التقرير !

[هجور]

السلام عليكم
قبل يومين جاتني ملاحظه اني ارفق تقرير مره ثانيه
علما اني ارفقته من قبل وكان قبل رمضان باقي ثلاث شهور ويزيد ع الست الشهور بس مدري من شروط كم شهر هل سنه ولا اقل اقصد ع مده التقرير ارفقته مره ثانيه ومعليش الكلام ملخبط لان الصراحه طفشنا من البهذله هاذي
وش اسوي الحين ع ان التقرير مضبوط بس مدري ليه جات ملاحظه

 

[ابوعبدالمجيد]

رد: التقرير !

وعليكم السلام ورحمة الله وبركاته
من شروط قبول التقرير الا يتجاوز ستة اشهر من تاريخ ارفاق التقرير.

 

[هجور]

رد: التقرير !

طيب انا وش ذنبي اذا هم تاخرو ب الرد وغير كذا تو تجي الملاحظه حتى لو اشتكينا الف عذر وعذر

 

[غنى]

رد: التقرير !

صادقه تقرير امي كمل 6 شهور الحين شلون[emoji174]


أرسلت بواسطة iPhone بإستخدام السعودية لذوي الاعاقة

 

[غنى]

رد: التقرير !

ابو عبد المجيد تكفا رد علي تو انتبه لسالفة تاريخ التقرير منتهي له شهر وش الطريقه الحين بيرجعوني[emoji174]والتاهيل عادي اي مركز اراجعهم


أرسلت بواسطة iPhone بإستخدام السعودية لذوي الاعاقة

 

[مستفيد من التاهيل]

رد: التقرير !

وعليكم السلام ورحمة الله وبركاته
من شروط قبول التقرير الا يتجاوز ستة اشهر من تاريخ ارفاق التقرير.

الظاهر والله اعلم يابو عبدالمجيد انهم غيرو شرط الا يتجاوز سته اشهر دخلت على الموقع وحصلتها 12 شهر

سته اشهر حذفوها من شروطهم المكتوبه بالموقع

وهذي هي الشروط :

( الرجاء إرفاق صورة التقرير الطبي، مع مراعاة أن تنطبق عليه الشروط التالية:
1- أن يحتوي التقرير الطبي على البيانات الشخصية للمستفيد، وأن يكون موقَع ومعتمد من الجهة مصدرة التقرير.
2- ألا يكون قد مضى أكثر من 12 أشهر على تاريخ إصدار التقرير.
3- أن يكون التقرير صادرا من إحدى المستشفيات المعتمدة من الوزارة.
4- أن يكون التقرير الطبي ملون وواضح.
5- بالنسبة للمصابين بإعاقة بتر في الأطراف يجب أن يحتوي التقرير على تحديد مستوى البتر .
6- يجب أن يحتوي التقرير الطبي على تاريخ حدوث المرض أو الإعاقة.
7- في حالة الإصابة بأمراض الدم يجب إرفاق استمارة أمراض الدم الوراثية، يمكن طباعة نموذج الاستمارة من هنا
8- أن يحتوي التقرير الطبي على معلومات الإعاقة أو المرض وفق الجدول التالي )

 

[غنى]

رد: التقرير !

اخواني الي عنده اطفال معاهم ضعف نظر وانحراف ونقص كالسيوم هل لهم اعانه


أرسلت بواسطة iPhone بإستخدام السعودية لذوي الاعاقة

 

[فارس العتيبي]

رد: التقرير !

عذبوا المساكين حسبي الله ونعم الوكيل
انا وقفوا اعاني عشان زيادة 4 ريال في تقاعدي
حسبي الله ونعم الوكيل
ظـــــــــــــــــــــــــــــــــــــــلم ظلم ظلم

 

[هجور]

رد: التقرير !

الشكوى لله
المشكله ليتهم يصيرون واضحين نجي نكتب مواضيع والحين اقرا ف مواضيع ثانيه قال خلل بالموقع طيب انا رفقت تقرير كان من البدايه قلتو تخلونا بس كذا م ندري وش السالفه

 

[حممممممم]

رد: التقرير !

صح نفس اللي حصل معي الرجاء اعادة رفع التقرير وانا سبق ورفعته ب رمضان الحين وش الحل هل هو خلل صحيح او نرجع نرفع التقارير مره ثانيه ياليت اللي عنده علم اكيد يرد علينا تهنا والله

 

[سراب الامل]

رد: التقرير !

حتى طالع لي تحدث ع اني حدثت التقرير
بس مو اهو مرة وحدة

 

[غنى]

رد: التقرير !

الله يسعدكم ابو عبدالمجيد وجبل شوفو هذي اول كان فيه ملاحظه واليوم مكتوب تم القبول الاعتراض


iPhone السعودية لذوي الاعاقة

 

[غنى]

رد: التقرير !

تتوقعون ايش بينزل ولا لا


iPhone السعودية لذوي الاعاقة

 

[الحور]

رد: التقرير !

طيب انا حدثت ورحت الكشف والحين دقوا علي ساند قالوا ارجعي احجزي موعد علشان تشوفك الدكتوره قلت شافتني الاسبوع الي فات قالت لا ارجعي احجزي وش السواه

 

[الحور]

رد: التقرير !

بالله اذا احد يعرف يرد علي

 

[انفاس]

رد: التقرير !

عفوا وش استمارة امراض الدم؟

 

[غنى]

رد: التقرير !

استماره موجوده ب المستشفيات اتوقع خاصه ب أمراض الدم


أرسلت بواسطة iPhone بإستخدام السعودية لذوي الاعاقة