اخصائي علاج طبيعي للمنازل في جده

[الاخصائي محمود]

انا اخصائي علاج طبيعي لحالات العظام والاعصاب واصابات الملاعب والاطفال وكبار السن ومتفرغ للمنازل وفي اي وقت بمدينه جده

ما ادري اذا مسموحلي انزل رقم موبايلي هنا ولا لأ عالعموم انا حنزله واذا ما كان موضح في الموضوع فممكن ارسله للي محتاجه عالخاص

للمفاهمه : ارسل رسالة الى الادارة

 

[احمد زايد]

رد: اخصائي علاج طبيعي للمنازل في جده

اهل بك اخصائي محمود

لو سمحت تلتزم بقوانين المنتدى
يمنع وضع ارقام الاتصال او الايميلات نهائيا لاي سبب دون الرجوع الى الادارة

 

[الاخصائي محمود]

رد: اخصائي علاج طبيعي للمنازل في جده

مرحبا اخوي احمد انا اسف والله ما كنت اعرف هالشي ووعد ما حيتكرر تاني ومتأسف مره تانيه وياريت تقبلوني كعضو جديد معاكم

 

[زوجة الغالي]

رد: اخصائي علاج طبيعي للمنازل في جده

مرحبا دكتور محمود انا زوجى يحتاج علاج طبيعى بعد اصابته بنزيف بالمخ
ونحن في جدة حابه ارسل لك العنوان على الخاص بس مشاركتي ماتسمح

 

[المتفائل]

رد: اخصائي علاج طبيعي للمنازل في جده

مرحبا دكتور محمود انا زوجى يحتاج علاج طبيعى بعد اصابته بنزيف بالمخ
ونحن في جدة حابه ارسل لك العنوان على الخاص بس مشاركتي ماتسمح

اختي ربي يشفي زوجك
بامكانك ارسال بيانات العنوان للادارة
من خلال خيار الاتصال بنا اسفل الصفحة ع اليسار
وستقوم الادرة بايصالها
​

 

[زوجة الغالي]

رد: اخصائي علاج طبيعي للمنازل في جده

يارب يشفيك ويشفي زوجى وجميع مرضى المسلمين يارب
تسلم ماقصرت

 

[الاخصائي محمود]

رد: اخصائي علاج طبيعي للمنازل في جده

ربنا يشفي زوجك يا اختي والبيانات وصلت خلاص وربنا يسهل ومشكور يا اخوي متفائل على تفاعلك مع الموضوع وجزاك الله خيرا

 

[الاخصائي محمود]

رد: اخصائي علاج طبيعي للمنازل في جده

اللي حابب يستفسر عن اي شي يخص العلاج الطبيعي او يعرف احد محتاج جلسات علاجيه ويبغى دكتور يجيه البيت في جده أنا متواصل معكم وبياناتي عند الاداره

 

[الاخصائي محمود]

رد: اخصائي علاج طبيعي للمنازل في جده

يا جماعه الاعلان لسه موجود وانا متفرغ لعمل جلسات العلاج الطبيعي المنزليه في اي وقت بإذن الله في مدينة جده وللاستفسار عن رقمي يرجى متابعة الاداره في ذلك عن طريق الاتصال بنا وشكرا ...

 

[اتكالي عليك ياربي]

رد: اخصائي علاج طبيعي للمنازل في جده

صباح الخير ..

اولا جزاك الله خير لمساعدتك لنا ويجعلها بموازين اعمالك ..

دكتور محمود انا سويت عملية بالرجلين وحده منهم كانت تعديل ركبه
تقريبا ليا 9 شهور الى الأن مااقدر امشي غير بعكازات من فترة بسيطة المشكلة ان قدمي ثقيلة
مرره مااقدر حتى ادف رجولي ابغاك تعطيني حل للثقل مع العلم ان ليا قريب الـ 4 شهور
بسوي علاج طبيعي ..

 

[الاخصائي محمود]

رد: اخصائي علاج طبيعي للمنازل في جده

اول شي يا أختي حمد لله على سلامتك وانشاء الله ما تشوفين شر
ثاني شي ممكن تقوليلي ايش بتسوي في جلسات العلاج الطبيعي حاولي تشرحيلي بالتفصيل الاخصائيه ايش بتسوي معاكي في الجلسه سواء بالاجهزة أو التمارين وانا مستني ردك

 

[اتكالي عليك ياربي]

رد: اخصائي علاج طبيعي للمنازل في جده

الله يسلمك يارب ومايجيك الشر ان شاء الله ..

تماريني عباره عن شد الرجل بنفسي او عن طريق شرشف ..

