بخصوص المقطوعه

[سارعي للمجد]

السلام عليكم ورحمة الله وبركاته ..

كيف حال الجميع !

انا مستفيد بتاهيل الشامل .

مافي مقطوعه لنا ملكيه او اعانات نقدم عليها
او اي شيء نستفيد منه غير الراتب لانه بصراحه
مايكفي جدا خبركم عيد ومصاريف بيت
والله ماندري وش نبدي الله يعين

انا سمعت فيه مقطوعات لمستفيدين التاهيل الشامل
من جميعة الامير سلطان الله يرحمه
وهي اعانات فلوس
هل صحيح ولالا

وشاكر ومقدر لكم جميعا .

 

[كثير الرماد]

رد: بخصوص المقطوعه

عسى الله يرزق الجميع...
تقدر تقدم على الضمان مساعده مقطوعة ....
زيادات لشهر رمضان لم نسمع جــديد .....
مساعدات جمعية الامير سلطان رحمة الله عليه ....هذه لا اعلم عنها ناس يقولون فيه ...وناس يقولون ما فيه .....
استفســـــــــر عنها بنفســـــك .....
وعيــــــــــــــــــ( مبارك )ــــــــدك .....والله المستعـــــان ........

 

[سارعي للمجد]

رد: بخصوص المقطوعه

^^
حبيب قلبي علينا وعليك يارب .

بيض الله وجهك على المعلومه

بس كيف اقدم على الضمان وانا من مستفيدين التاهيل الشامل .

على يدك اذا عندك اقتراح ياخوي

ولاهنت وشاكر ومقدر لمرورك

 

[كثير الرماد]

رد: بخصوص المقطوعه

أخـــــي
حيا وبياك .......
لا بأس من التقديم على الضــمــــــان ..وانــت من مستفيدي التأهيـــل (بطاقة زرقاء)
توجـــد حالات كثيرة اعرفهــــا ....مستفيدة من الضمـــان و التأهيل ..ضمن شروط
القبول التى يطلبها مكـتـــــــــ(الضمان)ـــــب ..........
وحتى يتم قبولك هناك شـــروط يجب ان تنطبق عليك ...ومنها الراتب الى سقف معين (لو انت موظف )
والله لا اعلــم كم؟؟؟؟؟
ايضــــــا انت لن تخـســـــر شيء بذهــــابك الى مكتب الضمان ..اسالهم .. واذا انطبقت عليك شروطهم
عـــد مرة اخــــرى ومعك اوراقك مع صورها كاملة ....وقدم وانت مرتاح (من جهة انك مقبول بعد الاستفسار)
وعـــسى ربـــــي يعطيك ويعطي كل مســــــــلم ....../ جــرب وحــــاول منت خـاســــر / وفــــــــــــــــــالك التوفيق

 

[سارعي للمجد]

رد: بخصوص المقطوعه

^^
انا موب موضف انا طالب جامعي ولا استلم مكافئة

الي يعرف وش الاوراق المطلوبه الي تسلم للضمان
يقول لي

مشكور ع مرورك لاعدمتك

 

[كثير الرماد]

رد: بخصوص المقطوعه

أخـــــي/ سارعي
طابت اوقاتك بكل خير ....
التقديم على الضمان يختلف من شخص الى اخــــــر من ناحية
: العـمـــــــــر
: الحالة الاجتماعية ..متزوج او اعزب
: مقدار راتب العمل ...لو كنت على رأس عمل
الحالة المرضية .... لوكنت عاجز عن العمل ...عجز كلي أو عجز مؤقت ...
.... بعدين ( دامك بالـــــــــــــــرياض ) الله يعينك على مشـــوار على مكتب الضمان ...وتستفســـر بشكل ادق واشمل
لانني سمعـــت وعرفت من البعض وهنا بالمنتدى ...ان هناك تنظيم جديد لديهم للمساعدة المقطوعة ولا اعلم هل
التنظيم الجديد يشمل نفس شروط الضمان السابقة ام لا ؟؟؟؟؟
لذا الأفضل لك الذهاب لمكتب الضمان والاستفسار منهم مباشرة ........تحيـاتي ..وفالك التوفيق

 

[دارين]

رد: بخصوص المقطوعه

حياك الله اخي ان كنت مثلك فقط بالتاهيل ولاعلم لي بالضمان بعد ما عرفت اخذت اوراقي ورحت لضمان والضمان اعطوني ورقه تحويل للمستشفى والدكتور كتب ان اعاقتي بسيطه والضمان اعتذرو عن قبولي يقولو بس للحالات المستعصيه المهم رحت لمركز ضمان ثاني وكمان حولوني لدكتور وشرحت لدكتور معاناتي وكتب حالتي مستعصيه وتم قبولي بفضل الله
الزبده من كلامي اهم حاجه مايكتبه الطبيب بالتقرير وضح له معاناتاك
والحمد الله الضمان نعمه غير انوه شهري هناك مساعده مقطوعه قدرها عشره الاف وثلاث ميه تقدم عليها سنويا وتجيك
اتمنى اكون افدتك
والله يوفقك

 

[سارعي للمجد]

رد: بخصوص المقطوعه

انا بروح ان شاءلله لفرع الضمان واشوف دعواتكم
لي .

جدا ماقصرتو حبايبي
ولا خلا ولا عدم

 

[احمد زايد]

رد: بخصوص المقطوعه

سارعي

الله يوفقك ويرزقك من فضله اذا انت طالب جامعي لا تنسى بدل الاعاقه قدم عليه من الجامعة وراح تستلم إعانة التأهيل شهري مع مكافأة الجامعة