استفسار للمراجعين للمستشفيات التخصصيه خارج مناطقهم

[أبو سعد]

السلام عليكم

انا لدي اثنين من اولادي لديهم مراجعات في مستشفى الملك خالد التخصصي للعيون بالرياض

واحد بقرار من اللجنه الطبيه والثاني بامر من امير الرياض تم تحويلهم للمستشفى

ولدي المحول من اللجنه الطبيه لديه كف ابصار عين واحده واجريت له 3 عمليات وتنوم فيها

عن كل عمليه اكثر من ثلاث ايام وله قرابة السنه وهو شهرياً له مراجعه

وولدي الثاني له قرابة 6 اشهر ومراجعات فقط كل شهرين ولديه حول كسل في عين واحده

وهم مسجلين في التاهيل الشامل فئة 24ب كل سته اشهر 2000

__ المهم انا من سكان المدينة المنورة والمراجعات بالرياض

ولاناخذ تذاكر من الشؤون الصحيه ولا اي مبلغ ونذهب على نفقتنا

السؤال / هل يوجد بدل مواصلات وغيره تصرف لنا من الشؤون الصحيه كمبلغ نستحق ان نطالب فيه

لاني سمعت انه في ناس تستلم مبالغ من الشؤون الصحيه لمن لديهم مراجعات خارج مناطقهم

ارجو المساعده والاجابه على استفساراتي لمن لديه معرفه وماهي الاوراق المطلوبه

وآسف على الاطاله

 

[عزوووووز]

رد: استفسار للمراجعين للمستشفيات التخصصيه خارج مناطقهم

وعليكم السلام ورحمه الله وبركاته

اخي الحبيب

اولا الله يشفي عيالك يارب من كل سوء ان شاء الله
ثانيا بخصوص المواعيد اللي خارج منطقه الرياض تطلب من نفس المشفى خطاب
موجهه الى وزاره الصحه الخاصه بمنطقتك ومرفق معه موعد المراجعة
هم يتكفلو بقيمه التذاكر والحجز فقط هذا اللي اعلمه غير كذا ما اعرف

الله يوفقك وييسر امرك ان شاء الله

 

[ابولجين ولطيفه ونوره]

رد: استفسار للمراجعين للمستشفيات التخصصيه خارج مناطقهم

السلام عليكم

اسال الله العلي القدير ان يشفى مرضاك
بالنسبه للتذاكر والمصاريف يحق لك التقديم عليها والطريقه كا التالي

احضار تقرير طبي حديث من المستشفي اللي تراجع فيه وكذلك صورة موعد حديث وتروح الى اللجنه الطبيه الي عندك في المدينة المنوره وتقدم لهم التقرير الطبي والموعد وهم يصدرون لك قرار علاج خارج المنطقه علي نفقة وزارة الصحه لكل مريض وعه مرافق يصدر لهم تذاكر طيران ذهاب وعوده وكذلك يحسب للمريض والمرافق مبلغ مالي وقدرة 300 ريال لكل واحد عن كل زيارة وفي حالة التنويم يحسب مبلغ 300 ريال للمرافق عن كل يوم تنويم وطبعا هذي تطلبها بعد سنه او قبل ينتهي تاريخ قرار اللجنه الطبيه بس انت اول شي اصدر قرار اللجنه الطبيه من نفس مدينتك وان شاء الله اني افدتك بشي لاني مريت في هذي المرحله وتم صرف المبلغ لي الحمد لله بس لازم لك شوية صبر وشكرا