عن العمليه بس كما قالت الأخت زهره أعرضي حالتك على أكثر من طبيب

      أنا كنت أراجع في العسكري والخاص والحين في الحكومي تقريبا نفس الاهتمام

      الطريقه تذهبي للمستوصف الصحي الحكومي التابع للحي عندكم

      وتطلبي تحويل على أقرب مستشفى حكومي

      موفقه أخيتي يسر الله أمورك
      ياالله ياقادر





      اللهم أجعلني ممن أحببتهم فأبتليتهم

      تعليق


      • حجم الخط
        #4
        رد: قصتي بين يدينكم ..لاتبخلون علي برايكم

        نصيحة عن تجربة شخصية

        روحي لمستشفى الملك فيصل التخصي ومركز الأبحاث في الرياض

        قسم وحدة الصرع ممتازيين وعن تجربة

        لاتروحين لمكان ثاني

        اسال الله لك الشفاء العاجل










        اللهم ارحم والدي واغفر لة واعف عنة .. اللهم اوسع مدخلة وانس وحشتة وتقبلة واسكنة فسيح جناتة




        بصمة فتاة سابقا

        تعليق


        • حجم الخط
          #5
          رد: قصتي بين يدينكم ..لاتبخلون علي برايكم

          السلام عليكم

          ماعمري سمعت عن عملية في المخ الا كانت عواقبها وخيمة جدا

          اللي اعرفه ان صاحب الصرع يستمر على العلاج طول عمره واي اهمال منه سوف تزداد الحالة سوء

          يعني انت مسؤولة عن نفسك اولا واخيرا لاتتركين العلاج مهما حسيت بالعافية او بالمرض ويكون بنفس التوقيت

          احنا في جماعتنا كثير معاهم صرع وتزوجوا ولله الحمد ومعاهم اولاد وبنات

          الله يرزقك العافية والاولاد

          وانتبهي لصحتك والصرع باذن الله ماعد تشوفينه اذا داومت على العلاج

          ...........
          الحظ عجة والجماعة قراطيس

          من يمسك القرطاس في وسط عجة

          http://img102.herosh.com/2011/01/31/689710624.gif

          تعليق


          • حجم الخط
            #6
            رد: قصتي بين يدينكم ..لاتبخلون علي برايكم

            [align=center]
            حياكِ الله أختي جوانا
            توكلي على الله وخذي برأي أختي بصمة
            أن شاء الله تكون أمورك تمام وعلى مايُرام ..
            ومن المهم أيضا أن يكون لدى خطيبك علم بحالتكِ هذه
            أسئل المولى عز وجل أن يمدك بالصحة والعافية
            والشفاء العاجل و أن يوفقكِ ويشفيكِ أن شاء الله

            أحترامي وتقديري
            [/align]

            تعليق


            • حجم الخط
              #7
              رد: قصتي بين يدينكم ..لاتبخلون علي برايكم

              اعرضي تقاريرك الطبيه على اكثر من طبيب ربي يشفيك ويعافيك
              [flash=http://m3aq.net/vb/uploaded/5955_01309911933.swf]WIDTH=450 HEIGHT=88[/flash]

              تعليق


              • حجم الخط
                #8
                رد: قصتي بين يدينكم ..لاتبخلون علي برايكم

                (www.epilepsyinarabic.com


                هذا موقع وحدة ومساندة مرضى الصرع في مستشفى الملك فيصل

                اللهم ارحم والدي واغفر لة واعف عنة .. اللهم اوسع مدخلة وانس وحشتة وتقبلة واسكنة فسيح جناتة




                بصمة فتاة سابقا

                تعليق


                • حجم الخط
                  #9
                  رد: قصتي بين يدينكم ..لاتبخلون علي برايكم

                  السلام عليكم
                  اختي انا لي 18 سنه ومعاي الصرع واستخدم تجريتول 6 حبات في اليوم ولاميكتال 4حبات يعني في اليوم 10 حبات وتجيني الصرعه كل شهر والحمدلله على كل حال
                  من ناحيت العمليه اذا كانت الصرع الي معاكي جزئيه فسويها اما اذا كانت كليه فلا تخاطرين واستخدمي الحبوب وحولي ملفك على المستشفى الحكومي
                  وعلى فكره الحين طالع جهاز جديد يركب بعمليه في الرقبه يمتص الشحنات الزائده وانا الحين انتظر موعدي وبشوف وش بيقولي الدكتور من ناحيت الجهاز
                  وجعل ربي يتم زواجك ويخليكي لعين ترعاكي ويشفيكي ويشفيني

