بعد ايقاف الاعانه ورفض الاعتراض نطاقات تم الارسال

[عشقي الهلال]

السلام عليكم شهر مبارك علينا وعليكم
بعد رفض الاعتراض وايقاف الاعانه
الحمد لله شيكت وطلع لي تم الارسال
والله ياخوان اني تعبت نفسيا ومعنويا
ابي اعرف شي واحد بس والله ماهي مخسرتهم شي ولا يتزلزل اقتصاد البلاد على 833 ريال تصرف علينا
والله لو يخصمون ويخلونها 500 ريال او يخلونها 333 ريال اني راضي بس كذا مره وحده تتوقع وبدون حتى سابق انذار
ناسر كثير تضررت الي توقف علاجه والي انفصل من وظيفته لانه صار محسوب عن 1
بعد الفوضى كلها يادوب رجعو لنا شمول نطاقات بس
انا الي اكثر شي مالقيت له جواب
من المتسبب بكل الحوسه هذي والي امر بايقاف الكثير من الاعاقات ؟؟

والله واقسم بالله اني اشتري كريم الكورتيزون حق البهاق بقيمة 400 ريال للعبه الصغير والرجال يطلبني الحين فوق 1200 ريال حق 6 شهور ماعطيته
كل شهر اعطيه نص القيمه ومرات ماعطيه شي صحيح انه رجال وقدرني بس يقول لاتحرجني اكثر من كذا ابي الفلوس وانا متورط معه الحين
كنت حاط املي بالله ومتفائل يرجعون لي الاعانه باثرها الرجعي واعطي الرجال حقه
بس حسبنا الله ونعم الوكيل كل شي جا عكس ما تمنينا
ومبروك لمن تم رجوع الاعانه لهم وطلع لهم مستمره وعقبال ياخذون الاثر الرجعي

 

[ام ملاك]

رد: بعد ايقاف الاعانه ورفض الاعتراض نطاقات تم الارسال

حسبنا الله ونعم الوكيل بعض بعض الناس اذا شبع فسق ولعب في حسبة الضعوف اللي مالهم حيل ولاقوة

 

[عشقي الهلال]

رد: بعد ايقاف الاعانه ورفض الاعتراض نطاقات تم الارسال

حسبنا الله ونعم الوكيل بعض بعض الناس اذا شبع فسق ولعب في حسبة الضعوف اللي مالهم حيل ولاقوة

اختي من هذا الي لعب وفسق فينا ؟؟
حسبي الله عليه ونعم الوكيل

 

[ابو عادل المطيري]

رد: بعد ايقاف الاعانه ورفض الاعتراض نطاقات تم الارسال

حجزت في مقابله الطبيب في مركز التاهيل الساعه 8 ص الثامنه صباحا هل فيه دوم
اللي اعرفه بدايه الدوامات العاشره
هل التاهيل دواماتهم تختلف أرجو الرد

 

[ابوعبدالمجيد]

رد: بعد ايقاف الاعانه ورفض الاعتراض نطاقات تم الارسال

حجزت في مقابله الطبيب في مركز التاهيل الساعه 8 ص الثامنه صباحا هل فيه دوم
اللي اعرفه بدايه الدوامات العاشره
هل التاهيل دواماتهم تختلف أرجو الرد

بداية الدوام الساعة العاشرة...خلك على موعدك ورح لهم الساعة العاشرة.

 

[ابو عادل المطيري]

رد: بعد ايقاف الاعانه ورفض الاعتراض نطاقات تم الارسال

اشكرك اخوي ابو عبدالمجيده ع الرد

 

[ابوعبدالمجيد]

رد: بعد ايقاف الاعانه ورفض الاعتراض نطاقات تم الارسال

اشكرك اخوي ابو عبدالمجيده ع الرد

العفو اخوي