اشعارات

استفسار

ا

انسان مجهول

New member
بسم الله الرحمن الرحيم

السلام عليكم ورحمة الله وبركاته اخواني الكرام احتاج منكم استفسار ....انا رحت مدينة سلطان في الرياض للعلاج الطبيعي ودي اعرف كيف يقبلوني تنويم ...انا تعالجت لمدة أسبوع واحد وقالوا لي لازم تتعالج شهر وبعدين يصدر تقرير عن حالتي وانا ما اقدر على شهر لاني من اهل تبوك وما اقدر ادفع ايجار الشقق والعلاج ..الله يوفقك اللي يفيدني ويوفق الجميع
 
رد: استفسار

[align=center]بالنسبة للسكن يعطونك بالسكن الخيري داخل الرياض مع الاعاشة واخر يوجد بالدرعيةاذا كنت مرافق يجب ان تجدد كل اسبوع
بس لازم تطلب من قسم الشئون الاجتماعية وهم ما يقصرون معك

اما اذا انت المريض التنويم يكون بنفس المدينة ومعك مرافق
اما اذا تخرج بعد الفترة الصباحية
نفس الشي اطلب سكن منهم

واذا رغبت تراجع ادارة المدينة- الصندوق الخيري وتطلب الدخول عن طريق الصندوق
او تطلب على حساب وزارة الصحة
ممكن يعطونك شهرين وزارة الصحة اذا كان بطلب من المدينة مع جميع المصاريف

كلة يحسب حسب راتب المعاق او ولى امرة
اذا كان مرتفع يمكن ما يقبلونك
لهم انظمة ومقاييس ومعايير بالقبول يتبعونها

بس راح تتعب وتعاف السالفة اذا ما كنت مجالد وتحب المغامرة والاستكشاف بعالم المعاقين

بالتوفيق لك
والله ييسر لك امرك[/align]

انا نومة ابني خالد بمدينة سلطان لمدة ستة شهور متفرقة
واصبحت الان ذكريات واى سؤال عن المدينة تحت امرك
 
رد: استفسار

[align=center]وعليكم السلام ورحمة الله وبركاته

حياك وشفاك الله اخوي
كما ذكر لك اخونا خالد الجوف

وبختصار شديد
انت اكيد عمل لك الدكتور كشف وفتح لك ملف
قل لهم ابي اتعالج عن طريق الصندوق الخيري
قدروا وضعي انا من تبوك وراح تسوي اوراقك بيوم واحد

وش لك بالايجار وغيره
انت حالتك شلل رباعي تحتاج للتنويم ماينفع تتعالج الصباح وتطلع كل يوم
ارجع لتبوك لان اجراءاتك الى ان تقبل عن طريق الصندوق الخيري
تحتاج لشهرين او 3

بعد ماتتم الموافقة يتصلوا عليك عشان موعد التنويم
انت ومعك مرافق ع طول تجو من المطار للمستشفى


[/align]
 
رد: استفسار

إذا وضع الصحي يحتاج العلاج في المدينة فوزارة الصحة ملزومة تعالجك على حسابها هناك
و الأفضل لك تسكن عندهم
انا جلست بغرفة عندهم ولا أحلى

و أيضاً ممكن تقدم برقية عاجلة عن طريق الديوان الملكي

اللي لازم تعرفه
أن جميع مستشفيات المملكة ملزومين يعالجون المريض اللي يحتاج علاجه بالمدينة و على نفقة الوزارة اللي انت جاي منها
كلمني و أقول لك الطريقة زين ( يمنع ادراج الارقام )

علي محسن
 
التعديل الأخير بواسطة المشرف:
رد: استفسار

وفقك الله ... كتب أجرك ... ومأجور بإذن الله .... إن مشكلة السكن لا تزال قائمة وهي السبب وراء عدم اكتمال علاجك ، فبلغني وسيكون خيراً بإذن الله
 
رد: استفسار

عفوا اخي الكريم المتفائل ما المقصود بالصندوق الخيري وما شروط الحصول عن العلاج عن طريقه
 
يجب تسجيل الدخول أو التسجيل كي تتمكن من الرد هنا.

عودة
أعلى