                  تعليق


                  • حجم الخط
                    #10
                    رد: قصتي بين يدينكم ..لاتبخلون علي برايكم

                    أسأل الله العلي القدير ان يشفيك من كل سو شفاءً لا يقادر سقما
                    وان يتمم زواجك على خير ويجمع بينكم في خير ويرزقكم الذريه الصالحه

                    اختي بارك الله فيك

                    ارى والعلم عند الله ان هناك علاقه بين المرض وشهر 12
                    وهذا يوحي ان هناك احد امرين :
                    اما انه مس من جان واما ان تكون عين حاسد
                    وعليك بالرقيه الشرعيه
                    فهي مباركه باذن الله
                    وعندنا بالمنتدى الاخت محتسبه جزاها الله خير بامكانك التواصل معها
                    ووصيتي لك ان توكلي على الله وابدأي بالرقيه وضعي ثقتك بالله
                    بأنه الشافي المعافي

                    موفقه خير ان شاء الله
                    لـِنكُنْ آروَاحْ رَاقِـيَـة

                    نَتسـامْى عَنْ سَفـاسِفَ الـَأمُـورْ وَعـَنْ كُـلْ مَـايَخِدشُ نـَقائنـا
                    نًحترِمْ ذآتنـَا وَنـَحتـِرمْ الغَـيْر .. عِنـدَمـْا نتـَحدثْ نتحَـدثْ بِعُمـْق
                    نـَطلبْ بـأدبْ .. وَنشُكر بـِذوَقْ .. وَنـَعتذِرْ بِـصدقْ
                    نتـَرفـْع عَـن التفَاهـَاتـْ والقِيـلَ والقـَالْ .. نُحِبْ بـِصَمتْ وَنغَضبْ بـِصَمتْ
                    وإنْ آردنـَا الـَرحِيلْ .. نَرحـَلْ بـِصَمتْ

                    تعليق


                    • حجم الخط
                      #11
                      رد: قصتي بين يدينكم ..لاتبخلون علي برايكم

                      شمس
                      جزاك الله خير وخيتي ,, طيب تهقين وزارة الصحة
                      بتعجل باوراقي لو ارسلتها
                      لاني مثل ماقلت ودي هالفترة




                      بنت مكة
                      امين يارب الله يجزاك خير
                      انا قبل سويت مثلك تحويل من مستوصف الحي بس تخيلي
                      اخذت موعد بعد شهر ولمن قابلت الدكتورة قالت نسوي اشاعة ونشوف
                      والاشاعة صار موعدها بعد شهر قلت مو مشكلة نصبر ويوم جاء موعدها و جيتهم كان قبل العيد باربعه ايام
                      قالو والله كل نفر فالقسم اجازة مافيه احد .. دخلت على الدكتورة قلت ماسويت موعدي حاطينه وقت اجازتهم
                      المهم تعطيني موعد ثاني بعد شهر والاشاعة قبله بساعة
                      وقسم طقت تسبدي منهم فعشان كذا يوم اسئلكم فيه طريقة اروح للحكومي غير كذا ؟!!
                      يمكن يهتمون شوي ويعطونا وجه :(
                      ماقصرتي وخيتي




                      بصمة خير
                      الله يجزاك خير
                      كلامك مهم جدا ولي تواصل معك ان شاء الله بالخاص
                      بنشبلك بالاسئله




                      ام خالد
                      خوفتيني منها كنت متفائلة فيها اكثر :(
                      انا عارفة نفسي استمر شهور وش حلاتي لكن اوقات اهمل
                      عشان كذا ابي اسوي شي غير اني استخدم علاج
                      شوفي حتى على اني مقتنعة بان شي بالراس خطر الا ان هالعملية ماقدرت اقنع نفسي انها خطرة
                      لان مجربة علاج وكذا فاابي بديل عرفتي
                      جزاك الله خير وخيتي كلام سليم





                      غاردينا
                      امين يارب الله يجزاك خير


                      زهرة الياسمين
                      خلينا نوصل لو لدكتور الحين
                      يعطيك العافية



                      ابوسعيد
                      قبل كل شي والله كنت حريصة على انك تشوف موضوعي
                      لاني من دخلت المنتدى قارية نوع الاعاقة عندك

