اشعارات

الي قدم على شغاله ياليت يدخل ؟؟

ر

ريتاج تبوك

New member
بسم الله الرحمن الرحيم
السلام عليكم ورحمة الله وبركاته

اخواني واخواتي بهذا المنتدى

تم ابلغيعن طريق اخي جبل باني استحق التقديم على شغاله


سوال 1:- عندما اخذي للفيزا كم تاخذ الشغاله تجي وهل انا احدد الجنسية ؟؟ زماهي افضل جنسيه سيرلانكيه ارخص ؟؟


سوال 2:- ومكتب في اي منطقه اقدم ولازم منطقه محدده ؟؟
 
رد: الي قدم على شغاله ياليت يدخل ؟؟

وعليكم السلام ورحمة الله وبركاته
الأخ جبل ذكر لك طريقة التقديم في مركز التأهيل الي إنتِ مسجله فيه ولما تجينهم للموعد بيعطونك خطاب موجه لمكتب الإستقدام الحكومي والي بياخذ التأشيره منهم لازم يكون معه تعريف بالراتب ومن الأهل وإذا شخص من غير الأهل لازم توكيل من المحكمه
علّمي الي بياخذ التأشيره عن الجنسيه الي تبينها قبل ما يروح لمكتب الإستقدام الحكومي لأنهم بيسألونه هناك
بعد ما تاخذين التأشيره تروحون أي مكتب إستقدام أهلي تبونه وتقدمون عندهم
بالنسبه للجنسيه ومن أفضل فهذي توافيق من الله يعني إنتِ وحظك فيه ناس مرتاحين مع السرلنكيه وناس لا ونفس الشي باقي الجنسيات المسموح بإستقدامها كعاملات منزليات لكن إسألي حواليك من أقاربكم وجيرانكم عن المكاتب الي معروف عنها إنها تجيب عاملات محد قد أشتكى منهم أو الشكوى منهم قليله
أما عن المده والتكاليف الماديه فهذي تسألين عنها المكاتب الأهليه الي عندكم في تبوك بس نصيحه ما تتعاملين إنتِ مع المكاتب خلي أي رجال وشخصيته قويه هو الي يخلص لك الموضوع
وزارة العمل حاطه موقع إسمه ((( مساند ))) مخصص لمكاتب وشركات الإستقدام في مناطق المملكه بس تحددين المنطقه الي تبينها وتطلع لك كل المكاتب الي مسجله مع وزارة العمل وأنا أنبهك ما تتعاملين إلا معهم حتى ما تصير لك مشاكل إنتِ في غنى عنها
هذي المكاتب الي في تبوك وعددها 5
http://www.musaned.gov.sa/PrivateRecruitment/PrivateRecruitmentOffices/12
في كل الأحوال إنتِ حره إذا تبين هذولا المكاتب ولا غيرهم شي راجع لك وربي ييسر أمرك
 
رد: الي قدم على شغاله ياليت يدخل ؟؟

لهند 25000 راتب 1200من 4-6شهور
الفلبين 22000 راتب 1500 الوقت مفتوح
فيتنام 23000 راتب 1200 الوقت من 4-6 شهور
المغرب 14000 راتب 1500 الوقت شهرين
معقوله كذا الاسعار غاليه طيب كيف ادفعهم انا 25000
 
رد: الي قدم على شغاله ياليت يدخل ؟؟

تسلمين يالغلا ربي يحفظك
يا زين أيام أول يوم كنا نستقدم بال8000 و9000 غير التأشيره ونقول كثيره
عندنا الفلبينيه تبدا من 14000 وفوق وغيرها من 19000 وفوق عشان المكاتب عندنا أكثر من الي عندكم ففيه شوي تنافس
دول كثير رفضت تصدر لنا الخادمات بسبب السمعه الي انتشرت عن السعوديين إنهم يسيئون للعماله فصار الإستقدام بس من 4 أو 5 دول وضاع التنافس الحقيقي بين المكاتب والي كان المفروض يأثر على الأسعار فصار كل مالها تزيد 😔 ومهوب كل المكاتب تستقدم من هالجنسيات كلها فبعضهم مخصص للإستقدام من بلد معين
الدول الي قبلت تصدر عمالتها إستغلوا الوضع وأملوا شروطهم علينا في صالح عمالتهم وضد المواطن وشاركتهم في هالشي وللأسف مكاتب استقدامنا و المبلغ موزع على 3 على المكتب السعودي عندنا ومكتب الدوله المصدره ((( والسماسره هناك وهذولا هم البلاء بعينه )))
لو تدرين كم اسعار التنازل ونقل الكفاله بتروحين تنتحرين مع إن بعضهم راح من مده إقامته كم شهر أو سنه يعني المفروض يقل السعر لكن الحاصل عكس كذا
في ناس تروح تستقدم بنفسها من ذيك الدول وهذا أقل في التكاليف بس يعتمد على إختيار مكاتب موثوقه و معروفه ومعتمده عند سفارتنا عشان لو صارت مشكله مع المكتب ما تضيع حقوق الواحد لأن النصب والإحتيال مشهور ووارد والله يعين من طاح في حبايل النصابين هناك
وفي ناس يستقدمون للناس من دون ما يكون لهم مكاتب ومشهورين بهالشي وهذي في رأيي الشخصي مخاطره لأن المبلغ الي يطلبه نفس مبلغ المكاتب عندنا ولا يضمن إلا إن الخادمه مافيها مرض أو حامل يعني لو انحاشت ماله دخل وتروح فلوس الواحد أدراج الرياح
دول الخليج أحسن منا حال في استقدام الخادمات لأن الدول الي تصدر لهم العماله كثير ففيه تنافس فصار الإستقدام أرخص والرواتب أقل وبشروط دول الخليج مهوب بشروط الدول المصدره


