بدل الإعاقة الجامعي

[سلطاني]

السلام عليكم والرحمة.

توصلت مع مكتب ذوي الاحتياجات الخاصة في الجامعة وعطوني خطاب موجه للتأهيل. الآن اروح للتأهيل معي التقارير الطبية ومن ثم ايش اسوي بعد التأهيل ؟

هل هي تروح للتأهيل ثم المعاملة تنرسل إلى الجامعة ؟

 

[معاقة متفائلة]

رد: بدل الإعاقة الجامعي

نعم

 

[ام دالين]

رد: بدل الإعاقة الجامعي

التأهيل ما يرسلها
انت الي تستلمها وتوديها للجامعة
لانك استلمتها من الجامعة مناولة وراح تسلمها مناولة
لو ارسل الجامعة الخطاب رسمي راح يرسلونه التأهيل للجامعة بشكل رسمي

 

[المحزوف]

رد: بدل الإعاقة الجامعي

السلام عليكم
تاخذ التحويل وتروح للتاهيل الشامل 0 انا رحت للدرعية ) مع التقرير تعبي اوراق وتاخذ صورتين شمسية وبطاقة الاحوال
يكشف عليك طبيبي التاهيل ويكتب تقريره تاخذ التقرير لمدير المركز وهو يرفعه لك لوزارة الشؤون الاجتماعية
بعد اسبوع راجع التاهيل الشامل وخلك وراهم عند واحد اسمه الدوسري الي في مبنى جامعة الاميرة نوره الجهة الغربية منها وتقع على شارع الامام مخرج 9
هم يرفعونها للجامعة وتاخذ رقم لها اهم شي من الدرعية وبعد شهرين تنزل لك
ملاحظة مهمة اذا كانت الاعاقة قديمة خله يكتب في التقرير وقت الاعاقة حتى تصرف لك باثر رجعي
الله يوفقك 0
هذا ما قمت به والحمد لله تم الصرف بعد تقريبا شهرين ونصف والله يوفقك ويرزقك

 

[رينيه]

رد: بدل الإعاقة الجامعي

السلام عليكم والرحمة.

توصلت مع مكتب ذوي الاحتياجات الخاصة في الجامعة وعطوني خطاب موجه للتأهيل. الآن اروح للتأهيل معي التقارير الطبية ومن ثم ايش اسوي بعد التأهيل ؟

هل هي تروح للتأهيل ثم المعاملة تنرسل إلى الجامعة ؟

تدرس انتظام ولا انتساب

 

[سلطاني]

رد: بدل الإعاقة الجامعي

تدرس انتظام ولا انتساب

انتظام

 

[المحزوف]

رد: بدل الإعاقة الجامعي

توكل على الله وروح للتاهيل الشامل ارسلتلك رد على الخاص

 

[المحزوف]

رد: بدل الإعاقة الجامعي

عليكم السلام
1 روح بالخطاب للتأهيل الشامل بالدرعية مع التقرير و2 صورة شمسية والهوية
2 يتم تعبئة ورقتين تحويل للطبيب والاخصائي النفسي
3 تاخذ الورقتين وتدخل على المدير يرفع لك التقرير على الموقع واحرص مكتوب فيه تاريخ الاعاقة عشان تصرف لك باثر رجعي
4 تاخذ رقمها وهم يرسلونه رسمي الى التأهيل الشامل في مقر جامعة الاميرة نورة الجهة الغربية
5 بعد اسبوع راجعهم عند موظف اسمه الدوسري وتابع معه باستمرار حتى يرسلها الى الجامعة
6 تاخذ في الجامعة تقريبا شهرين
الله يرزقك هذا الخطوات الي سويتها والحمد لله صرفت لي بعد ثلاثة اشهر تقريبا
القبول حسب الاعاقة والتقرير الطبي
يعطيك العافية والصحة

 

[رينيه]

رد: بدل الإعاقة الجامعي

وش نوع الخطاب الموجه للتاهيل
ايش يكون مكتوب فيه يعني

وهل اذا كنت منتسب ما استحق شيء

 

[سلطاني]

رد: بدل الإعاقة الجامعي

اشكر الجميع على الرد.

توني اليوم رحت عندهم للفرع حق خريص لان الخطاب كان موجه لمركز الرياض. بس ماعطوني رقم مراجعة بس قالوا الجامعة رح تتواصل معاك خلال أسبوعين لثلاثة أسابيع.