رفع الرجل ارتفاع بسيط احاول افرد رجلي كامله فيه .. واحيانا احط وزن

ثني ركبتي وفرده .. انام على بطمي واثني رجلي اما لحالي او اكون حاطة الوزن ..

وجهاز اوربت ترك .. الشد على ركبتي عشان تنفرد لان فيها ثنيا

 

[الاخصائي محمود]

رد: اخصائي علاج طبيعي للمنازل في جده

يعني انتي تقدري تمشي دامك تستعملي جهاز الاوربت تريك صح ؟؟؟
وكمان ابغى اعرف مافي اي اجهزه بيستخدموها معاكي حقت علاج طبيعي ؟
وكمان هل يوحد انتفاخات مكان العمليه ؟
متى سويتي العمليه ؟
وين تسوين العلاج الطبيعي في اي مستشفى او اي مستوصف (الاسم) ؟
معلش محتاج هذي الاجوبه عشان اقدر اقيم الحاله اكثر واعرف ايش اللي تحتاجيه

 

[رحمتك يارب]

رد: اخصائي علاج طبيعي للمنازل في جده

يعني انتي تقدري تمشي دامك تستعملي جهاز الاوربت تريك صح ؟؟؟
ايوا الحمدلله قبل العملية كنت امشي بس أعرج لكن بعد العملية بعكازات او مشاية
بس الاوربت ترك وانا جالسة ..

وكمان ابغى اعرف مافي اي اجهزه بيستخدموها معاكي حقت علاج طبيعي ؟
يمكن مرتين او 3 استخدمت جهاز اكون جالسة وفيه شيء اسطواني ادفه برجلي

وكمان هل يوحد انتفاخات مكان العمليه ؟
لا الحمدلله بس احيانا مكان المسامير والشرايح تتنفخ شوي وتروح من حالها
اتوقع اذا اجهدت نفسي

متى سويتي العمليه ؟

امممم يمكن 9 او 10 شهور
وين تسوين العلاج الطبيعي في اي مستشفى او اي مستوصف (الاسم) ؟
مستشفى تأهيلي

انا حاليا مشكلتي هي ثقل القدم عندي مره يعني لو احاول اعتمد بالمشي
على نفسي مااقدر ماتندف هذي برجل وحده ..

 

[الاخصائي محمود]

رد: اخصائي علاج طبيعي للمنازل في جده

عموما يا اختي مشكله الثقل لانه العضلات عندك ضعيفه وماهي قادره تشيلك بسبب انه لكي فتره كنتي ما تتحركي بعد العمليه عشان المسامير وكدا بس انا شايف انك تركزي اكتر في تمارينك وتكثفي منها بمعنى اخر اكيد بتروحي المستشفى عشان العلاج الطبيعي 3 مرات او مرتين اسبوعيا
فيستحسن انك تمارسي التمارين اللي تعمليها في العياده كمان في المنزل وشدي حيلك وادخلي على اليوتيوب واكتبي تمارين لتقوية عضلات الافخاذ والساق والقدم تلاقي تمارين بالهبل ممكن تصير تمارسيها بنفسك وربنا يوفقك يا اختي

 

[رحمتك يارب]

رد: اخصائي علاج طبيعي للمنازل في جده

ان شاء الله حاستمر عليها أكثر ..

بس حابة اسألك الجهاز اللي زي المساج او التدليك للقدم هل يساعد في التخفيف من الثقل ؟

والله يعطيك العافية يارب ويجزاك خير ..

 

[الاخصائي محمود]

رد: اخصائي علاج طبيعي للمنازل في جده

ناس بتقول انه المساج بزيت الزيتون بيفيد وناس بتقول لأ بس انا حقولك من اللي درسته المساج اللي حيفيدك فيه انه حيحسن الدوره الدمويه للمنطقه اللي بيحصل فيها المساج بس لو حتعمليه مو شرط زيت الزيتون خليه للفول والحمص احسن ممكن من غير زيوت بس تكون الطريقه من الاسفل للاعلى تبدأ من القدم وتطلع للساق والفخذ عشان تحركي الدم بطريقه صحيحه وربنا يوفقك يا اختي وشدي حيلك .

 

[رحمتك يارب]

رد: اخصائي علاج طبيعي للمنازل في جده

ههههههههههه حاخليه للفول والحمص ومااستخدمة

اللهم آمين وياك يارب وجزاك الله خير ..

 

[الاخصائي محمود]

رد: اخصائي علاج طبيعي للمنازل في جده

اخصائي علاج طبيعي للمنازل بجدة لحالات العظام والاعصاب واصابات الملاعب

 

[الاخصائي محمود]

رد: اخصائي علاج طبيعي للمنازل في جده

اخصائي علاج طبيعي للمنازل بجدة