بعدك عن اللي ما يعزك .... معزه

[ابو فواز]

بعدك عن اللي ما يعزك .... معزه
وصدك عن اللي يعتني بك ردى منك
اللي يعزك لازم انك تعزه
وتعلن معه طول الليالي تضامنك
لصار في لازمك عجل ٍ مفزه
اكبر خطيه في لزومه تهاونك
والصاحب اللي صحبته بس رزه
مثل العدو اللي قبل ساكت عنك
لاتجرح اشعوره ولا تستفزه
وترى الكلام الشين دائم يشينك
واهل النفوس اللي قبل مشمئزه
ابعد ظعنهم لا يقرب ضعاينك
وللهرج حزات ٍ وللصمت حزه
ومن لا يعرفك معرفه مايثمنك
وان كان عينك كل درب تقزه
اعرف ترى غيرك عيونه تعاينك

 

[إحسـاسي]

رد: بعدك عن اللي ما يعزك .... معزه

وللهرج حزات ٍ وللصمت حزه
ومن لا يعرفك معرفه مايثمنك

ابيــات راائعه اخوي ابو فواز
يعطيك العافيه ..
تقييمي وتقديري لك ؛​

 

[واثق الخطوة]

رد: بعدك عن اللي ما يعزك .... معزه

حاولت الاقتباس من القصيدة
ولكن كل الابيات بغاية الروعة وفيها من الحكمة الشيء الكثير
إختيار يدل على ذائقة مميزة ... مبدع كعادتك اخي ابوفواز
لاعدمناك ياغالي
إحترامي وتقديري لك ..
​

 

[ابو فواز]

رد: بعدك عن اللي ما يعزك .... معزه

الله يعافيك اختنا احساسي
الاروع دوما تواجدك بارك الله فيك
كل الشكر لك على المرور والتقييم
احترامي تقديري لك

 

[ابو فواز]

رد: بعدك عن اللي ما يعزك .... معزه

هذا من ذوقك الراقي لاعدمناك اخي واثق الخطوة
والتميز والرقي والابداع بتواجدك دوما الله يعطيك الصحة والعافيه
كل الشكر لك على المرور والتقييم والكلام الطيب اللي ما هو غريب
احترامي وتقيديري لك يالغالي