بعد ايقاف الاعانه هل توقفت شمول الحاله لدى وزارة العمل ؟؟؟

[قول الحق]

السلام عليكم احبتي كيف حالكم
ياجماعه والله ظرفونا قاسيه وماحد حاس فينا لمتى وحنا نضل على الوضع هذا ؟
الحين توقفت الاعانه اقسم بالله حالتي صعبه وماعندي دخل غير 800 ريال و توقفت الحين بلا سبب وبدون سابق انذار
الحين بسالكم هل ايقاف الاعانه يتسبب بايقافك من شمول الحاله لدى الوزاره انك تحسب عن 4 سعوديين ؟
او خلاص حذفوك من القائمه مره وحده وريحوا راسهم منك ؟
انا حصلت لي سعوده بطلعة الروح قالي بشرط تكون محسابوع ن اربع موظفين
ياجماعه بالله مساعده والله العظيم مالها داعي حركاتهم بالمسلمين كذا حنا ضعوف ومالنا غير الدخل القليل هذا يروحون يحذفونا بكل برود اعصاب
والمشكله لو مخلين شمول الحاله بالوزاره ماهم خسرانين شي
اتمنى المساعده منكم وان شاء الله الشموليه باقيه ماهي طايره
يالله يارب انك تعمي بصيرتهم عن شمول الحاله

 

[لينا لينا]

رد: بعد ايقاف الاعانه هل توقفت شمول الحاله لدى وزارة العمل ؟

mlsd.gov.sa/ar/query/mol
شيك هنا اذا تم الارسال معناته تحتسب عن اربع موظفين
واذا لم يتم الارسال فيعتي لا
موفق

 

[طالب جامعي]

رد: بعد ايقاف الاعانه هل توقفت شمول الحاله لدى وزارة العمل ؟

إذا الإعانة موقوفه كمان الشمولية تتوقف
انا صار لي كذا الحين الاثنين توقفوا وقف قلب اللي سوى فينا كذا

 

[قول الحق]

رد: بعد ايقاف الاعانه هل توقفت شمول الحاله لدى وزارة العمل ؟

mlsd.gov.sa/ar/query/mol
شيك هنا اذا تم الارسال معناته تحتسب عن اربع موظفين
واذا لم يتم الارسال فيعتي لا
موفق

بعد الاستعلام طلع لي كذا
نتيجة الاستعلام لم يتم الإرسال

طيب شمول الحاله ما يكلفهم يدفعون فلوس
وليه مستكثرين علينا الشمول ؟؟؟؟؟؟؟؟

يالله وش قاعد يصير في حقوقنا
والله الي يصير فينا مايرضي الكفار كيف يرضي مسلمين
يامنتقم انتقم منهم فانهم لا يعجزونك

 

[ضوء القمر]

رد: بعد ايقاف الاعانه هل توقفت شمول الحاله لدى وزارة العمل ؟

الله يعوضك خير

 

[متقاعد قريبا]

رد: بعد ايقاف الاعانه هل توقفت شمول الحاله لدى وزارة العمل ؟

استغرب من توقف الشمولية لدى وزارة العمل رغم تأكيدهم بعدم توقفها اذا انقطعت الاعانة والكلام هذا مثبت يبدو لي انهم غيرو رأيهم للأسف

 

[جبل]

رد: بعد ايقاف الاعانه هل توقفت شمول الحاله لدى وزارة العمل ؟

حل مشكلة ايقاف الشمول بسجلات العمل

اغلب من تم ايقاف الاعانة عنهم تم ايقاف الشمول بسجلات العمل لاحتساب التوظيف ب 4 افراد

وحل هذه المشكلة هي مراجعة التاهيل الشامل وطلب تعريف بالاعاقة (ليس ضروري انك تستلم اعانة) وتتوجه به للاحوال المدنية للتعديل على بياناتك وتاخذ من الاحوال برنت بعد التعديل وتسلمه للتامينات الاجتماعية... وبكذا ترجع لك حالة الشمول بسجلات العمل ونظام حساب السعودة
وليس بالضرورة ان تكون مستحق للاعانة حتى تستحق الشمول
لان التعريف يُذكر فيه الاعاقة ولا يُذكر فيه الاعانة

وبالتوفيق للجميع

 

[متقاعد قريبا]

رد: بعد ايقاف الاعانه هل توقفت شمول الحاله لدى وزارة العمل ؟

حل مشكلة ايقاف الشمول بسجلات العمل

اغلب من تم ايقاف الاعانة عنهم تم ايقاف الشمول بسجلات العمل لاحتساب التوظيف ب 4 افراد

وحل هذه المشكلة هي مراجعة التاهيل الشامل وطلب تعريف بالاعاقة (ليس ضروري انك تستلم اعانة) وتتوجه به للاحوال المدنية للتعديل على بياناتك وتاخذ من الاحوال برنت بعد التعديل وتسلمه للتامينات الاجتماعية... وبكذا ترجع لك حالة الشمول بسجلات العمل ونظام حساب السعودة
وليس بالضرورة ان تكون مستحق للاعانة حتى تستحق الشمول
لان التعريف يُذكر فيه الاعاقة ولا يُذكر فيه الاعانة

وبالتوفيق للجميع

جزاك الله خير يا ليت تفتح فيها موضوع جديد افضل

 

[وحداني يعاني]

رد: بعد ايقاف الاعانه هل توقفت شمول الحاله لدى وزارة العمل ؟

الله يعين فعلا شي يقهر

اللي فهمته
اللي توقفت اعانته بسبب الحد المانع للراتب يعني اللي راتبه فوق 4 الاف
الشمول مستمرة معاهم

واللي وقفت اعانته بسبب تحديث التقرير
للاسف صار غير مشمول في نطاقات

ظلم صراحة
والله اعرف معاق يبكي كل يوم ساكن في ايجار
وعايش على 800 حق التاهيل وسعوده ب 2000
الاعانه قطعوها عليه والشركه فصلوه بسبب صار غير مشمول
والحين حالته صعب جدا واكيد فيه كثير نفس حاله

اتمنى المسؤولين يشوفوا حل في هالقرارات المعاقين حالتهم صعبة
مو ناقصين معاناه فوق مرضهم ...

 

[اخو نوره]

رد: بعد ايقاف الاعانه هل توقفت شمول الحاله لدى وزارة العمل ؟

اخواني ممكن اعرف ذهابي للاحوال ايش اسوي هناك وهل البرنت فيه شي مخصص يكون لشمول في نطاقات


أرسلت بواسطة iPhone بإستخدام السعودية لذوي الاعاقة

 

[ابوعبدالمجيد]

رد: بعد ايقاف الاعانه هل توقفت شمول الحاله لدى وزارة العمل ؟

اخواني ممكن اعرف ذهابي للاحوال ايش اسوي هناك وهل البرنت فيه شي مخصص يكون لشمول في نطاقات


أرسلت بواسطة iphone بإستخدام السعودية لذوي الاعاقة

الاحوال ليس له علاقه في شمول نطاقات نهائيا
شمول نطاقات من التأهيل مربوط بوزارة العمل بشكل تلقائي.

 

[ام شمس الواعظين]

رد: بعد ايقاف الاعانه هل توقفت شمول الحاله لدى وزارة العمل ؟

رفع