أفكاري وأفكاركم للقضاء على تواجد الخادمات في منازلنا

[صديقة ذوي الإعاقة]

أفكاري وأفكاركم للقضاء على تواجد الخادمات في منازلنا

السلام عليكم ورحمة الله وبركاته

بسم الله الرحمن الرحيم

أخواتي الفراشات والله قبل فترة تكلمت مع زوجي
طبعاً أنا ماعندي شغالة كل شغل البيت أنا اللي أسويه ولله الحمد
المهم قلت لزوجي إني حتى لو رجعت السعودية إن شاء الله
ماأبغى أجيب شغالة
لأني وربي انفجع من القصص اللي أقراها عن الخادمات
من سحر وحسد وإغراء للأزواج ...إلخ من مشاكلهم اللي ماتنتهي
اللي لفتني في الأمريكيات جاراتي وغيرهم ماعندهم شغالات
ومو كلهم أزواجهم يساعدوهم
وحياتهم منظمة ومرتبة بشكل دقيق جداً
أنا أقول لكم كيف
مدخلين التكنولوجيا في حياتهم بالطول والعرض وهذا اللي مريحهم
يعني مثلاً بدل ماتقضي ساعة أو ساعتين في غسل الصحون والقدور
تحطهم كلهم في غسالة الصحون dishwasher
وفي أقل من ساعة ينتهي الموضوع
والله بقيمة الإستقدام والفيزا حقت الشغالات لا وراتب كل شهر
ومبلغ وقدره !
حطوا فلوسكم في غسالة صحون تجلس معاكم بالسنين
أوفر وأنظف وخاصة البعض يقولوا مايجيبوا الشغالة إلا لغسل
الصحون والقدور أنا أشوف الغسالة أوفر بكثير

وفي المطبخ بالنسبة لتقطيع البصل وهرس الثوم والخضار
معروفة الأجهزة المريحة ماتاخذ ثواني

بالنسبة لأكبر مشكلة تطفشنا الغسل والكي
أفضل حل لها غسالة تصرف المويه بشكل أتوماتيكي
بدل العصر والتعب
بمجفف حراري
والأفضل يكون لها مكان مستقل وليس الحمام
الحمامات ماهي ناقصة زحمة
إلا في حالة يكون الحمام كبيييييييير
أكرمكم الله
أنا عندي في البيت دولاب في الجدار زي المخزن فيه الغسالة والمجفف
بيكشترز لعيونكم

بالنسبة للكي
موجودة في السعودية المكواة البخارية زي اللي موجودة في
المغاسل الأتوماتيكية بس مصغرة حلوة لكوي ملابس السهرات
أو الثياب الرجالية لأني عارفه أكثر شي متعب الثياب تطفش

وهذا شكلها

​

 

[صديقة ذوي الإعاقة]

رد: أفكاري وأفكاركم للقضاء على تواجد الخادمات في منازلنا

أو المكواة البخارية المصغرة

ممتازة تكوي حتى الستاير

الكنس وغسل السيراميك
طبعاً توجد هناك مكانس خاصة لهذا العمل

والأطفال

علميهم الترتيب من صغرهم
أهم شي يكون عندك صندوق كبيييير خاص للألعاب
بحيث بعد اللعب توريهم كيف يرجعوا الألعاب إلى المكان المخصص لها

حطي لهم علاقات يوصلوا لها عشان يتعلموا
كيف يحطوا أغراضهم وملابسهم الشتوية عليها

لو كان عندكم حديقة حوش فناء ساحة backyard >>> ماخلت اسم خخخ
حطي لهم بيت صغير يلعبوا فيه وإنهم المسؤولين عن البيت ونظافته
عشان تربي فيهم الشعور بالمسؤولية والتنظيم من الطفولة
وكمان عشان تشغليهم مايكونوا فاضيين عندك ومضاربات ومشاكل
ومايكون عندهم وقت فراغ ويوسخوا البيت

نظمي أوقاتهم بين القراءة
طبعاً ماننسى حفظ القرآن الكريم في الصغر سهل ومشوق لهم
وقراءة القصص الملونة المصورة
والألعاب الإلكترونية
حطي لهم رفوف للكتب والألعاب

وبهذي الطرق إن شاء الله ماتحتاجي شغالة أبداً
التكنولوجيا مع شوية تنظيم وترتيب من أفراد البيت وليست الأم فقط هي المسؤولة
تجعل البيت أكثر نظافةً ورونقاً >>> متعوب عليها
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 550x550 .

 

[حلوة عذاريب]

رد: أفكاري وأفكاركم للقضاء على تواجد الخادمات في منازلنا

[align=center]أفكار حلوووة
بالنسبة لي ما أقدر استغني عن الشغالة أبدآ بسبب ظروفي الصحية
/
شكرآ بصمة

[/align]