رد: الي عندة انيميا منجلية يتفضل

الي اعرفة يا اخوي ان اصابك مع مرض الانيميا المنجلي ، احتكاك بمفصل الحوض يعني اعاقتين وانت لما تقدم ويعرضونك على اللجنة الطبية وتدخل على الدكتور لاتجلس ساكت وانا اخوك لا قوله معي الانيميا ومعي احتكاك وتاكل وتنخر وسبب لي تعب ويعيقني عن الحركة ولا اقدر اعمل واذا تستخدم العكاز اوقات اخذها معك وبكذا يكتب لك بالتقرير انك مصاب بالانيميا وكذلك التاكل ويسبب عدم المقدر على المشي الا بصعوبة او راح يعرضك على طبيب عظام ولما تدخل على الطبيب برضوا اشرح له مرضك ولا تخاف وقل كل ماتحس به وخلك مع الدكتور جاد يعني هذا حقك وتاكد ان شاء الله اذا الدكتور ذكر مع الانيميا ان معك تاكل وكذا راح يصرفون لك ويضعونك عجز كلي

رد: الي عندة انيميا منجلية يتفضل

مرحبا اخوي سامي

بالنسبة للتقرير الطبي عندي تقريرين
واحد يثبت انه عندي انيميا منجلية
الثاني يثبت انه عندي التهاب وتاكل في عظمة الحوض وحتكاك وعجز في الحركه ويحتاج عملية تبديل مفصل

كل مره اروح وقدم اوراقي على الضمان وخلص طلباتهم في الاخير يتم تحويل على الجنه الطبيه اروح ومعاي التقررين وادخل على الدكتور المصري وعطيه جميع الاوراق بما فيهم التقررين ويسالني وش عندك ؟ اقول له عندي انيميا منجليه وعندي تاكل في عظام الحوض وحتكاك يقول لي عندك تقرير بذالك اقول له التقارير قدام وعلى فكره ادخل وانا بيدي العكاز ( العصى ) يقول لي خلاص مع السلامه
طبعا انتظر ثلاثه شهور او اكثر لين توصلني رساله من الضمان بوصول البطاقه وتفاجا انه تم منحي عجزمؤقت لمدة سنه او سنتين فقط
وكل مره على هالحاله تنتهي مدة عجز الموقت ويتم وقف المعاشر الشهري ( فتات ) وجلس انتظر 4 شهور لين يصرف لك والواحد لاوظيفه ولاشي وين يقدر يدبر اموره ( حسبي الله ونعم الوكيل على كل ظالم ياكل حق لنا ) طبعا كذا مره احتج وكلم الدكتور او احد الموظفين الي بالجنه الطبيه يقول لي احنا مالنا شغل هذا من عند الوزاره هي الي تعطينا التعليمات وللاسف كثير عندهم نفس حالتي انيميا وتأكل في المفاصل والجنه الطبيه تظلمهم نفس ماتظلمني عجز مؤقت سنه او سنتين طبعا هذا الكلام في الاحساء باقي المناطق ماعندي علم
من كذا طرحت هالموضوع ابي اعرف هل باقي المناطق يعطى مريض الانيميا المنجليه عجز موقت او عجز كلي ؟؟

رد: الي عندة انيميا منجلية يتفضل

الله يشفيك ويعافيك
التأهيل تقدر تقدم على مركز خارج منطقتك عادي لكن الضمان فيه تعقيد
فحتى لو لقيت مكتب يعطي عجز كلي فما تقدر تنقل له إلا إذا نقلت ملفك وسكنت خارج منطقتكم وقدمت على مكتب المنطقه الجديده