الشي بالشي يُذكر وعلى طاري الخادمات والعماله أبكتب شي في نفسي واعتذر إن طولتها وهي قصيره 😊
يؤسفني إن فيه ناس الله يهديهم أساءت لسمعتنا بتصرفاتها مع العماله من ناحية المعامله و من ناحية تسليم الرواتب في وقتها والرسول صلى الله عليه وسلم يقول عن العماله ( إخوانكم خولكم قد جعلهم الله تحت أيديكم فمن كان أخوه تحت يده فليطعمه مما يأكل وليلبسه مما يلبس ولا تكلفوهم ما يغلبهم فإن كلفتموهم فأعينوهم ) وحتى لو كان العامل مهوب مسلم فيعتبر أخ في الإنسانيه وبشر يحس ويشعر ومتغرب عن أهله عشان لقمة العيش يعني معقوله يا عالم خادمه تقوم الساعه 6 الصبح ولا يسمحون لها بالنوم إلا في 1 نصف الليل ولو تدزها طاحت مثل الجدار من التعب وتصير نفسيتها زفت و المفروض تنوم 8 ساعات مثل كل الناس عشان تقوم نشيطه هذا غير الإهانه وممكن يتعدا هالشي للضرب 😔
بالنسبه للراتب الرسول صلى الله عليه وسلم يقول ( أعطوا الأجير أجره قبل أن يجف عرقه ) والمشاهد من بعض الناس للأسف إنه يحبس راتب العامل كم شهر بحجة إنه ما ينحاش أو يماطل وتجتمع على بعضها وبعدين معد يقدر يدفعها فتصير مشاكل وتنرفع السالفه للشرطه وسفارة العامل يعني دافعها دافعها فليش المماطله ترا ما جاء عندنا متطوع فهذا حقه ولازم ياخذه تعويضاً عن عمله ولا ينسى الواحد إن العامل ما تغرب إلا عشان يصرف على أهله وعياله وحبس الراتب يخليهم في عازه وفقر فعائلهم مهوب موجود والمصروف الي يعتاشون منه مهوب موجود فكيف بتكون حالتهم وأتمنى الواحد يحط نفسه في هالموقف الله لا يحدنا ويرزقنا الأمن والأمان ورغد العيش
العامل وخصوصاً الخادمه سلاح ذو حدين تستفيد منه لكن ممكن ينقلب عليك وحش ويسبب لك مشاكل ممكن توصل للسحر أو القتل بأي طريقه
من تجربه شخصيه مافي مثل المعامله الحسنه مع الخادمه وتسليمها راتبها كل شهر حتى انكفي شرها وتمشي الأمور من دون مشاكل أنا جايبتها تخفف عني وتعيني مهوب اتمشكل وياها وأزيد همي هم
ما أقول غير الله يصلح الحال وربي ييسر أمرك وتحصلين الخادمه الي تبين
 
رد: الي قدم على شغاله ياليت يدخل ؟؟

شكرا لك اختي نجمه وفعلا كل كلمه قلتيها وانا من النوع احب اتعامل الخادمه كنها اختي

لكن سوالي لش التاهيل مايدفع المبلاغ كامل وانا علي الراتب يعني مثل الهنديه هذي يقول بدون تاشيره تصير عليك 23000 من وين اجيبها وانا ضعي مايسمح ومحتاجتها

