الإعاقة الفكرية المتوسطه عجز مؤقت أو دائم؟

[إبريز]

السلام عليكم ورحمة الله وبركاته
عندي اخ عمره 38 سنه
اعزب
غير موظف
عنده إعاقة فكريه متوسطه من الولاده ودرجة الذكاء 45
يستلم من التأهيل
وقدمت له على الضمان ومستشفى الصحة النفسية كتب في التقرير عجز مؤقت طبعا الدكتور ماشافه
ولا كشف عليه بهالتقرير نهائي
رغم انه المستشفى نفسه كتب بتقرير قبله للتأهيل والمحكمة
انه دائم وغير قادر على العمل ومعتمد على الغير وبموجبها طلعت صك ولاية عليه
هل يحق لي أراجع المستشفى واطلب تغيير التقرير لدائم؟
أنا خلاص قدمت التقرير الاخير للضمان لكن موضوع انه مؤقت متعب لي وله
وغير الي فهمته انه ماينحسب بالزيادات ولايقدر يقدم في آلمقطوعه؟

 

[ضوء القمر]

رد: الإعاقة الفكرية المتوسطه عجز مؤقت أو دائم؟

دامك قدمتي عليه على الضمان صبري وشوفي أيش خلاه اذا عجز مؤقت تقدرين تغيرينها تالي بتغيير التقرير
بس اذا عمره 38 وعندك صك ولايه تطمني راح يخلونه عجز دايم لانك انتي عندك صك ولايه له يعني مايدرك بأموره الشخصية والله أعلم

في واحد أعرفه مسجلينه إعاقة فكرية ومخلينه عجز دايم وراح للشؤون مسكين يبي يقدم له ضمان لانه على قده وتفاجأ انه مسجل من ثلاث سنوات وعجز دايم ونزلت له ثلاث مقطوعات وغير الاسياء الثانية اذا احد تبرع للضمان وهكذا

طبعا انا موديه للضمان بنفسي وعنده بطاقة شخصية ومافيه الا العافية بس فيه تكسر دم فقط

المهم الموظف قلت له طيب نبي نطلع بدل فاقد للبطاقة ههههههه بم انه أموره في السليم وطبعا عرفنه ان خاله عنده ولايه صك عليه وعلى اخوانه وخواته وهو مايدري وخاله مقدم له قلنا نطلع بدل فاقد قال الموظف مستحيل لازم ولي أمره اللي هو عنده صك ولايه عليه المهم خاله نكر وراح علطول الضمان وفصله ههههههه انا أنقهرت ومالي دخل

طلع خاله نصاب وماعلمهم وكل المبالغ اللي ياخذهم له ويعطيهم بالشهر طفسه علسم يساعدهم
الزبده الواسطه وماتسوي للأسف

 

[معاند الضيم]

رد: الإعاقة الفكرية المتوسطه عجز مؤقت أو دائم؟

السلام عليكم ورحمة الله وبركاته
عندي اخ عمره 38 سنه
اعزب
غير موظف
عنده إعاقة فكريه متوسطه من الولاده ودرجة الذكاء 45
يستلم من التأهيل
وقدمت له على الضمان ومستشفى الصحة النفسية كتب في التقرير عجز مؤقت طبعا الدكتور ماشافه
ولا كشف عليه بهالتقرير نهائي
رغم انه المستشفى نفسه كتب بتقرير قبله للتأهيل والمحكمة
انه دائم وغير قادر على العمل ومعتمد على الغير وبموجبها طلعت صك ولاية عليه
هل يحق لي أراجع المستشفى واطلب تغيير التقرير لدائم؟
أنا خلاص قدمت التقرير الاخير للضمان لكن موضوع انه مؤقت متعب لي وله
وغير الي فهمته انه ماينحسب بالزيادات ولايقدر يقدم في آلمقطوعه؟

وعليكم السلام

اكيد خطأ من الدكتور
الاعاقات الفكرية كلها تعتبر عجز دائم وليس مؤقت

انتظري قبوله النهائي بالضمان وبعدها ارجعي للدكتور يصلحها

اموركم طيبة ان شاء الله

 

[إبريز]

رد: الإعاقة الفكرية المتوسطه عجز مؤقت أو دائم؟

الله يجزاكم كل خير
بإذن الله اذا نزل الضمان
راجعت المستشفى ويارب يتجاوبون معايا