                      وبالنسبة لحالتك اسال الله يشفيك شفاء لايغادر سقما
                      اي والله الحمدلله على كل حال
                      بالنسبة للجهاز سالت عنه بس قالت لا مولك لحالات اصعب وكنت مصره عليه فوقتها
                      بس رفضت

                      مادري وش نوع الصرع لكن حسب فهمي ان العام غياب فالوعي والا ؟ اذا صح فانا كذا
                      كيف احول ملفي للحكومي ؟؟

                      امين يارب الله يجزاك خير


                      المغامر
                      يعطيك العافية ماقصرت اخوي
                      لاتوسوس بي تكفى تراي على الريحة new8
                      ماجنن اهلي الا وساويسي واوهامي
                      شف من زود ماني بوسوس واصدق مره قلت لاهلي شكل فيني غده وكان حلقي منتفخ بشكل ملاحظ
                      وطول الوقت ماسكة رقبتي وخيالي رايح معها قال اخوي اسمعي تبين تتاكدين فيك غده والا لا قلت ايه
                      قال مدي يدك واسترخي تحسين تتنمل؟ اذا تنملت فانتي فيك غده؟ واذا لا مافيك الا العافية وامدها الا والله احس انها تنملت
                      قلت ايه تتنمل قال والله مانملها الا الاوهام اللي براسك اللي خلتك تصدقين ان يد تنملت لوانها ماتنملت

                      عموما لي تواصل ان شاء الله مع الاخت
                      والله يجزاك خير

                      تعليق


                      • حجم الخط
                        #12
                        رد: قصتي بين يدينكم ..لاتبخلون علي برايكم

                        اللهم اشفها وعافها واعفو عنها ورد اليها عافيتها وازل عنها البلا ياسميع الدعاء
                        اللهم انا نسالك لها الشفاء العاجل اللهم انت اللطيف بعبادك فالطف بها ولاترينا فيها مكروه

                        اللهم اشفها انت الشافي لاشفاء الا شفاءك شفاء لايغادر سقما
                        اللهم اشفها انت الشافي لاشفاء الا شفاءك شفاء لايغادر سقما
                        اللهم اشفها انت الشافي لاشفاء الا شفاءك شفاء لايغادر سقما



                        ” اللّهٌمْ أجْمَعْ قٌلوّبنَا عَلى طَاعَتگ وَ إجْمَعْ نٌفٌوسَنَا عَلىِ خَشّيتگ

                        وَ أجْمَعْ أرْواحَنا في جَنَتگ “

                        تعليق


                        • حجم الخط
                          #13
                          رد: قصتي بين يدينكم ..لاتبخلون علي برايكم

                          السلام عليكم ربي يشفيك وعافيك انا مصابه بمرض الصرع قبل ثلات سنوات الصرع بس وقت النوم والعلاج انا اخذو بانتظام مايثبت بالدم صرت اكل ست حبات باليوم ثلاث في الصباح وثلاث مساء مافي عامل وراثي الحمد الله وانا امشي مايجني شي بس عند النوم ارجوا منك من سمع مثل هذه الحال يرد علي وشكراااا

                          تعليق


                          • حجم الخط
                            #14
                            رد: قصتي بين يدينكم ..لاتبخلون علي برايكم

                            الله يشفيكم
                            إِنْ لَمْ يُسْعِدَكَ أَحَدْ فَحَاوِلْ أَنْ تُسْعِدْ نَفْسَكْ فَلآ تَعتَمِد عَلَى الغير فَهُوَ نَادِرْ..وَلآ تَعتَمِد عَلَى غَرِيْبْ ..

                            فَهُوَ غَادِرْ لَكِنْ إِعتَمِد عَلَى الله فَهُوَ قَاااادِرْ....

                            تعليق


                            • حجم الخط
                              #15
                              رد: قصتي بين يدينكم ..لاتبخلون علي برايكم

                              ماعندي خلفيه عن هالشيء والله يشفيك



                              لاغشاك الليل واسرف بك الحزن العميق
                              جنب وجيه البشر واسجد لخالقها
                              .................................

                              تعليق

                              تم تخطي القطعة Those who read this thread (widgetinstanceid: 204) بسبب تعطيل المنتج yilmazxviewing.
                              Loading...


                              يعمل...
                              X