بخصوص فيزه الخادمه

[سلطانة بيتي]

السلام عليكم ورحمة الله وبركاته
انا بقدم على فيزة خادمة وحابه اسأل الفيزة ينكتب فيها انها صادره عن طريق التأهيل الشامل او ان صاحبها معاق
وكم المده الي تستغرقها الفيزه عشان تصدر . وهل يشترطون ان يكون فيه مبلغ معين في حسابي انا اول مره اقدم
ارجو الرد سريعا لان بقدم بكره

 

[ابولجين ولطيفه ونوره]

رد: بخصوص فيزه الخادمه

هلا بك
بخصوص الفيزه حقت الخادمه يتم التقديم عليها عن طريق التاهيل الشامل في المنطقه اللي انتي فيها تروحين لهم وتعبين بيان موجود عندهم ويشوفون هل انتي تستحقين الخادمه والسائق والممرضه فكلاعلي حسب اعاقته وفي حالة استحقاقك هم يرسلون الطلب الي مكتب العمل وبعد مدة من يومين الي اسبوع تراجعين مكتب العمل برقم الطلب اللي اعطوك اياه التاهيل ويكون معك تعريف بالراتب لاي شخص لا يقل راتبه عن 4000 الاف ريال وذلك يكون كفيل وكذلك صورة من بطاقة الاحوال او كرت العائله وبعدها تاخذين الفيزه وانتي واقفه في نفس الوقت وبعدها تروحين تستقدمين من اي مكتب استقدام ويكون ذلك علي حسابك الخاص استقدام العامل وعند حضوره وبعد فترة ثلاثة شهور تروحين للجوازات في نفس المنطقه وذلك بعد ان تاخذي ورقه من التاهيل موجهه للجوازات انك من ذوي الاحتياجات الخاصه لكي يتم اعفائك من الرسوم وتقدمين الطلب عليهم ويتم اعفائك من رسوم الاقامه ورسوم التجديد وكل ما يتعلق بالاقامة ولا يتطلب منك توفير مبلغ في حسابك ولا شي ولا يكتب في الفيزه ان صاحبها من ذوي الاحتياجات الخاصه وان شاء الله اني قدمت اللي اقدر عليه لانها مرة علي كل ها الامور والاجرأت وتوي اليوم استخرجت اقامة خادمه لدي تخص ابنتي من ذوي الاحتياجات الخاصه

ودمتي بود​

 

[فواز العتيبي]

رد: بخصوص فيزه الخادمه

كفت ووفت اختي الكريمه

 

[ابولجين ولطيفه ونوره]

رد: بخصوص فيزه الخادمه

كفت ووفت اختي الكريمه

اخوي فواز الله يعطيك العافيه فديتك ياليت تتاكد من المعرف قبل الرد وشكرا لك

 

[سلطانة بيتي]

رد: بخصوص فيزه الخادمه

الف الف شكر اخوي
بس بثقل عليك ايش اخذ معي اوراق للتأهيل عشان اقدم​

 

[بنت السعودية]

رد: بخصوص فيزه الخادمه

المطلوب كرت العائلة او بطاقة الاحوال للمعاق وبطاقة الصراف التاهيل

 

[سلطانة بيتي]

رد: بخصوص فيزه الخادمه

تحملوني على كثرة اسألتي اخر سؤال لازم بطاقة الصراف التاهيل

 

[ابولجين ولطيفه ونوره]

رد: بخصوص فيزه الخادمه

لا مو لازم بطاقه الصراف اهم شي رقم السجل والمستفيد

 

[سلطانة بيتي]

رد: بخصوص فيزه الخادمه

الف شكر اخوي ابو لجين ولطيفه ونورة ، والاخ فواز العتيبي والاخت بنت السعوديه
رحت الخميس وقدمت وعطوني موعد الاستلام اخر شهر2

 

[ابولجين ولطيفه ونوره]

رد: بخصوص فيزه الخادمه

الله يوفقك ويرزقك ويرزق الجميع