اشعارات

التحديث

رعبوب

رعبوب

New member
السلام عليكم ورحمه الله وبركاته احد الاخوه كتب هنا تحديث الاعاقه المهم طلبت من المستشفى تقرير جديد وانا ماطلبوا مني التحديث اصلا بس اجتهاد مني الشاهد جتني ذي الرساله منهم…عزيزي المستفيد,الرجاء حجز موعد وزيارة الفرع مصطحبا أصل التقرير الطبي لاستكمال تقييم الإعاقة للطلب ***** ويمكن حجز موعد الزيارة عبر البوابة الالكترونية https://eservices.mlsd.gov.sa ولمزيد من المعلومات يرجى الاتصال على مركز خدمة العملاء ( 19911 ) وزارة العمل والتنميةالاجتماعية وانا صعب علي الحضور ماااقدر واكلمهم يقولون لازم تجين ابي حل تكفووون
 
رد: فزعتكم تكفون

رد: فزعتكم تكفون

ادخل على الموقع وسو تقييم الإعاقة من جديد وأرفق التقرير الطبي وان شاء الله تتسهل امورك
 
رد: فزعتكم تكفون

رد: فزعتكم تكفون

انت شف نوع المرض حسب جدول الإعانات اسم المرض وبجنبه التقرير المطلوب
 
رد: التحديث

يعني الله يعينك تودي معاك التقرير الطبي وتاخذ موعد للتأهيل عشان يشيكون عليك وماقالوا لك عليك مراجعة التأهيل الا أنهم مايبونك ترفق التقرير يمكن شاكين في شي مثلا ويبون يتأكدون بنفسهم

لا تخاف هذي إجراء روتيني

موفق وعلمنا شيصير معك
 
رد: التحديث

جزاك الله خير ليتني ماحدثت والله مشوار وتعب… تتوقعون يفصلوني لو مارحت
 
رد: التحديث

شي طبيعي يفصلونك اذا تأخرت

ليه ماتروح لهم طيب؟

تعب ساعة فقط وتالي برتاح إن شاء الله

أقول أترك عنك الكسل ورح لهم

أجل شقول للبنات او اللي مالهم غير الله ماعندهم أحد يرعاهم
 
رد: التحديث

رعبوب قال:
؟؟؟؟؟
اضغط للتوسيع...
أعتذر حسبالي أسم رعبوب أسم رجل

اي اقصدكِ إنتِ اذا ماحدثتي يمكن كلها شهرين الى ثلاث شهور ويوقفون عليتس الإعانة إن لم تبادري بالتحديث

بارك الله فيكِ
 
رد: التحديث

الله يستر والله ماافيه حل طيب يعني ممكن اجيب تقرير اوضح بدل اني اروح لهم او… الله يعين والله
 
رد: التحديث

ضوء القمر قال:
شي طبيعي يفصلونك اذا تأخرت

ليه ماتروح لهم طيب؟

تعب ساعة فقط وتالي برتاح إن شاء الله

أقول أترك عنك الكسل ورح لهم

أجل شقول للبنات او اللي مالهم غير الله ماعندهم أحد يرعاهم
اضغط للتوسيع...
بيني وين المكان ساعه وزود عدم توفر المواصلات وبعد المشي منتهي الا شوي لكن الله بيسلها جزاك الله خير
 
رد: التحديث

رعبوب قال:
الله يستر والله ماافيه حل طيب يعني ممكن اجيب تقرير اوضح بدل اني اروح لهم او… الله يعين والله
اضغط للتوسيع...
اي مايمنع اذا تقدر جربي تجيبين تقرير ثاني مطابق للي
يبون ورفقيه وإن شاء الله يقبلونه

دام ماعليك تعب جربي تجيبين ثاني واذا قالوا لك لازم تجين خلاص الشكوى على الله

اعتبري روحك رايحه طلعه تتمشين هههههه وأمورك طيبه
 
رد: التحديث

الله يسهلها ابحااول تقرير ثاني والله اسهل من الروحه وفقك الله ويسر امرك
 
رد: التحديث

اولا
تعتمد على نوع الاعاقة لأن هناك
اعاقات يلزم حضور الشخص ومعه التقرير الطبي الى مركز التأهيل ويتم التقييم من قبل الطبيب

ثانيا
انا حدثت التقرير وطلبوا مني الحضور وحجزت موعد وتم التقييم خلال 5 دقائق ولله الحمد.

اعاقتي تشوهات ( حروق )

وحسب علمي الأكيد حتي اعاقة الروماتويد عند التحديث وتققيم الاعاقة يلزم ايضا حضور الشخص والكشف على اليدين واذا كانت مشوهه يتم التقييم فقط في هذه الحالة.

والنفسية لا يتطلب الحضور فقط الاكتفاء بالتقرير وان الشخص لا يزال على العلاج.






HUAWEI MT7-TL10 السعودية لذوي الاعاقة
 
يجب تسجيل الدخول أو التسجيل كي تتمكن من الرد هنا.

عودة
أعلى