معقوله مافي بحدود 5 الالف
 
رد: الي قدم على شغاله ياليت يدخل ؟؟

العفو
الجميع يطالب ويتمنى إنهم يتحملون قيمة الإستقدام أو على الأقل نصفه لكن أتوقع وممكن أكون غلطانه لو يدرون إن الدوله بتتحمل التكاليف بيزيدون المبلغ أكثر
الأشياء الحكوميه هي الي تتحملها الدوله وغير كذا لا
بذا السعر الي ذكرتيه وأقل منه بتلقين عمال سواقين وخدم وما يتأخرون في الجيّه للمملكه أما العاملات فغالين ويتأخرون وخصوصاً الفلبينيه
 
رد: الي قدم على شغاله ياليت يدخل ؟؟

انا ابي شغاله كيف خدم اقل مفهمت علي تعبتك والله معي وغثيتك

وحبيت اسئل بخصوص انا ادرس انتساب في جامعه فيصل هل يمكن ان لتاهيل تتكفل لي بها
 
رد: الي قدم على شغاله ياليت يدخل ؟؟

فاهمتك الله يرضى عليك بس قصدي إن المبلغ الي إنتِ ذاكرته 5000 وأقل من هالمبلغ إذا بغيتي 2500 عند بعض المكاتب يجيب خادم أو سواق أما خادمات مستحيل
تخيلي عاد جايبه خادم :cursing:
بالنسبه للتأهيل والجامعه ما عندي خلفيه عن هالموضوع وبإذن الله يجي من يفيدك أو هذا منتدى المنتسبين في جامعة الملك فيصل سجلي عندهم واسأليهم
http://www.entsab.com/vb/index.php
 
رد: الي قدم على شغاله ياليت يدخل ؟؟

فهمت عليك والله يعطيك العافيه طبعا انا ادرس بالجامعه والان اختباراتي دعواتكم لي
 
رد: الي قدم على شغاله ياليت يدخل ؟؟

الله يعافيك ودعواتي لك بالنجاح والتوفيق في الدنيا والآخره 🌺
 
رد: الي قدم على شغاله ياليت يدخل ؟؟

السلام عليكم ورحمة الله وبركاته

بالنسبة للجامعة تعفيك من الرسوم باذن الله

ادخلي علي ايقونة الاحتياجات الخاصة وقدمي الطلب وراح يردون عليك باذن الله
تستاهلين كل خير


دمتم بود
 
رد: الي قدم على شغاله ياليت يدخل ؟؟

اخواتي أنا قدمت على كينيا التأشيرات التأهيل واعطيتهم 9500مكتب الحماد بالرياض يعد ارخص من غيره والله يعينا جميعا جيتها قالو ماتتعدا 3شهور والله أعلم
 
رد: الي قدم على شغاله ياليت يدخل ؟؟

أيوب العمري
كينيا وغانا متوفرين عند بعض المكاتب والإقبال عليهم قليل لأن الإثيوبيات والي سووه مع عيالنا خلا الناس تخاف من الاستقدام من أفريقيا
هم الي رقمهم يبدا 23 وينتهي 8 أبي أنحاش من المخالفه 😄
عشان نسأل عن الباقين يمكن أسعارهم أرخص شوي من غيرهم
 
رد: الي قدم على شغاله ياليت يدخل ؟؟

الفلبينيه في منطقه تبوك ب25 الف وبالرياض ب15 الف اتوقع الرياض ارخص
وهل المكتب الي قدمت فيه سمعته زينه
انا اريد مكاتب بالرياض سمعتها زينه
 
رد: الي قدم على شغاله ياليت يدخل ؟؟

يمدحون مكتب سامي المشرف بس ما سبق لنا وتعاملنا معه
تخصصهم الفلبين فقط ويجيبون الخادمه في 5 شهور تقريباً وراتبها 1500 وقيمة الإستقدام 16000
 
رد: الي قدم على شغاله ياليت يدخل ؟؟

نجمه طلعت تاشيره سيرلانكيه وبكره بقدم عليها لان راتبها ارخص بحسب ميزانيتي
والله يسر الامور لنا
 
رد: الي قدم على شغاله ياليت يدخل ؟؟

الحمدلله الله يعطيك خيرها ويكفيك شرها
مقارنة بغيرها هي أرخص في الراتب 900 بس استقدامها مرتفع أو عندكم قيمة الإستقدام أقل من عندنا ؟
في النظافه ما في مثل الأندونيسيات لكن عيوبهم غطت على هالحسنه والحمدلله إن الإستقدام من عندهم متوقف
كل جنسيه ولها عيبها و الخادمات شر لابد منه ولوما الحاجه ما استقدمناهم
آمين الله ييسر أمركم ويعجل بجيتها و على حسب ما سمعت إنها تاخذ من 6 ⬅ 8 شهور
 
يجب تسجيل الدخول أو التسجيل كي تتمكن من الرد هنا.

عودة
أعلى